بسم الله الرحـمن الرحيم
قراءة ممتعة
ــــــــــــــــــــ
آية ناضت في الليل متأخر على صداع راسها شافت لمار وسلام راقدات
شدت راسها على أمل يخف الصداع شوية لكل هوا يزيد سكرت عيونها من الوجع متبيش ادير صوت باش مينوضوش البنات وتشغلهم وهي راسها يزيد الوجع اكتر ..مدت يدها بتاخد دواها من الدرج جنبها لكن بحركة طيحت طاسة المية ودارت صوت قوي في الدار وينوضو البنات من دون قصد
آية حاطة يديها الزوز اعليها بصوت عالي : رااسي مش قادرة
سلام ناضتلها مخلوعة : بسم الله آية خيرك
آية : رااسي 😭
سلام : لمار طلعيلها دواها
لمار توترت من الموقف : مم وو وينه
سلام طلعاته بروحها : آية خودي
آية خدت الحبه وهي تبكي من الوجع يلي ماخفش حتى شوية
سلام : اشربي
سلام حضنتها وتخفف عليها : خلاص اهدي تو يمشي
وبعد شوية والبنات يهدو فيها
لمار : مشي ؟
آية هزت راسها ايجاب
سلام : متأكدة !
آية : اي متأكدة خلاص ارقدو متشغلوس بالكم
لمار: آية متقعديش هكي راه ضروري تعايني عليه لأمتا بتاخدي دواء
آية : سيم سيم وحتى لو عاينت اعليه حيعطوني دواء
لمار : انتِ اصلا تاخدي فدواء ومتعرفيش علاش يوجع فيك
آية : غدوة ساهل
لمار شافتلها شوية ومشت لسريرها
سلام ناضت من جنب آية وتشوفلها وهزت راسها مش راضية ع يلي ادير فيه ورقدت وغطت وجهاا
آية تجاهلتها ورقدت لكن قالت : نحي البطانية من علي وجهك
سلام نحتها بتأفف
آية ابتسمت عالحركة المعتادة ... سلام متعودة تحط البطانية على وجههاا لكن من بعد عمليتها آية منعت عليها تحطها على وجهها ع اساس يصيرلها نقص اكسجين 😂
_____________
صباحا في اليوم التالي ⛅
سمر خشت الفصل ...مشت لجهه أحمد ومحمد
حطت يديها على عيون أحمد وهي واقفة وراه
أحمد بطريقة ما زبطها انها مش لمار وعرفها انها سمر : تقيلة الدم والدراه بنت عمي
سمر : خطأ
أحمد : نحي ايدك به 😂
سمر : مش حنحيهم قول آسف
أحمد : نقول امك ..نحي يديك يحيوانةة
سمر شهقت : قوول اسف يا سمر يا ملكة لالا قول أسف يا سمر يا حبي الابدي ..تعالي لمار اسمعيه شن يقول
أحمد ينحيلها فيديها وهي زادت غطت وجهه كامل وكملوها عركة وحزها محمد
أحمد : تفي عليك قريب انعميت يعنبوك
سمر ضرباته : سكر فمك
أحمد ردهالها : مدخلكش
سمر تساوي فروحها بعد تشردت : نشعر بالشفقة على عمي لأنه عنده ولد متخلف وثور زيك
أحمد يشوفلها بتقزز : انا يلي نشعر بالشفقة على روحي لأن عندي بنت عم زيك
سمر تجاهلاته على غير العادة وقالت لمحمد : وين موعا !؟
محمد ع اساس فتح لكتاب ويقرا وهو قصده تجاهلها : صباح النور
أحمد انفلق بالضحك متشمت فيها
سمر خدت الكرسي امتاعه ورفعاته للمار : اسمعي هادا معاش نبي نشوفه اليوم خير ما نقتله 🙂
لمار جت لأحمد : لااع خييره شن دارلك
أحمد : تضلم فيا 💔💔
سمر مشت وسيبتهم يكملو جوهم المعسل
سمر جت قعمزت قابلت محمد حطت يديها عالطاولة وحطت فوقهم وجهها : صبحخير
محمد بدون ميشبح فيها : نور
سمر تطقطق بصبعها على يده وتنادي فيه : محمد محمد محمد محمد محمد
محمد سكر لكتاب على فجأ واتكأ عالكرسي : نعم
سمر عدلت تقعميزتها : خيرك قالب وجهك عالصبح
محمد رفع كتافه : لا خيرني عادي
سمر : كان ع أمس كلمة مدخلكش منعرفش كنت فاصلة وجوي متلخبط ومكلمتكش في الليل لأن عندي قرايا وانا اصلا منعرفش هل انت زعلت مني ولا لا فقلت تو نتفاهمو الصبح و وبس
محمد : عارفة شني !؟
سمر : شني
محمد : عازمك اليوم عالفطور
سمر شهقت شبحو فيها الفصل كله 😂 : لفيو وحق الله قصدك حئا !؟
