"၂၄ ။ ဘယ်လောက်ရှိရှိ ! ခင်ဗျားနဲ့ဘာဆိုင်လဲ၊ ကျွန်တော်အခန်းက ခုချက်ချင်း ပြန်ထွက်သွား ! "
ထွက်သွားရန်ပြောနေသည့်ကိုပင် အရေးမစိုက်ဟန်ဖြင့် ဆိုဖာ၌ဝင်ထိုင်လျက် ခြေချိတ်မပျက်ရှိ
သူကြောင့် စိတ်အခြေနေသည် အကြီးအကျယ်လေသွားရ၏။
" ဘာထိုင်လုပ်နေသေးတာလဲ။ ပြန်လို့ပြောနေတယ်လေ "
" ဒီည ဒီမှာအိပ်မှာ "
" ဘယ်သူသဘောနဲ့လဲ။ ရူးနေတာလား၊ ခင်ဗျားနဲ့ကျွန်တော်ခင်လည်း မခင်ဘူးလေ၊ ဘာလို့ လာရစ်နေတာလဲ၊ ပြန်လိုက်ပါတော့ဗျာ။ လိုက်တောင်းအိပ်တတ်တဲ့ အကျင့်ရှိရင်လည်း အခြားမှာသာ သွားတောင်းအိပ်လိုက်စမ်းပါ "
" ကိုယ့်သဘောနဲ့ကိုယ် အိပ်မှာပေါ့ "
" ဘာ ! ခင်ဗျား ! ဒီမှာအိပ်ရအောင် ကျွန်တော်နဲ့သိလို့လား၊ မရစ်နဲ့နော်... မူးနေတာလား။ ရူးနေတာလား။ သွား...သွာ...အခြားမှာသာ သွားအိပ် "
" ဟင့်အင်း။ သော်လင်းနဲ့ပဲ အိပ်ချင်တာ "
" ဟာကွာ...ခင်ဗျား ! ထွက်သွား လာ "
လာရစ်နေသူ့ကြောင့် ဒေါသထွက်ရ၏။ ထိုသူကိုမြင်တိုင်း လူကြီးကိုသတိရစိတ်ဖြစ်မိ၍ မပတ် သက်ချင်။ သို့သော် ဘယ်ကဘယ်လို့ရေစက်တွေကြောင့်များ တိုက်ခန်းထဲထိများ...
" ဟာ..."
လေပူတစ်ချက်မှုတ်ထုတ်လိုက်ပြီး ဆိုဖာထက် ထိုင်နေသူ၏လက်မောင်းကို ဆွဲထူလိုက်လျှင် မရ။ ထပ်ထူကြည့်လိုက်လည်း မရ။ အရမ်းလေးလွန်းသည့်ဟု ခံစားလာရ၍ ထပ်မထူနိုင်တော့။ မောင်းထုတ်လည်းမရ ဆွဲထုတ်ဖို့ကလည်းမနိုင်ဖြစ်ရ၏။
" သော်လင်း "
" ဘာလဲ ! "
ဘေးရှိတစ်ယောက်ထိုင်ဆိုဖာမှာ ခြေပစ်လက် ပစ်ထိုင်နေသည် အကောင်ပေါက်ကို နာမည်ခေါ်လိုက်လျှင် ပြန်ထူးလာသော အသံပါဝါကြောင့် အနည်းငယ်ပင် လန့်သွားမိသည်။ အကောင်သေးသော်လည်း အသံကျယ်ပါပေ၏။
" ကိုယ့်ဆိုဖာမှာပဲအိပ်မှာပါ "
" ဆိုဖာမှာမအိပ်လို့ ဘယ်မှာအိပ်ချင်သေးတုန်း သူတောင်းစားကောင်ရဲ့... "
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
အပိုင်း ၁၅
Start from the beginning
