Happy birthday ko ko
အစကတော့ ကိုယ့်ဘာသာပဲ ပန်းတွေသယ်သွားပြီး စပရိုက်လုပ်မယ်စိတ်ကူးပေမယ့် ပန်းခင်းကြီးကိုမြင်တဲ့အခါ ကိုကို့ကိုပါ မြင်စေချင်တာမို့ အိမ်ကိုတစ်ခေါက်ပြန်လှည့်ကာ ကိုကို့ကိုခေါ်ရသည်။ကိုကိုက သူသိပ်သဘောကျတဲ့ whit peony ပန်းခင်းကြီးကိုမြင်တာနဲ့ ဝါး, ဝါး နဲ့တအံ့တသြဖြစ်နေလေရဲ့။နောက်မှကိုကို့အတွက် ပန်းတခင်းပျိုးပေးဖို့ပါတေးထားလိုက်သည်။
"သခင်လေး ဒါဘယ်သူ့ခြံလဲ?"
"စီးပွားရေး ပါတနာတစ်ယောက်ရဲ့ခြံကိုကို"
"ဟုတ်လား? သူကလည်း ဒီပန်းကြိုက်တာလား?"
"ဟင့်အင်း သူ့အမျိုးသားလေးကြိုက်တာ"
"သြော်"
"ကိုကို ပန်းခင်းထဲလှည့်ပတ်ကြည့်လေ"
"အွန်း"
ကိုကိုကပန်းခင်းထဲလှည့်ပတ်ငေးနေယုံမကပဲ ဓါတ်ပုံတွေပါ အဆက်မပြတ်ရိုက်နေသေးသည်။မဖြစ်တော့ဘူး အခုချက်ခြင်း ပန်းခင်းစိုက်ဖို့ပြင်မှရတော့မယ်။
"ခစ်, ခစ်, ခစ်"
ပန်းပွင့်လေးပေါ် လိပ်ပြာလေးနားနေတဲ့ပုံလေးရိုက်မလို့ချိန်နေတဲ့အချိန် ကလေးတစ်ယောက်ရဲ့ရယ်သံကြောင့် လူကလန့်ဖျက်သွားသည်။သူလှည့်ပတ်ကြည့်တော့လည်း ဘယ်သူ့ကိုမျှမတွေ့ပေ။ကြက်သီးတွေပင်ဖြန်းကနဲထသွားသည်။
"ကိုကို ဘာဖြစ်တာလဲ?"
ဟိုကြည့်ဒီကြည့်လုပ်နေတဲ့ကိုကို့ကြောင့် တစ်ခုခုများကျပျောက်လေသလားလို့မေးရသည်။
"ဟင့်အင်း, ဘာမှမဖြစ်ဘူး၊ သခင်လေးပန်းတွေခူးပြီးပြီလား?"
"အင်း, ဒါဆိုပြန်ရအောင်လေ"
ရှောင်းကျန့်စိတ်ထဲ အနည်းငယ်လန့်လာတာကြောင့် ပြန်ဖို့သာစိတ်လောနေတော့သည်။
"အင်း ပြန်ကြမယ်လေ ကိုကို"
ရိပေါ်က ခူးထားတဲ့ပန်းတွေကို သေချာသယ်ကာကားထဲထည့်လိုက်သည်။ခြံစောင့်ဦးလေးကြီးကိုနှုတ်ဆက်ကပြန်လာခဲ့ကြသည်။
.........................................
မနက်ဖြန်ကိုကို့မွေးနေ့မို့ တအိမ်လုံးကို ကိုကိုကြိုက်တဲ့ white peony ပန်းလေးတွေဖြင့် ရိပေါ်ကိုယ်တိုင်အလှဆင်ပေးထားသည်။ကိုကို့အတွက် မွေးနေ့ကိတ်ကို ကိုယ်တိုင်ဖုတ်ပေးဖို့ပြင်သည်။
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။