محمد يضحك : خيرك غريبة عليك !؟
سمر : لالا غير هكي عارفني نتحمس 😭🖤 الموهييم نقعمز جنبك اليوم !؟
محمد : ياريت
سمر : امالا خلي نرشق أحمد مع لمار ونجي ...وغمزتله ومشت لأحمد ولمار
محمد يضحك عليها
خشو يزيد ومعاذ للفصل بإندفااع
معاذ : اييينتباااه الى جميع الطلبة
كل لفي فصل : شني !؟
معاذ : يزيد تكلم 🌚
يزيد : عندي ثلاثة اخبار ....الخبر الاول ان الفاينل موعده تأكد وهو الاسبوع الجاي
انصدمو كل يلي في الفصل والاصوات بدت تعلى بعدم رضى
معاذ شبح فيه : حتنى مكنتش نعرف لكن حنشحط روحي ع اساس نعرف🙂 .... خلاص
يزيد : والخبر الثااني ان درجات الفترة الاولى سلمووها مزال بس درجة الامتحان يلي حترصدها الادارة يعني تقدرو في هالاسبوع تاخدو راحتكم لأنه من غير درجات
وعلت الاصوات مرة ثانية بالفرحة ويلي يفكر يرقد والتاني يفكر يهيج وغيره وغيره 😂
يزيد : والثالث والاخير ان في نهاية الاسبوع ستقام حفلة عيد الام ويلي لسبب غير معروف المدير اعلن انها حتكون تحت اشراف سنة ثالثة كاامل بالعلمي والادبي من جميع البلدان وحيكرمو المشرفين عالحفلة وانا درت قائمة بأسمائهم ولكن حيكون اختياري يعني يلي مش عاجبه يقدر يتفضل وطبعا الاشراف حيكون ماديا ومعنوياا وما ننسوش ضيوف الحفلة وتقدروو انتم تعزمو يلي تبوهم في الحفلة بشرط ما يفوتش تلاث اشخاص
كل يلي في الفصل شبحو فبعض من الكلام ليقول فيه يزيد
سمر جت قعمزت جنب محمد من بعد ما كانت واقفة مع احمد ولمار وقالتله بصدمه : سمعت !؟
محمد : كنت نعلم 🌚
سمر : تعلم !؟
محمد : اي لكن مش بالتفاصيل هادي
يزيد : القاائمة طبعا من الفصل هادا ...انا معاذ علي إسراء ..و أحمد
الفصل كله شبح ل يلي قالو أساميهم
كلهم فنفس الوقت ..إسراء علي أحمد : انا !؟
معاذ ع اساس مصدوم : انا !؟
يزيد شبح فيه وقال للفصل : 😒😒...تقدرو تطلعو وتهيجو وديرو رايكم
طلعو كل يلي في الفصل قعدو بس الشلة
إسراء مشت لعمر وفرحانة وتنقز : انا معاهم مشرفة عالحفلة يريي مش مصدقةة 😭😭❤
عمر مشي من قدامها : نحي ..متفكريش بالموضوع لو مفيش بنات غيرك
إسراء : انت هكي ديما مفسد اللقطات السعيدة وبعدين اصلا اكيد في بنات مش بروحي
عمر : انا طالع
إسراء : شن هالتوأم المتخلف !
في نفس الوقت عند الباقي
علي : لحضاااع .... انا !؟ بسرعة قول شن السبب لأن عارف روحي لا أطااق وابعد من انكم تختاروني مشرف عبثا !
محمد ضربه على كتفه قريب طاح : الاعتراف بالحق فضيلة 😂
يزيد : أحمم هوا بصراحة يعني انت بالذات للدعم المادي متفهمش غلط لكن نبو نقيمو القدر
علي حرك راسه بالايجاب وضحكته شادها بالسيف زي باقي الشباب : اي اي فهمت عليك ..نقول اني قصدي تخيلوني معاكم هك ....بفف خلاص خلاص تم نتفاهمو غير توا جعان ...وطلع فنفس الوقت مع عمر
وهما طالعين شافو مهاب خاش للفصل أبتسملهم وقال : صبحخير
علي وعمر : صبحنور
خش مهاب للفصل وقال بصوت عالي : السللاامعلليكم
كلهم : وعليكم السلام
مهاب : صح لسمعته !؟
يزيد : صح جدا
مهاب : وانت مني منكم ال ...^حركة غريبة بيده ^
يزيد : انا ومعاذ وعلي وأحمد وإسراء
مهاب : مشالله تبارك الله فريق مليح لكن سؤال🌚
يزيد : شني !؟
مهاب : هي مني إسراء !؟
إسراء كانت مع البنات ما انتبهتش حتى بدخول مهاب
يزيد ينادي فيها : إسراء
تلفتتله بمعنى نعم ! وشافت مهاب
مهاب من لما تلفتت ونادا عليها يزيد مصدوم فنفس الوقت عرف اسمها : هادي إسراء
يزيد : اي
تقدمت : نعم !
يزيد : لا شي بس يسألو عليك
إسراء بغباء مصطنع : مني يسأل !
