ثانوية الشبان 2

الـحـلـقـة "16"

_ لما لا ينبت العشب على ضفاف عيوننا حين نبكي ونحن خلقنا من تراب !؟ 🍂

_______________

الساعة 3:00am

في المستشفى

سمر فتحت عيونها قعدت شوية تستوعب حركت يدها تبي تنوض لكن وجعتها
شافت احمد راقد عالكرسي امتاعه
عمر ركز ع حركتها : سمر نضتي
سمر : الساعة كم توا
عمر : تلاته في الليل
سمر شافت عالسرير يلي جنبها القت إسراء راقدة وبدت تذكر يلي صار
محمد خش للحجرة وفي يده اكياس ..شاف سمر نايضة حط الاكياس بسرعة عند عمر
محمد تقدملها بسرعة وقال : سمر
وقعمز جنبها عالسرير
سمر حست بوجع في يدها لما حاولت تقعمز :  يدي توجع
محمد مسح ع يدها : لأنك طلعتي بالبنت ولما طحتي معاها يدك جت تحتها ومش عارف شن صار المهم يدك انفكت تحمليها لكن الحمد الله اليسار مش اليمين
عمر : البطلة سمر
سمر : وه عليا لما نذكرهم كيف يعيطو وكيف داخو نحسابها ماتت البنت معاش قدرت خديتها وطلعت وخليت إسراء مع الباقي
عمر : اسراء ماداختش لكن دارولها اكسجين وعطوها منوم مقدرتش ترقد
سمر شافت لأحمد ضحكت بخفة : علاش مروحش للمدرسة
محمد : بوك موصيه
سمر : عرفو ؟ بيجو ؟
محمد : ع حسب وضعك ، لكن منضنيش يجو من امبكري اتصالات والدنيا خشت بعضها انتي ما شفتي شي
وقال بهمس : حتى امي تبي تكلمك
سمر ضحكت : عشنا وشفنا
محمد محمد ضحك  : صدمة كبيرة 😂غدوة كلميها .... جعانة ؟
سمر شافت بمعنى شن هالسؤال
محمد ضحك وخدي الكيس وطلع شاورما
سمر وهي تاكل : آية وندى ؟؟

___________

في حجرة آية وندى
شاهين ورمضان مفيش حد راقد وكل واحد يتأمل في يلي راقدة قدامه
رمضان شاد في يد ندى لأنها كل الوقت تنادي ع امها وعليه
ندى فتحت عيونها بالشوية
رمضان لاحضها قال بصوت واطي : حبي نضتي
ندى رفعت يدها نحت الاكسجين من ع وجهها وشافت رمضان فهمت الموضوع
ندى : يا ربي كيف صار هيك خفت كتير ما عاذ اتذكر شي
شاهين ناض بيطلع : الحمد عالسلامة
ندى هزت راسها للاجابة
طلع ....

رمضان مسح دمعة كانت قريب تنزل : انا خفت نحسابك بتموتي
ندى بإبتسامة حب كيف خايف عليها  : لا تخاف انا هون❤
شافت لآية
رمضان : شاهين طلعك
ندى : تشكرتو بدالي
رمضان بإبتسامة : هلبا ...وامك اتصلت لما عرفت
ندى تغيرو ملامحها لحزن : كيف كانت
رمضان : تبكي وتتأسف انها متقدرش تجي انا هديتها قلتلها تنوض تتصل بيك ..تتصلي بيها توا ؟! 
ندى : لا الوقت متأخر خليها ترتاح
رمضان : هذا كان رقدت
ندى ركزت ع رمضان عيونه منفخات دليل ع انه كان يبكي قالت : عم تفاول عليا
رمضان نزا راسه وضحك : المهم ... امتا بتحكيلي شن صاير مع امك
ندى سكتت مدة بعدين قالت : كل شي صار معها لانها رفضت تتزوج
رمضان بصدمة : تتزوج !؟
ندى : اخر اعمال خالي ومرتو
رمضان هز راسه متفهم : وشن صار معاها ؟
ندى : طردوها من البيت قال ما بدو يصرف عليها وسكنها في غرفة تابعة ليه في البيت من برا بشرط تصرف ع نفسها _وهي تبكي _ يعني بربكم منين رح تجيب المصاري هيك بالساهل
رمضان حضنها وهو يهدي فيها بعدين رفعلها راسها ومسح دموعها
ندى كملت ومزال تبكي  : عم تشتغل خدامة لبيوت الاغنياء تنضف وتغسل وتسمع في الاوامر وهي مريضة
رمضان : وخالك كيف تهون عليه اخته هكي 💔
ندى : كلو من مرتو وهوا يسمع كلامها انا ما بعرف شو ساوت امي لها ليش هالحقد والكره لو كان ابي عايش ما كان صار كل شي
رمضان رجعها لحضنه مرة ثانية لانها كانت تبكي بهستيرية وكانها كانت محتاجة حد تحكيله من زمان 💔
رمضان : خلاص هانت قريب نروحو لليبيا وتلاقيها وبمجرد ما تشوفيها كل شي يهون وكل شي ينحل متبكيش 
ندى هدت شوية ورمضان قرر يبعد من عليها لكن هي شدت فيه اكتر رجع زي ما كان وكأنه عنده مانع يعني ..ابدا 😂❤🤝