Unicode
လီရှင်းရှင်း- သူမအခန်းထဲပြန်ရောက်တော့ ခေါင်းအုံးအောက်က ဓါတ်ပုံလေးကို ထုတ်ကြည့်လိုက်သည်။ ပုံထဲက ၁၈နှစ်အရွယ် သခင်မကြီးက သူမကိုပြုံးပြနေလေရဲ့။ ပါးပေါ်ကျလာတဲ့မျက်ရည်ကို ဖယ်ရှားပစ်ဖို့တောင်သတိမရနိုင်။ ဓါတ်ပုံလေးကိုသာ လက်ချောင်းများဖြင့် အသာယာတို့ထိနေမိတယ်။
သခင်မကြီးနဲ့ သူမက အသက်၁၂အရွယ်မှာ စတွေခဲ့တာ။ သခင်မတို့မိသားစုက ရှင်းရှင်းတို့ရွာကို အလှူလာလုပ်တဲ့အချိန်မှာပထမဆုံးစတွေ့ဖူးခဲ့တာ။ အဲ့နေ့က ၁၂အရွယ် သခင်မလေးက အဝါရောင်ဂါဝန်လေးနဲ့ ဆံပင်ကဂုတ်ဝဲလေး၊ အို...အသားလေးများဆို ဖြူဥလို့။ အရုပ်မကလေးအတိုင်းပဲ။ ကားပေါ်မှာ ငြိမ်ငြိမ်လေးထိုင်နေတဲ့သခင်မလေးကို ရှင်းရှင်းတို့ကလေးတစ်စုက အထူးအဆန်းလိုပဲ အုံတိုးကြည့်ကြတာပေါ့။
သခင်မလေးကလည်း ကားပေါ်ကနေ ရှင်းရှင်းတို့ကလေးတသိုက်ကို အထူးအဆန်းသဖွယ် မျက်လုံးလေးပြူးပြီးကြည့်နေရှာတယ်။ ခဏနေတော့ သူ့အဖေကိုစကားလှမ်းပြောလိုက်တယ်။
"သူ့ကိုလိုချင်တယ်.."
သခင်မလေးက ရှင်းရှင်းဆီကို လက်ညှိုးထိုးပြရင်းဆိုလိုက်တယ်။ အဲ့အချိန်အပျော်ဆုံးလူသားဟာ လီရှင်းရှင်းဆိုတဲ့ ကျွန်မပေါ့။တိုတိုပြောရရင် အဲ့လိုနဲ့ကျွန်မက သခင်မလေးရဲ့ အနားမှာအမြဲနေခွင့်ရတဲ့ အထိန်းတော် လူယုံဖြစ်လာခဲ့တယ်။ သက်တူရွယ်တူမို့ သခင်မက ရှင်းရှင်းကို သူငယ်ချင်းလိုသဘောထားကာ ကောင်းကောင်းမွန်မွန်ဆက်ဆံပေးတယ်။ အိမ်တော်ရဲ့ စည်းမျဥ်းတွေကတော့ သခင်မလည်း မလွန်ဆန်နိုင်တာမို့ ချွင်းချက်ပေါ့လေ။ပြသနာက ကျွန်မတို့အသက် ၁၆/၁၇ အရွယ်ရောက်လာတဲ့ အချိန်မှာစတယ်။ ကျွန်မရဲ့ သခင်မလေးအပေါ်ထားတဲ့စိတ်တွေမူမမှန်တော့တာပေါ့။ သိပ်ကိုပါးနပ်လွန်းတဲ့ သခင်မလေးမသိအောင် နှစ်တွေအကြာကြီးဖုံးဖိထားခဲ့ရတာ လွယ်တယ်လို့များထင်နေလား? လူမသိ သူမသိကျခဲ့ရတဲ့မျက်ရည်တွေ ဘယ်လောက်တောင်များခဲ့တယ်ထင်လဲ?အဲ့လို ခံစားချက်တွေကို ဖုံးဖိထားခဲ့တာဟာ အမှန်ကန်ဆုံးလုပ်ရက်လို့ကျွန်မအမြဲတမ်းထင်နေခဲ့တာ။ဟင့်အင်း..အဲ့ဒါ ကျွန်မဘဝရဲ့ အမှားဆုံး လုပ်ရက်ဆိုတာကို နောက်ဆုံးအချိန်မှသိခဲ့ရတာ။
YOU ARE READING
ဤချစ်ခြင်းဖြင့်နွေးထွေးစေသော်ဝ် (Complete)
General Fictionအေးအေး ငြိမ့်ငြိမ့်လေးပါပဲ။ စာရေးသူအသစ်မို့ လိုအပ်ချက်တွေအများကြီးရှိပါသေးသည်။