يزيد : مهاب يقرا ثالثة ادبي ليبي طبعا اكيد شايفتيه
إسراء ع اساس تفكر : لا هادي اول مرة ..عالعموم مرحبتين تشرفنا
مهاب مصدوم من كلامها...هز براسة بالايجاب بدون كلام
يزيد : هيا معاذ مزال هلبا فصول متعرفش بالخبر وخلينا نلقطو ناس مساهمه 😂
معاذ : مادياا 🌚👍
منبيش نخبركم على صدمة رمضان لما قالو الامتحانات الاسبوع الجاي وهو يعتبر فروحه مش قاري مع انه لكتاب يقدر ينسخه في اي وقت من راسه ..... وهنا خدي كتاباته وتوجهه للمكتبه لانها انسب مكان ممكن انه يقرا فيه
بعد طلع مهاب
أحمد قال لمحمد : بتطلع !؟
محمد : لا نستنى فسمر عازمها عالفطور
أحمد : اشي الوقاحة
محمد : في حاجةة صايرة نبي نعرفها وحنعرفها
أحمد سكت شوية بعدين قال : مش عارفة علاش اختارني يزيد مشرف معاهم وانا هكي
محمد : انت مقلل من قيمة نفسك
أحمد : من ناحية ؟
محمد : متعلمش بروحك انت لما تفصل ولا كيف !؟
ودوقك مليح لنم اكيد يبيك في التصميم
جت سمر : هيا بليز جعانة
محمد : هيا
ومشو ...
أحمد رفع حواجبه بمعنى" متوقع" : مفيش عزومة حتى بالكدب 🌚💦
____________________
سمر ومحمد .....
كانو ياكلو ويهدرزو جميع وكأنهم اول مرة يتلاقو 😂
محمد : سمر
سمر تاكل : نعم
محمد : شن في بين شاهين وآية ؟!
سمر شبحت فيه : هاها شن في يعني مفي شي عادي زي أي وحدة زيني انا متلا شن علاقتي بيه م
محمد بجدية : ع اساس حنسألك لو مكنتش متأكد من الموضوع وانتِ عارفتيني
سمر : متأكد من الموضوع قتلي ! هااو ؟
محمد : اولا حسيت انه حاط عينه عليها وبعدين تأكدت لما شفتهم مع بعض وفي الساحة
سمر شبحت فيه بصدمة : شفتهم !؟ مني كان معاك
محمد : لا بروحي اصلا كنت نازل ناديت رمضان من المكتبة ديريلنا العشي ميردش ع تلفونه وشفتهم ..استغربت .. بعدين فته الموضوع
سمر تنهدت : شاهين يحب آية
محمد بصدمة : تبصري !
سمر : اي هوا مقالش لكن واضح المهم ..وءء ويومها لما قتلك مدخلكش ءانا كنت ماشية لشاهين ع خاطر آية بعد تعاركت هي ومحمود
محمد رفع كتافه : كنت تقدري تقوليلي
سمر : مفيش وقت والقصة تبي شرح
محمد : تسلم عليك فرح 🌚❤ (اخت محمد متزوجة)
سمر بفرحة انصدمت : الله فرح ..قصدك جت من الشرق ..امتا ..الله استاحشتها الحيوانة وراجلها الطرف ..وسلفها الحقير المش متزوج يهبل م
مكملتش كلامها بعد شافت لمحمد ليشوفلها نظرات لا تطمن ..كملت ماكلتها بدون متشبح فيه وكأنها بريئة 😂
______________
في صباح اليوم الثاني ⛅
مهاب خش للمدرسة وشاد بين يديه بنت صغيره حوالي سنتين ونص تلاثة سنين
شافه شاهين تقدمله : مني هاذي
مهاب : بنت خالي
شاهين : مشالله الله يبارك
مهاب قال للبنت : سلمي عليه 😂
مدت يدها الصغيرة بكل براءة شاهين بس مدلها صبعه يلي قاعد كبير مقارنة بيدها 😭❤
وقاللها : شن اسمك 🥺❤
رهف : نهف
مهاب بتصحيح : رهف 😂
شاهين : لالا ولا يهمك نزبط فيها لغتهم 😂
مهاب : هي قوليله باي
شاهين : استنى ...وطلع عشرة دينار ...عاد لقائنا الاول شدي هي
نهف خدتها منه
مهاب : منور هي
..............
