لبوة

البارت الثالث والعشرون

اخذني بـ كِلشي ما بيعَك
اخذني مِن التَعب يَمك
جگارَه بچفَك اشعلني
اموت يَم اصابيعَك
اخذني وياك مِن عِندي
اخذني الأي حِلم ارتاح
مو شَرط بحِلم وَردي .
-------------------------
رند:طلعت من الحمام جان متمدد ع الجربايه كام واتقرب مني
مؤمل:نعيما

رند:من الارتباك كوه احجي وياه شكرا
مؤمل:يكولون الله ينعم عليك
رند:الله ينعم عليك
مؤمل:عفيا

رند:انتو ليش تحجون بل الف
مؤمل:اي هيه هيج لهجتنا غير من البصرا

رند:ابتسمت علئ كلامه تقرب واني رجعت ليوره ضهري صار ع الحايط وهوه واكف كبالي رفع راسي بايده وباسني بقوه عافني ودخل يسبح مشطت شعري وتمددت غمضت عيوني ونمت

جنه:ضليت وحدي بلغرفه ولبنات كلهن نزلن جوه لان بنات كرايبهم جايات ف سون لمه بلحديقه ماردت

اطلع وشوفه ضليت وحدي حسيت حركه يم لباب شويه وانفتح

عون:كومي بساع
جنه:فتحت حلكي ياا وين
عون:عليش ضاله هنا مو هذيج لغرفه

جنه:عرفت قصده بلعت ريك اي ها هسه
عون:لاتعتعتين بلحجي وبساعج كومي

جنه:نفخت بقله حيله واخذت حجابي ورحت اول مادخلت لغرفه سحبني
عون:شيسموها ضاله هناك

جنه:كمت ارجف ماكو شي بس نسيت لان متعوده
عون:منا وهيج مكانج بهاي الغرفه ماكو طلعه فهمتي
جنه:هزيت راسي ب اي باوعت بعيونه وهوه صفن عليه
عون:تعاي نحجي هنا

جنه:كعدت ع الجربايه وهوه كعد بلكاع كبالي فتح باكيت الجكاير وطلع وحده وبده يدخن وينفخ الدخان ليفوك

عون:بعدج ماناسيه الماضي
جنه:ماكو واحد ينسئ بس الي يفقد الذاكره
عون:بس اني رايدج تنسين كلشي ابدي حياتج وياي
اعيشج احسن عيشه انه من اشوفنج هيج احترك
جنه:جنت مركزه بي وبكل كلامه لحد ماكال

عون:الماضي خلصنه منه واهل ابوج ميوصلونج وهوه طلكج غيابي وراح

جنه:درت وجهي واذكرت من خابرت بيبي ع الشيخ او وصته علينا  وكالت اله او ماطلعت منه بكم يوم

طلكني غيابي بس مالي اي حقوق لان ماحضرت المحكمه نزلت دموعي مد جف ايده ومسح وجهي

رجف جسمي وايده ترجف تقرب وانفاسه تلهف بوجهي باسني بطرف شفتي فتح الحجاب وهوه يباوع بعيوني مد ايده ع قراصتي وفتح شعري  خله راسه بركبتي دفعته

عون:تخافين مني
جنه:هزيت راسي ب اي وهوه ابتعد ابتسم
عون:جوعان ماتنزلين تسويلي اكل

جنه:ماشي كمت طلعت وكلبي دكاته تنسمع اول مره احس بهيج احساس وبهل قرب من عندي نزلت للمطبخ لكيت كبه وبتيته وطماطه بديت اكلي
وكصصت زلاطه حضرتهن بصينيه وصعدتهن دكيت الباب وفتحه واخذ لصينيه من ايدي