جنون رجل أحب أخته (مكتملة)

الجزء 13

الجزء13💜

💜جنون رجل أحب أخته💜
✏بقلم محبة للحياة

نزار شدو من لكول ديال تريكوه:سمعني مزيان أسي أدهم مغانبقاش ساكت ليك حنا جينا نشوفو غير بنتنا و نستفسرو علاش جات لسبيطار

يا اليوم يا غدا غاتعرف  مزال تكتاشف لحقيقة و ديك ساعة لا شافت فوجهك مغاتكونش سميتي نزار وإيلا عرفت بيلا منعتو باها باش يشوفها و خبيتو عليها ...قرب لوجهو و نطق باستفزاز تت غاطير بين يديك

طلق منو و زاد بخطواتو في إتجاه غرفة لمار أدهم عنيه حمارو و نفس بقى يخرجها سخونة ماكرهش يهرس هاد سبيطار... و مغايبردش

عض على حنكو و تبعهم حتى وقفو فباب لبيت
محمد عنيه عمرو بدموع و هو تايشوفها مع سرجم

سنين و هو كايحلم بهاد لحظة حاس بقلبو غايوقف و عمرو ضعاف و لا عنيه نزلو بدموع إلى لحبيبتو و لي توفات و لبنتو لي كان مشتاق ليها و بات ليالي تايقلب عليها

مشات عنيه لعند ليلى و نظراتو تغيرت غل و كره حقد و غضب كلها مشاعر تايحملها فإتجاه ديك لمرى بسبابها و بسباب مروان حياتو تكفست كولشي ضاع بين يديه

لكن يقدر يشفع من غير فراقه لمراته هوما كان فسباب تشردها و موتها و كل مكايتفكر... داك الكره كايزيد يكبر عمرو يسامحهم و لا غايقدر يسامحهم غايدير لمستحيل باش يرجع بنتو و ماتبقى تربط بينها و بينهم حتى علاقة

نزار متبت نظراتو عليها تايشوف فيها باستغراب هي فاسبيطار و ضحكة و لفرحة باينة من عنيها قدر يحلل شخصيتها طيبة و العفوية ابتاسم شبه ابتسامة على تصرفاتها و حركات يديها

قاطع تأملو صوت محمد:بغيت نهضر معاها نقوليها أنا باها بغيت نضمها لصدري مامقنعنيش شوفات من لبعيد

هزز نزار راسو:غاتهضر معاها الواليد

وقف من موراهم أدهم و عنيه غاياكلو نزار لي ملي حط عينو على لمار ما حايدهم

نفس نظراتو ملي شاف امار أول مرة غمض عنيه بعصبية ملي جا فبالو احتمالية أنه يقدر يوقع فحبها خصوصا ملي ماشي خوها ديال بصح زير على قبضتو

هز تيليفونو ودوز الإتصال بعمران:غاتجي دابا ولا غانقلب هاد سبيطار
عمران:شنو واقع هانا جاي بلا ماتسرع و دير شي فضيحة

تحل لباب و لمار هزت عنيها عقدت حجبانها باستغراب و شافت فليلى:شكون هادو؟

ليلى غير شافتهم وجها صفار و ذكريات أليمة رجعتلها سدت عنيها و دمعة طاحت على خدها