محمد وعمر وعلي يهدرزو مع بعض وسمر ونور وسلام وروان فنفس البقعة لكن مجموعه بروحهم وباقي الشباب مش معاهم يقرو وفي منهم يجهزو للمسابقة
روان : هداكا مش مهاب! ..مني الطفل لمعاه
سلام : بنته هيهيهي
سمر تلفتت لمحمد : محمد شوف مهاب
نور : حي طلع متزوج وعنده بنت
وصل فيهم مهاب : اهلن
نور ناضت للبنت : ييااربي كييووت 😭😭❤ بليز اعطيهالي
مهاب يضحك : خودي
سمر : جيبيهالي
بينما البنات شبه يتعاركو عالبنت من شدة الكياتة لفيها
محمد : بنت مني هادي
مهاب : بنت خالي ..جاي هوا ومرته زيارة لأمي فقلت خلنجيبها نحصلو عليها الجو تعرف جوها فري لنم 😂
ناهادا
مهاب : رهف تعالي
جابتها نور وجت مع لبنات : قصدك اسمها رهف
مهاب : اي ....تعالي
رهف هزت كتافها تبي تقعد مع البنات
مهاب : بيوع عارفك انا ..تعالي نعرفك عليهم به انتي خاشة فيهم سطاش ..هادا محمد ..قولي محمد
رهف : محمد
روان : يقلبي 🥺💕
مهاب : به قولي عمر
رهف : عومن
عمر ضحك ..واكيد بيضحك بعد الاسم الغريب 😂
البنات يضحكو عليها
مهاب : قولي وأشر لنور ..شن اسمك انتي !؟
نور : قولي نور 😂
رهف : نون
نور : علي 😂
رهف : عني ...حيي عنده سعن (شعر )
ومشت تتكركب شدت شعر علي
علي : لالا مش هكي 😂😂💕 اهوا حتى هادا عنده شعر وحق ربي
عمر وكلهم انصدمو من حركته بعد مدلها يديه : تعالي ❤
وبدون رفض اصلا مشت تجري عند عمر ..شد خدودها وقاللها : شن اسمك
رهف : نهف
عمر ضحك زي الباقي وخداها فحجره : هلبا انتي راه 😂
رهف : هنبا انتي راه
عمر يبي يفتح معاها موضوع باش تتكلم لغتها الغريبة همس فودنها : قولي مهاب يحمار
ضحكت وعرفها شتيمه وشافت لمهاب وقالت بصوت عالي فرحانة : مهاب يحماان 😂😂
مهابب : والله ؟😒 .....عجبك الجو انتي عاد
نور : اعطيهالي نرفعها
عمر : لا تو نرفعها انا
نور : لا منبيش انا
عمر ببرود : قوليلها تعالي كانا جاتك تاخديها
نور : تعالي هي 🥺❤
عمر بإبتسامة ع الجنب وكأنه متأكد رهف حتختاره وبالفعل هذا لصار ..رهف شدت فيه وقالت لنور : ننء
نور بصدمة قالت لمهاب : ع فكرة بنتكم
روان لنقدت الموقف وبصوت عالي قالت : نووووور نور نور تعالي ..ومشت هيا وياها
روان : شن جيتي بتقولي
نور : ع فكرة بنتكم منحرفة وصايعة وتحب لولاد
روان : اي اكيد شن كنت متوقعة منك ..امشي امشي
وهنا يمشو قالت نور : خير امه ليقولوله عمر !؟ وكأنه منتقم مني منعرفش السبب مستفز تعرفي
روان تجاهلت كلامها : تعرفي نبي نغير وشاحي نحس فيه مش عاجبني
نور : تعالي نركبو اصلا انا معاش نازلة
وبعد شوية لحقو عليهم سمر وسلام
______________
رهف لسبب غير معروف معاش تبي تنوض من حجر عمر وعمر اصلا ميبيهاش تنوض 🥺❤ فيأسو منها وخلوهم يهدرزو على راحتهم
عمر ورهف
تتصفح في صور تلفونه شافت عمر
شهقت : ههءء علاس انت لابس هكي !؟
عمر يضحك : تي ماهو في لبحر
رهف : بحن نبي نمشي معاك لبحن
عمر : توا صقع تو لما نروح نمشو جميع باهي !؟
رهف : به ...قالتها وهي مش فاهمة اصلا وين يروح ولا حتى مزال تشوفه ولا لا 😂😂💔
عمر ناض
نهف : وين ماسي !؟
مهاب هز راسه : البنت تحب 🙂💔
رهف ناضت معاه وشدت فيه
علي : تعالي معاي اني حتنى منمشي ناخد حاجات
رهف : نءء نبي عومن
عمر بإبتسامة رفعها 😂❤
محمد : انتت هي شن داير للبنت
عمر : تعالي مدوريهمش اصلا هما حاسدين ...ومشي معاها
مهاب : هوا ديما هكي ولا غير معاها بس
محمد : معاها بس قبل مستحيلة هادا يتقرب من عيل ولا حتى يضحكله مفهمتش كيف 😂
بعد شوية جت اسراء داهشة
إسراء : بسرعة بليز مني شاف عمر وعلاش ميردش
ورن تلفونها قبل لتكمل كلامها
إسراء : وينك علاش متردش ندور فيك
عمر : لقيت مكالماتك كان سايلنت رهف كانت تلعب بيه
إسراء : رهف !؟ مني رهف ..وشهقت ..حبييبتك حييي كيييف امتا الله
عمر : تيي سكري فمك يحيوانة غير وينك انتِ 😂
إسراء : انت وينك نبي نشوف حبيبتك 🥺❤
