" မနက်ရောက်ပြီး၊ ပြန်လို့ရပြီး "
" မနက်စာ "
" မကျွေးဘူး။ ပြန်တော့ "
" အဟက် ကိုယ်လည်းမနက်စာမစားချင်ပါဘူး၊ ညစာပဲ စားချင်တာ "
" အခြားမှာ စားချင်တာ သွားစား၊ ကျွန်တော်ကိုလာမရှုပ်ရင်ပြီးရော ပြန် "
" မပြန်ဘူး။ ကိုယ်ဒီမှာနေရမှာ "
" ဘယ်သူပေးနေလို့လဲ၊ ခင်ဗျားအလုပ်မရှိဘူးလား "
" ကိုယ့်တိုက်ခန်းရှိရာ ကိုယ်နေတာ၊ ခွင့်ပြုချက်လိုလို့လား "
" ကိုယ်တိုက်ခန်းဆိုတာ ဘာလဲ "
" အင်း... ဘေးခန်းလေ။ မရှင်းရသေးလို့၊ ကိုယ်တို့ နောက်မှထပ်တွေ့ကြတာပေါ့ "
အခန်းပြင်ထွက်သွားသူကို ငေးကြည့်ကာ သော်လင်းအမြန်တွေးယူရ၏။ ဒါဆို သူ့အခန်းရှိရှိကြီးနဲ့ မျက်နှာပြောင်တိုက်လာနေသွားတယ်ပေါ့လေ။ အကြောင်းပြချက်က အခန်းမရှင်းရသေးလို့တဲ့လား။
" အား...စောက်ကျင့်မကောင်းတဲ့ကောင် "
............
" စိတ်မောလိုက်တာ ဟာ... "
စိတ်မောလိုက်လေခြင်း။ ဟုတ်ပါ၏။ ကိုယ်ပိုင်ရာအခန်းမှာ အေးဆေးနေတာတောင် အနှောက်အယှက်က ရှိနေပေသည်။ တစ်နေ့တစ်နေ့ အကြောင်းပြချက်မျိုးစုံဖြင့် ပေါ်လာသူကြောင့် သော်လင်း စိတ်မောရသည်။ ဥပမာ-
...တီးတောင်...(ဘဲလ်သံ)
" လာပြီး။ ဘယ်သူလဲ "
" မနက်စာ "
တံခါးဖွင့်လိုက်ချိန်ရုတ်တရက် ပေါ်လာသော မျက်ခွက်ကြောင့် စိတ်ရှုပ်ရသည်။ စောစောစီးစီး မနက် ၆ နာရီမှာ မနက်စာလာပို့တယ်တဲ့လေ။ ပြီးလျှင် ဘာတဲ့... ရေချိုးခန်းလေ ခဏသုံးချင်လို့၊ အိပ်သာသုံး စက္ကူငှားပါအုန်းနဲ့၊ အကြောင်းပြချက်များမထပ်အောင်ပေး၍ အမျိုးမျိုးနှောက်ယှက်နေပေသည်။
....တီးတောင်..(ဘဲလ်သံ)
တီးပါစေဆိုပြီး ပစ်ထားလိုက်လျှင်လည်း
..ဒေါက်ဒေါက်ဒေါက်...(တံခါးခေါက်သံ)
" အထဲမှာရှိနေတာ သိတယ်နော်၊ တံခါးဖွင့်အုန်း "
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
အပိုင်း ၁၆
Start from the beginning
