ثانوية الشبان 2

الـحـلـقـة "15"

عنوان الحلقة { الحفلـة }

ندى كانت نازلة من شقتها قبل شوية وسمعت وشافت شاهين كيف قريب من آية : واو ❤

علي نفس الشي كان يتصل بغزل ويتمشى لعند شاف شاهين حاضن آية وقف مصدوم وقال : تبصرو
غزل من التلفون : ءء علي تكلم فيا
علي : ل لاء انسي
غزل : اوك انا ماما تنادي عليا نتصل بيك بعدين
على ومزال مركز على آية وشاهين ومش منتبهه ان غزل سكرت منه
إنتبه بعد شوية لتلفونه القاه مسكر تأفف : زعلت🙂 .

#علي

كان حنعاود نتصل بيها لكن اتصال محمود قاطعني : مشغول خزي يا نم وقت نبيك مانلقاكش
تقريبا هذا يلي قاله محمود وانا مش مركز معاه قاعد نشوف في شاهين وآية كيف خدي يدها ومشو وانا قاعد في لقطة الحضن كيف !
محمود : علي يا ولد الكلب تكلم
سألته وانا نبي نتأكد من حاجة : مااحمووود ءء قصدي يعني هو انت علاش قلت سيبتو انت وآية
محمود : شن قلت ؟؟ شن دخل ام آية في الموضوع
حاولت نفسرله : انا توا شفتها مع شاهين ومش متأكد بالزبط يعني ان هي مجرد كومفيرزيشن (محادتة) طببعية أو م
قاطعني وحسيت بعصبية : هي قاعدة كل يوم مصرة انها تتبتلي انها خاينة مع ولد ال%$^
قلت بتعجب : خاينة !؟ مع شاهين !؟ آية ؟
محمود : اي
انا : بالك فاهم غلط
محمود يعيط : شفت بعيونك بلا *&%
حسيت على محمود انه قريب يكسر كل شي قدامه : تماااااااام تمام ريلاكس صح شفت قصدي منعرفش هكي......
لكن بعدين فقدت اعصابي وقلت : تيي بالله علييك محموود شني آية كيف هكي تخونك فجأة خير امك انت فيك حاجة فيك شي وراص اممك آية ..آية ..فسرلي مش فاهم
محمود : يتلااقو هما يتلاقو
انا يلي مش مستوعب توا : يتلاقو !؟ شن عرفك
محمود : صاحب الكافيتيريا قالي لما جيت انا اهني لليبيا حطيته يراقب .
وتت دا فااك
قاطعته : لالا تبصر انتم كلكم تبصرو عليا اليوم ماتقولهاش انت حطيت حد يراقب آية قصدي لهدرجة مفيش تقة
محمود : والنتيجة !؟ خاينة .. يعني لو ماحطيتش حد كانت تلعب عليا وهي مع شاهين زي ماشفت تواا
مسحت بيدي على وجهي نحاول نسيطر على روحي من غباء الحمار لنكلم فيه : مرات هي توا مع شاهين لانك خلاص انتهيت من حياتها يا حمار انت خليت لشاهين الفرصة يا حمار تعرفها ليك اكتر من سنتين متعرفش انت هي قداش تحبك مرات هوا يتلاقا معاها صدفة مرات هوا يبي يتكلم معاها هي لا ....في هلبا احتمالات وانا متأكد انك مخليتهاش تشرحلك ومامشيتش دافعت على حبيبتك وحافظت عليها زي الناس انت بس ترمي عليها في التهم زي عادتك
محمود : عارف ؟ معاش يهم معاش يهمني شي وانا اكيد لا عاد حنشوفها لا تشوفني وكل شي ليها طلعته من حياتي وهي واضح طلعتني من حياتها زي ماتشوف ونصيحة مني خليك منبه على حبيبتك مادامك انت في مكان وهي في مكان
وسكر عليا
مرريض نفسي يحسابني زيه شن متوقع مني نحط مراقب لغزل مثلا وهوا يستاهل كل الي صارله ومنقدرش نقول غير انه خسر آية

وبمناسبة يلي صار اليوم بين آية وشاهين انا مدخلنيش فيه زي كل مرة وكأني ما شفت شي

_________