عمر : توا خشيت الكافيتيريا
إسراء سكرت عليه وشافت للكانو مقعمزين محمد وعلي ومهاب وعلي كان على تلفونه مش مركز معاهم : مني رهف اكيد تعرفو
محمد اشر لمهاب : اسأليه
مهاب شاف لمحمد وبعدين شافلها : خ خالي خالي لا بنته بنت خالي اي
إسراء ميلت راسها دليل على انها مزال مفهمتش
مهاب : صغيرة عمرها تلات سنين وكرشت ف عمر للأسف
إسراء : حووه ..عمر !؟ مش متخيلة عمر واطفاال كيف مستحيل عالعموم تحمست نبي نشوفها 😭❤
محمد : بري لحبيبة خوك ومتنسيش تسأليها ع اسمك
إسراء : طم طم
مهاب : استني حتنى منمشيلها
ومشو مع بعض
محمد شاف لعلي يلي جاه اتصال وابتسم ومشي من جنبه 🥺💕
محمد شاف يمين ويسار لقي روحه بروحه 😂💔
______________
عمر قبل ليمشي للكافيتيريا خش لمحل مواد غدائية تبع المدرسة وخدي لرهف هلباا حاجات فرحانة بيهم قريب اطير 😂❤ ..وتوجهه للكافيتيريا وشاف تلفونه لقي اسراء متصلة بيه اتصل بيها
____________
إسراء من لما جي معاها مهاب وهي مبتسمة
مهاب ركز عليها : علاش الابتسامة
إسراء : اكساايتد نشوف حبيبة خوي
مهاب : هي من ناحية حبيبته ف يعني حبيبته انتِ مشفتيهاش حتنى متبيش تجيني
إسراء كملت ابتسامها وسكتت شوية وقالت : علاش مش مشرف معانا في الحفلة وانت صاحب يزيد توقعت يحطك
مهاب : انا قتله منبيش
إسراء : علاش !؟
مهاب تلفتلها بإبتسامة خبث : تبيني معاكم انتِ؟
إسراء بإستفزاز : اولا منحبش من يرد السؤال بسؤال ثانيا علاش هل اني نعرفك باش نبيك معانا ولا ! ..حاجة تخصك
مهاب كان حيجوابها لكن تكنطا من اسلوبها : قلتيها .. حاجة تخصني
إسراء همست : تافه😒
مهاب : سمعتها ع فكرة
إسراء تلفتتله بإبتسامة مصطنعة : حاجة تخصك... وخشت للكافيتيريا
مهاب : خيرها اهيا ؟ تريسة لنم ....وخش وراها
عمر : ها كيف شفتيلي حبيبتي 😂
إسراء : تعاالي بلييزز ..علاش متبيش اتجيني به😭😭😭
عمر : متحبش الغرباء
مهاب : وكأنك تعرفها من اربعين سنة 😒
عمر شبحله بنضرة غريبة امتاع ..موقعك غلط مع انه صح 😂💔
مهاب "عيلة غريبة لنم نضراتهم واسلوبهم ..شن جيبني ليهم ؟" : بنت خالي 🙂
إسراء : شن اسمي انا 🥺💕
عمر : إسراء
رهف : س سنا
عمر : إسرااااء 😂😂💔
رهف : اسناء
إسراء تعطيها بوسة يناري البنت قريب جت طايحة
عمر : تي لا نحي
إسراء خدت شكلاطة من امتاعات رهف بالقصد : الله عالشكلاتة
رهف شافت لعمر بمعنى خودها 🥺
عمر متحملش النضرات : هاتي خيرك عيلة هكي ؟
إسراء بنضرات استفزاز : جت لتقدرك ...عالعموم انا يستنو فيا وجيت نقولك ...حي على شن ندور فيك وكعليا نسيت
مهاب حط يديه فجيوبه ونزل راسة يضحك عالصامت على تعابير وجهها وهي تتدكر وعلى خوها ليستنى فيها تتكلم وقريب ينطرها 😂💔
__________
محمد وقف جنب أحمد يلي كان يتناقش مع ولد مصري عالتصميم نقاش حاد وأحمد فاصل : كيف الوضع
أحمد شبحله وبعدين شاف للولد : والنبايل شني لونهم انشالله ؟
الولد : قصدك ايه بالنبايل ؟
أحمد بنفاد صبر : البلونات النم
الولد : اهاا.. مققرناش لكن ايه رأيك بالابيض والازرق
أحمد : ليش انشالله جيااب مني !؟
محمد : 😂😂😂
الولد : مفهمتش لكن ايه رايك بالابيض والاسود !؟
أحمد : عيد الام ولا عيد بقر !؟
الولد يضحك : والاحمر مع الابيض
أحمد فصل عليه : تي شنن يقول هاذا شن أحمر شنن قدام الدكاترة والمدير والاساتدة يقولي أحمر
محمد ميت ضحك ع منضر أحمد
الولد يضحك : امال ايه ؟ 😂
أحمد تنهد : الذهبي ..ذهبي وابيض اي كله ديكور عالذهبي والابيض وبرا ليزيد قوله أحمد قال هكي
الولد : تمام ..ومشي 😂
أحمد شاف لمحمد بنص عين يلي شبح فيه وطلعت منه ضحكة 😂😂
أحمد : فوتني محمد بلا برادة
محمد يحاول يسكت : خلاص خلاص
ويرن تلفون أحمد : وقتته النم اهو...مكملش كلامه لين شاف الاسم وابتسم 🥺❤
رد عليها بصوته العادي : ايوا ... نفضالك ....وين انتِ ...هاللصقة قوليلها جايبلك محمد وسعي ....نتلاقو .
