لبوة

البارت العشرون

هواا احنه نعشك
ونص عشكنه يكمله الغريب
هوه شيخرب العشق غير النصيب
------------------------------------
لبوة:وجهة انكلب سد التلفون وطلع ركض صاح علي الشيخ قبل ليطلع

الشيخ:محمد
محمد:شيخ خليني بضيمي الله يخليك
الشيخ:لاتتهور وليدي

محمد:ان شاء الله
لبوة:ماعرف عليمن يقصد بس جان عصبي ويعيط ركضت وراه للحوش محمد التفت عليه

محمد:ردي لمجانج لبوة
لبوة:بس كلي وين رايح
محمد:اخابرج عود

لبوة:عافني وطلع شخط السيارة دخلت اسال الحجيه وماتدري بشي ضليت خايفه علي البنات وي لليل  دخلو وهوه ماكو ركضت  اسئلهن شصاير احجولي

جنه:لج كولي شنو الماصاير لعبت بينا فلك مو زياره طلعت من خشمنا بعدين انتي شعدج كاشخه ومعدله روحج

لبوة:نزلت راسي عقدنا اني ومحمد ماسمعت بس شهكاتهن
رند:عزا صدك تحجين
جنه:مقتنعه بلسويتي لبوة

لبوة:مو هاذ موضوعنا كولن شصار
جنه:اتفقنا نروح الكربلاء الفجر  عدلنا وحضرنا اكل

ويانه وهلسوالف قبل لنروح مر من يمي وبيده كلاص مي وصاح بصوت عالي

عون:بنات خويه لاتنسن عبيجن مو هناك وتعال اشتريلي عباه من هسه حضرن اغراضجن

جنه:اعرف بي جان يقصدني لان نسوانهم كلهن عدهم عبايات همزين اول ماجينا جبنه ويانه حضرتها

طلعنا لكربلاء وهوه طول الطريق يباوعلي جنت اتهرب من عده وادور وجهي شكد مكروه يالله وصلنا

ونزلنا من الكيه جانو مئجرينها زرنه وكملنا وطلعت من الامام كعدت بلشارع اباوع القبه والناس تمشي كمزني صوته

عون:شسوين طلعتي مو كلت انتضروني
جنه:ضجت وطلعت درت وجهي وهوه كعد بصفي
عون:شنهي البراسج

جنه:ماكو شي اريد نرتاح اني وخواتي وبس
عون:وذا راحتكم يمنه تردوها

جنه:التفتت عليه مضيقه عيوني اذا كان يمكم او يم غيركم المهم ماكو مصايب بعد واذيه

عون:اها عاينيلي زين لعد اني ماعرفنج زين وصدك اول ماجيتي طالعه روحي منج عبن كالو شاردات بس اني رايدج وحك ابو فاضل واهيسج تمشين وي النفس صرتي

جنه:فاتحه حلكي وعيوني اريد استوعب هاذ شيحجي
عون:خايبه سدي حلكج شهرتينا الوادم كلها تعاين امشي ام الدكايك امشي

جنه:امشي وياه وتايهة عقلي وكف كلساع اباوع عليه وهلكد قريبه منه عيونه سود متوسطات بس البؤبؤ

مال عينه كبير ويلمع حواجبه ثخان ومرفوعات ولحيته خفيفه ولابس دشداشه سوده ولافه يشمغ ع راسه وصلنا يم لبنات وكعدت كرصتني رند

رند:وين وليتي وعفتيني وحدي
جنه:اااخ لج اسكتي
عون:يلا يبنيات نمشي

سوزان:لا خويه ننتضر مرت محمد بلحمامات
عون:شتسوي بل حمامات  وليش ماراحت وحده منجن وياها