جنون رجل أحب أخته (مكتملة)

الجزء 4

الجزء4💜

💜جنون رجل أحب أخته💜
✏بقلم محبة للحياة

لمار جالسة مع مريم و ليلى فجردة تايتعاودو و يضحكو حتى لحقت عليهم كوثر جلست قدام لمار
ليلى:هضرتي مع ماماك؟
كوثر:أه خلاتني نبقى معاكم
مريم:ياي حسن😍نبقاو مجموعين
كوثر مدت تيليفون للمار وهمست فودنيها:هاكي تيليفونك راه قلبت و لقيت مؤيد صونالك
لمار بخلعة:اويلي اش بغا مني؟
كوثر:وباش عرفت أنا راه محيت ليك لابيل
لمار:حسن يبقى يطيح التيليفون فيد أدهم و يشوف نمرة

ليلى:شكاتقولو نتوما؟
لمار:والو غير هضرة عادية😊
ليلى شدت تيليفونها :هاء مروان تايصوني ماعرفت مالو
ليلى:ياك لباس؟
مروان:همم بغيت غير نعلمك باش ديري بحساب واحد الضيف غايتعشى معانا
ليلى:غير واحد؟
مروان:أه باغي يطلب لمار

ليلى طلعت عنيها فبنتها مصدومة:شكون هذا؟
مروان:من بعد و نهضرو فهاد الموضوع علمتك غير باش تكون فراسك
ماتقولي والو للمار دابا حتى دراري مايعرفوش أنا غانهضر معاهم أصلا ليوم غايجي يتعشى غير باش نتعرفو عليه
ليلى:صاف واخا ....قطعت لاتصال و شافت فيهم بابتسامة

ليلى:غايجي يتعشى معانا شي ضيف
لمار:شكون هاد الضيف؟
ليلى:ضيف عادي فلخدمة
مريم:شبان ليكم نوضو نوجدو دابا
كوثر:أه حسن باش مانتزيروش و نوجدو على راحتنا

ناضو من بلاصتهم و معاهم ليلى لي كاتفكر فهضرة مروان فرحانة وفنفس الوقت حزينة مابغاتش تمنع بنتها من زواج و فنفس الوقت مزال ماشبعت منها و غاتغادرها و ترجع فدوامة الوحدة من جديد نفضت هاد الأفكار من راسها على الأقل فهاد الوقيتة باش مايعباوش بيها لبنات
ب

جلستو المعهودة أدهم تايستنى لخبار من عند منصف باغي يعرف شكون هدا لي صونا عليها
حاط كاس صغير ديال الويسكي قدامو تايشوف فنقطة وحدة حتى دخل عندو منصف
أدهم:حرك حاجبو بمعنى هضر
منصف:هادي نمرة مؤيد بنموسى كانضن كاتعرفو
أدهم بشبه ابتسامة شاد تيليفونه عض على حنكو من داخل بالأعصاب جمع الوقفة و انساحب بهدوء مخلي منصف فحيرة
ف

مدخل القصر تلاقاو جوج سيارات وحدة لأدهم و لأوخرى لمروان
من بعد سلام وقفو يهضرو شوية على الخدمة فشركة حتى جبد مروان موضوع مؤيد
مروان:ليوم غايجي يتعشى معانا نتمنى نشوفك فطابلة لانتا لا خوتك
أدهم عقد غوباشو ...شنو جاي يدير عدنا؟
مروان:غير كضيف تشاوفنا و عرضت عليه
أدهم زير على قبضتو هادشي مناقصوش و عارف غير غاتشوفو لمار غاتبدا تنقز

داخل مع الدار تايقلب عليها بعنيه مابانتلوش عرفها فبيتها سلم على مو و سلمو عليه خوتو لي كانو مجموعين فصالة قصد طريق دروج حتى شاف مؤيد داخل وقف عند الحيط تايخنزز فيه ماحاملوش معصباتو ديك الإبتسامة دياله عارف بل متأكد أن من موراها شي حاجة
ف