سكر الخط وشاف لمحمد : دف بيا معنديش نية نحرك يديا
محمد : وين هما
أحمد : امشي تنقولك
محمد : نمشي حتنى لا نمشي 🙂🙂
______________
في المكتبة
رمضان : آية خيرك خليك معاي
آية انتبهتله : سوري مرهقة مش قادرة نركز
رمضان : علاش مرقديش امبارح ولا شن
آية تجاهلت سؤاله : يتصل بيكم محمود !؟
رمضان : اي اخر مرة امبارح في الليل علاش
آية : لالا نسأل بس
رمضان عارف انها متعاركة معاه لكن ميعرفش السبب : جوه معجبنيش ..متلخبط ...صايرة حاجة
آية : لا مافي شي ..المهم هي هي نبي نكمله اليوم الكيمياء
____________
معاذ : قصدك هوا هكي لما تكون مسؤال ع حاجة ؟
يزيد : اي تقريبا 🌚🙂
معاذ : انا ماشي معاش تكلمني لما خاطري تو نجي ..ومشي
يزيد : وكأني كنت عابي عليك 😂
___________
معاذ اتفق هوا وروان يلاقيها في الكافيتيريا بروحها ...خش شافها جي قعمز جنبها ..مش مقابلها 🥺❤
معاذ : مشفتكش اليوم علاش
روان : انت مش فاضي ع اساس
معاذ : لا خلاص حنفضى ..انسحبت
روان : ححيي علااش
معاذ : دوشة هلبا ..المهم قتلك
روان : شني
معاذ شابك صوابعه في صوابعها عالطاولة وشافلها بحب : وافقي قبل
روان : على شن نوافق به
معاذ : تتزوجيني !؟
روان : 🙂🙂
معاذ : نبصر نبصر ..المهم شن رايك نطلعو
روان : نطلعو ! كيف نطلعو ووين
معاذ رفع كتافه : نطلعو انا وانتِ مع بعض ندهورو لأي مكان تبيه
روان حبت الفكرة لكن..: منعرفش تو نشوف
معاذ : قولي توا باش نجهز روحي ونخنب ريحة احمد
روان ضحكت 😂 : لالا مش توا تو نقولك في الليل
معاذ وقف : خلاص تمام
روان : وين ماشي توا بالزبط
معاذ يفكر : لحد ! ..قعمز وكمل مع روان 😂😂💔
_____________
أحمد : خلاص سمر ومحمد اقلبو
محمد وسمر شافو لبعضهم
محمد مد يده لسمر ..سمر شدت فيده
سمر : حيي تعاال نبي نخطط لحاجة
لمار : شني شني
سمر تجاهلتها ومشت مع محمد
لمار شافت لأحمد : حيوانة
أحمد : ضروري تحليلDNA مش معقولة تكون بنت عمي
لمار : عيب اكبر منك
أحمد : 😒😒
___________
سمر وقفت محمد فجأة : نبي نقولك حاجة وقولي هل تصرف ولا غلط 💔
محمد : اكيد قولي❤
سمر : نبي آية تحب شاهين ..لكن حرام محمود هوا يحبها ويحبو بعض ..لكن حتى شاهين يحبها ...وآية مش متريحة ابدا مع محمود ...ديما يتعاركو حتى ولو متقولش لكن نعرف بروحي ....مش عارفة شن اندير وآية ضغط الامتحانات ومحمود وشاهين وهلبا حااجات ضروري نشد معاها الضغط شوية
محمد ابتسم ومسح ع كتف سمر : سمر ! كلنا نمرو بضغوطات مفيش حد حياته فاضية ..والحب مش انتِ تجيبيه ..هوا يجي بروحه ... محمود وآية لو هما قادرين يتحملو بعض بمشاكلهم حيرجعو لبعض ..ولو العكس ..صدقيني اكيد في طرف حينسحب سواء محمود او آية ...اما بالنسبة لشاهين هوا الطرف الثالث وطاح في حب الشخص الغلط ...ومرات يكون الشخص الصح
سمر : انا معاش نبي آية مع محمود
محمد : وآية مني تبي ؟
سمر : آية متعرفش مصلحتها والحب يعمي انا نعرفها من لما صغار ونبيلها خير من نفسي ...تكلمت انا وسلام في الموضوع ... بغض النضر على ان الحل حيوجع الطرفين لكن آية مستحيل تكون لمحمود
محمد : متأكدة سمر
سمر : اي 💔 ...ونبي نتكلم مع شاهين نفهم منه لأن في وراه حاجة ..... عادي !؟
محمد : لا عادي بما ان شاهين يحب آية مفيش خوف😂
سمر : اطمن مش حنخونك
محمد : خايف عليك يغبية 💔
سمر : عليا انا !😏 تي انا يخافو مني ميخافوش عليا
محمد شدها من خدودها : ومهما كان ! انا نخاف عليك وم
سمر : محمد الناس احنا في الساحة 🙂
محمد نزل يديه : انتِ تبي كورس رومنسية
سمر : الموهيم ..انا ماشية نتلاقو
