جنون رجل أحب أخته (مكتملة)

الجزء 6

الجزء 6💜

💜جنون رجل أحب أخته💜
✏بقلم محبة للحياة

بتاعد عليها حاط لفون فودنيه
مروان:واش ديت معاك لبنت؟؟
أدهم:راها معايا
مروان:واش بغيت تقتلني راك بعقلك فين داي البنت بوحدها خليها مع مها
أدهم:يمكن هضرنا فهادشي لبارح

تنهد مروان:أمانة عندك راه خليتها معاك باش تبدل لجو شوية خلي عنيك عليها و تهلا فيها بحال ختك صغيرة

أدهم تايسمع ليه عاض على شفايفو كاره راسو وحاس بيلا متايسوى حتى حاجة
كيف يقدر يقول ليه راه تانبغيها محاسش بيها بحال ختي بل بحال أنثى
قطع الإتصال و رجع لعندها كانت جالسة فصالة بهدوء

قرب لعندها و جلس بجنبها:هضري مالك؟؟
لمار تاتبكي شدت فيديه تاطلبو:حشومة عليك واش مابقاش فيك بابا و ماما😭رجعني لدار و أنا نسى كولش نرجعو كيف لول ماتبقاش تصرف معايا بديك الطريقة بحال صباح

تيهزز  رجلو بلأعصاب ماحاملش يسمعها تبكي تطلبو ماشي ذنبو كون جات عليه يخرجها من قلبو من تفكيرو من حياتو ولكن ماشي بيديه

شاف فيها بنظرة راجية أنها تبقى معاه و تغير رأيها:نوضي غانرجعك

وقفت سابقاه للباب قلبها ارتاح لمهم تبقى بجنب باها و مها

تابعها بخطواتو التابثين و طول طريق الصمت سيد الموقف لمار بحال جالسة على الشوك بغات غير فوقاش ترجع
بلا ماتكلم ولا حتى تشوف فيه نزلت من سيارة قاصدة باب لقصر

بقى مدة حاضيها بعنيه حتى مابقالها أثر رجع راسو لور بتفكير واش البعد هو أنسب حل؟؟لاهم يتعذب هو ولا يعذبها معاه

طلعت نيشان لبيتها و أول وجهاتها دوش عمرت لجاكوزي و جلست فيه بلا سبب دموع تاينزلو من عنيها حاسة بضيم

عارفة بيلا بسباب الدورة الشهرية لي راها فلأبواب و زائد الضغوطات لي كاتعيشهم خلاوها مكتائبة

من بعد ماهدئت و حست براسها ارتاحت لبست عليها و نشفت شعرها تخشات ففراشها حتى داتها عنيها

عند كوثر لي لبست و عدلت حالتها
كسوة أنيقة عطاتها ليها لمار عدلت ميكاب خفيف و دارت مشطة زوينة لشعرها رشت من ريحتها

خرجت للباب إثر سماعها لصوت سيارة كان فقط شيفور عقدت حجبانها ماعاجبهاش لحال كان خاصو يجي بنفسو علاش زعما هي ماتستاهلش

تنهدت و مشات ركبت فلوطو طول طريق و هي متوثرة ماعارفاش شنو مخبي هاد لعشاء المفاجئ
استقرت لوطو عند احد أفخم المطاعم لي متواجدين فلمدينة