Unicode Font
4. ထမင်းဖိုး (၁)
သူ့စကားလုံးများသည် တိုးနေပြီး သူတို့နှစ်ယောက်ကြားက အနေအထားမှာ သေးငယ်သွားသည်။
အမှန်အတိုင်းပြောရလျှင် Ji Qingyingသည် Fu Yanzhi သူမ အလိမ်ကို ရှာတွေ့သွားမည်ဟု မထင်ခဲ့မိပါ။
သူမ သူ့စကားကြောင့် အခက်တွေ့သွားရင်း သူ့ကို မော့ကြည့်လိုက်သည်။
ထိုယောက်ျား၏ ပယင်းရောင်မျက်လုံးများသည် ညဘက်တွင် နက်မှောင်နေဟန် ပေါ်နေသည်။ ထို့နောက် Ji Qingyingသည် ခေတ္တခဏ ရှက်သွားပြီး သူမ အတွေးများကို မြန်မြန် ပြန်စုလိုက်ကာ ပြောလိုက်သည်၊ "ဟုတ်တယ်လေ။"
သူမ မျက်နှာတွင် ရှက်နေမှုတို့ မရှိနေသည့်အလား သူမသည် ပြုံးလိုက်ပြီး မေးလိုက်သည်၊ "အရသာ ဘယ်လိုရှိလဲ"
Fu Yanzhiသည် ဘာမှ မပြောပေ။
သူသည် ငုံ့ကြည့်လိုက်ပြီး အိတ်ကို ကိုင်ထားသော သူမလက်ကို အကြည့်ရောက်သွားသည်။ စိတ်လှုပ်ရှားနေမှုကြောင့် သူမလက်အနောက်က သွေးပြန်ကြောကို အလွယ်တကူ တွေ့မြင်နိုင်သည်။
စက္ကန့်အနည်းငယ် ကြာပြီးနောက် သူသည် အကြည့် ပြန်ရုတ်သိမ်းလိုက်သည်။
Ji Qingyingရင်သည် ဒရမ်တီးနေသကဲ့သို့ တဒိန်းဒိန်း မြည်နေသည်။
Fu Yanzhiဘာကို ဆိုလိုသည်ကို မသိလိုက်ရဘဲ ထိုယောကျာ်းသည် သူမ အရင်က သူ့အကြောင်း လေ့လာခဲ့သည်နှင့်တောင် မနီးစပ်နေပါ။
သူမသည် ချစ်သူရည်းစား တစ်ခါမှ မထားခဲ့ဖူးပေမဲ့ ဒီလိုကြည့်ကောင်းသော ယောကျာ်းများ ဘယ်လို ပုံစံရှိကြသည်ကို သူမ သူငယ်ချင်းများပြောသည်ကို ကြားဖူးသည်။
သို့ပေမဲ့ Fu Yanzhiကတော့ သူတို့ ပြောဖူးသောအကြောင်းများနဲ့ တစ်စက်ကလေးတောင် မတူနေပါ။
သူမသည် နှုတ်ခမ်းကိုက်လိုက်ပြီး ဒီအကြောင်းကို ဘယ်လို လိုက်ရှာရမလဲဆိုတာ စဥ်းစားခန်းဝင်နေသည်။
"Sanshiစားသောက်ဆိုင်က ဒီတစ်ဝိုက်မှာ အကောင်းဆုံးလို့ ကျွန်မ ကြားတယ်၊ မဟုတ်ဘူးလား"
YOU ARE READING
Jiaochen (MM Translation)
RomanceDisclaimer: I do not own this story. I translated this story from English. So if there is something wrong, feel free to tell me. Just for Translation. All credits go to original author and English translator^^ Zawgyi font is also available ^^ Unicod...