محمد : سلام ❤
_____________
وقفت بعيد من شاهين ...شافها ... ناض ومشالها
شاهين : هلا
سمر : اهلين
شاهين : انشالله مسلم صاحبك
سمر : موضوع مهم للأرض وعلى آية
شاهين : فيها حاجة آية ..شنصاير
سمر : لا
شاهين : شني به
سمر : انا الصراحة نبي نساعدك في موضوع آية لكن قبل كل شي نبيك تقولي كيف صار كل شي
شاهين حط يديه فجيوبه : شن دخل يلي صار ف يلي فات
سمر : يلي فات يحدد يلي صار وجاي
شاهين : من وين تبي
سمر : من أول ما شفتها
شاهين شاف للفراغ : كانت أول يوم ليها في سنة اولى متسألينيش كيف صار لأنه صار ..في الاول قلت عادي يعني كأي بنت ... لكن ! كل ما نشوفها معاش انحي فعيوني ..علاش مش بنت تانية ..هِيَّ ... يوم بعد يوم مرات بالصدفة والاغلب انا نتعمد نشوفها بدون ما تعرف هيا .... نوصل حتى مرات نوقف لمدة طويلة نشوفها كيف تهدرز وتضحك شفت ملفها لأن كنت نعرف اسمها ..عرفت هي وين تسكن بالزبط وحاجات تانية زي متلا شن تحب تطلب من الكافيتيريا ووين تحب تقعمز حتى تصرفاتها حفضتهم الكلام هذا حتى بعد ما جي محمود .... شفتها كيف تهدرز معاه ..وفي الاخير عرفتهم يحبو بعض ..مكرهتهاش لا ..بالعكس زدت حبيتها وحتى فسنة تانية ....في جرتها عرفت كل اخباركم ..ببساطة كنت نقعمز قريب منكم في المكان لتقعمزو فيه ... والكارطة في االيل وغيره ... وبعدين بدت مشاكلها تكتر مع محمود ... نشوف في وجهها كيف متكنطي ..نكررهه ..تو تقولي حركات مراهقين لكن بطريقة صاعبة جدا قدرت نشد روحي عليه في كل مرة آية تبكي ولا تزعل ع خاطره ..ببساطة نحب لما تفرح نحس فروحي فرحان معاها ....
سمر كانت منتبهه للقصة قاطعاته : علاش مقلتلهاش من زمان من الاول !
شاهين : هي اصلا متنتبهش حتى لما نشبح فيها ...كيف منقوللها وكيف نخشلها في الموضوع ... وللأمانة جيت حنقوللها لكن ....
سمر كملت لكان حيقوله : محمود
شاهين : ولقيتها فرحانة معاه
سمر : توا علاش تبيها ..ومحمود ؟
شاهين : لأن خلاص معاش نقدر ...تمشي الدنيا كلها في الحيط ..انا يلي يهمني توا آية ...حتى عيلة معنديش ..انا هنا ع خاطرها .... السنة الجاية انا مش حنكون هنا .. وهي حتكون معاي ..قرار قررته ومش حنتراجع عليه ...انا منبيش نخشلها في الموضوع طول وانا نحبك هكي من غير مقدمات ... حتكرهني هكي ..وهذا آخر شي نفكر فيه ..سمر مضاايق لنم راه ..وعدت آية قلتلها معاش نطلع فوجهك بكل ... تخيلي شافتني وانا نشبحلها ... مندكرش لعند اليوم من اول شفتها يوم مشي بدون ما نشوفها ... سمر نحبها نحبها ونبيها اكتر من حبيبة
سمر : انا نزبط آية ونزبط محمود ..مش لبعض ولا كنهادا انا منجيش نفسد حياتها .... محمود حيدمرها نفسيا ولو سامحاته توا ..حيتكرر وتخش حالة كآبة زي توا .... وانت توا ع اساس وعدت وحتوفي بوعدك !
شاهين : اي وعدتها ...انا نخلي فيها تبكي
سمر ابتسمت ع جنب : انت بالذات تخلي فيها تبتسم لما تتكلم عليك
شاهين : هه وتتكلم عليا معاها
سمر : تحكيلنا اكييد شن تحسابها ساكته ... انت توا خليك ماشي زي ما كنت وتقرب منها ... ومتسمعش كلامها فوت الوعد واطلعلها فكل مكان
شاهين : مشعاارف
سمر : اعطيني رقمك
شاهين : تعاكسي فيا 🙂
سمر اعطاته التلفون يسجل : وين صاحبك السوري
شاهين : فلسطيني 😂 ..عمزلها ..قدر ويعجبك
سمر : ومحمد يعجنك
شاهين : يسااتر
سمر : هي اقلب
شاهين : تقريبا انتِ يلي بتقلبي
سمر مشت وبعدين تلفتتله مرة تانية : آية في المكتبة تقرا توا ..بعدين مرات نتلاقو كلنا تعال
__________________
ليلا ...
مقعمزين كلهم إلا علي
مهاب : عمر
عمر يلعب مع رهف : نعم
مهاب : ءءء مش عارف كيف نفتحلك الموضوع من امبكري لكن خالي اتصل ويبي بنته🌚❤
كلهم شبحو فعمر
عمر : امتا الكدب
مهاب : وقسمبالله
عمر يكلم في رهف : تبي تروحي معاه البقرة هادا
رهف : بدنةة هيهي 😂
مهاب : بدنة صار 🙂 روح بيها انت به 😒
عمر : عادي ❤
الكل كان يراقب في المحادثة وابتسامة اعرض من العريضة في وجهه كل واحد منهم 😂💔
مهاب : عالعموم انتم الاثنين خطر عالمجتمع
جي علي : السلام عليكم
كلهم : وعليكم السلام
علي قعمز جنب مهاب بدون ما ينتبه
مهاب زابطه وين كان وبمني يتصل : وين
علي انتبهله : تخيرك تطلعلي زي القدر انت منيين
مهاب : قدرات خارقة 😎
روان مع سمر وندى
روان : معاذ طلب مني نطلعو في مووعد 🤤💕
ندى : وافقتي ؟
روان : لا قلتله تو في الليل نرد عليك
سمر : شوفيها كيف دايبة ..هادي لتتكلم عالكرامة
روان : بلا غباء عاد حتنى قلتله تو في الليل نرد عليك
سمر : ولأني نعرف معاذ كويس بس نخليك تطلعي
روان : اي ع اساس ناخد في إذنك 😒
إسراء وسلام وآية
سلام : ما اتصلش محمود ؟
آية هزت راسها ب لا
إسراء تأففت : خلااص عاااد به شن جو اليأس والكآبة يلي فييه بالله عليك تي الحياة حلوة عيشيها فوقتها ويلي بيمشي خله يمشي وانتي قاعدة صغيرة علاش تاكلي فيها في روحك بلا غباء آية خير ما نضربك توا صدقت فيك سمر
آية ضحكت : اسكتي متقوليش اسمها تو تسمعنا متكلمين عليه وحق ربي تضربني😂💔 .... وبسرعة ما تغيرت ملامحها لتضحك لملامح جدية وهي تشبح في الشخص لجااي
شاهين : سلاموعليكم
كلهم إلا آية يلي كانت بس تشبحله : وعليكم السلام
يزيد : تي وين ياشوشو ليك وحشة
شاهين : حتى انتم ...اهو جيتكم قلت بالك نضحك شوية
سلام وسمر يشبحو في بعضهم وركزو في آية
نور : لماار شوفي جماله😭🥺💕💕
لمار في جنبها أحمد وسمعها شن قالت : أحم نور ءء ندى جنبك تبيك
نور : ندى ركزي ركزي
ندى : عم ركز 🥺🥺❤
آية نزلت عيونها بعد ما تلاقو في عيون شاهين : انا راكبة للشقة
سلام : لا شني راكبة احنا توا كيف جينا
آية : سلام خليني
سلام : مش حنخليك ارتزعي اهني خير ما نفضحك قدامهم كلهم ..ولا انادي سمر تفضحك عادي راه
آية تأففت وقعمزت
هبه : هاااي قاايز ...حي كلكم هنا يا كلااب 😭
يزيد : هبه خلاص 🙂💔
هبه ادور على شخص ...وأشرت على رمضان : ماداما هذا لابس نضاراته معاناها لمتكم لمة نضيفة شريفة بريئة
كلهم شافو لرمضان
رمضان حط يده على راسه وأشرلها : سكتوها
ندى : هبه حبيبتي تعي لهون 😊💔💔 🙂
معاذ : شن القصة
هبه : كان بودي نقولهالك لكن قصة مش للصغار
معاذ : زايد طمنطاش 😭😭
هبه : ايوااع
ندى : فضحتينا الله يفضحك
رمضان : تي تصدقو فيها هادي
أحمد : معليشي معاش تتهمو زوزي
هبه : انا مش حنتكلمم
سمر : توا في مشكله
كلهم : شنهيا
سمر : ضروري في حاجة ناكلوها لأن انا جعانة واكيد كلكم جعانين
معاذ تلفتلهم : مني جعان ؟
وعم الصمت ارجاء المكان
لكن قال محمد في الاخير بعد تفنيصة من سمر : انا
ومعاذ بعد حصل تشلفيطة من سمر : ءء انا قولو كلكم انا
محمد : معاذ خود حد ونوض جيبلنا حاجات
معاذ شاف لأحمد : شجعني
أحمد : معاك يا صااحبي
معاذ ع اساس متشجع : برا برا مش حنمشي انااا وديما انا مدخلنيش أن
محمد ضربه سكت فجأ
أحمد : سامحني يا صاحبي الضروف كانت اقوا 💔
آية تبي اي طريقة تتفادى بيها نضرات شاهين : انا نمشي معاك
معاذ : وروان !؟
روان تتكلم في التلفون أشرتلهم بمعنى امشي 😂💔
معاذ : هيا هيا اصلا عادي
ومشو معاذ وآية
بعد شوية اتصل معاذ قال انه معطيتوش فلوس ..
شاهين : خلاص انا ندفع
يزيد : لا علاش تدفع نجمعو كلنا
شاهين : لالا خلاص عليا تو نمشي نلحق عليهم
CZYTASZ
ثانوية الشبان 2
Akcjaالرواية تتكلم على شله شباب وبنات يعرفو بعض من الاعدادي وفي منهم تعرفو على بعضهم في الثانويه هادي.... ويصير بينهم هلبا مواقف واحدات كوميديه ورومنسيه الروايه من نسج خيال الكاتبه وفيها لمحه من قصه واقعيه🔥 #بقلمي
