جنون رجل أحب أخته (مكتملة)

الجزء الثاني

الجزء2💜

💜جنون رجل أحب أخته💜
✏بقلم محبة للحيا ة

#في مكان أخر
مجموعة من الرجال المسلحين محاوطين لمكان تايتوسطهم شخص ف35 من عمره صاحب ملامح حادة و بشرة سمراء بنية جسمانية ضخمة واقف وقفة رجولية و حاط رجل فلرض و رجل على وجه شخص منبطح فلرض خارت قواه بسباب ضرب لي تعرضلو
أدهم :.......970  980  990!!!ممم ناقصة شي حاجة😕 تحنى عند داك لي تحتو و هز  برية فيها 10 ملاين من جيبه ضمها مع الفلوس لي كان يحسب و بتاسم : فين كنت واصل أه 990  مليار 😏
شاف فواحد من رجاله و شيرلو لراجل لتحته
تقدم بخطوات واثقة لعند منصف
أدهم:داكشي لي سمعتو هو هداك؟
منصف:أه و راه جار معاه حتى أمير
أدهم:داك لبرهوش ديال أبرار مغايتهنا حتى ندير فيه شي فضيحة
حرك عضلات كتفو بعياء:صاف غبر غانمشي نشوف شغلي حتى لمنبعد و نداكرو فهاد لموضوع

توجه لسيارتو جاكوار فلون لكحل و نطالق بسرعة للقصر
داخل بخطوات تقيلة و كل ما قتارب لصالة حواجبو تايتعقدو بستغراب ركز شوفاتو على لمار لي كانت جالسة فوسط أمير و أبرار تاتلعب ماتش نتاع لكورة فلبلاي و قهقهاتها تايتعاود صداهم فلقصر
دوز يديه على دقنو و نطق بصوت حاد :نتي تهزي من تم و أجي لهنا
أبرار و أمير شافو فيه مصدومين ماقدروش ينطقو بلخوف أما عمران فحط لبيسي لي كان خدام بيه وناض من بلاصتو
أدهم زمجر بغضب:قوتليك تهزي و أجي لهنا😠

لمار حركت راسها بنفي و عينيها تحجرو بدموع  ردة فعل كأي بنت غوت عليها شي شخص خصوصا و هي مادايرة حتى ذنب

أدهم قرب بخطواتو لعندها و هي ماإن ستوعبت بيلا راه قاصدها طارت عند عمران تخبات مور ضهرو
عمران:شنو بغيتها مالك محيح على البنت
أدهم رفع حاجب و نطق بقلة صبر:شكون هادي؟
عمران ضحك بستهزاء:ما وصلكش لخبر يعني الواليد وقف على هاد الأمر بنفسو
أدهم:ماناقصش نسمع لتعليقاتك نطق فيساع عندي مايدار

لمار مراقبة لوضع بهدوء مركزة شوفاتها على أدهم تاتحاول تعرف شكون هذا نباهرت من شخصيتو لي تاتبان قاصحة وقفتو المستقيمة و رجولية يديه لي خاشيها فجيب سروالو تادل على الثقة و الراحة شخصية باردة و أعصاب هادئة مخبية مور العصبية لي تايبينها زعمة هذا هو أدهم لي كوثر حكات ليها عليه

عمران:باختصار الأمر ليلى و مروان جابوها كأخت لينا الواليدة تكفلت بيها دخلاتها ضمن عائلة العمراني و بلوراق
زفر أدهم بهدوء خرج يديه من جيبو ودوزها على دقنو هاد الحركة لي ولات عندو عادة عض على حنكو من داخل عطى بضهر و توجه لدروج قاصد غرفتو

أبرار تنهد براحة و همس لأمير:قلبي كان غايوقف بلخلعة ضنيت بيلا هادي هي تالية ديالي
أمير:شوف نقوليك أنا خرجني من ديك لمعمعة عضامي عزازين عليا و الله و ماتفكها غانجمع حوايجي و نفي راسي فشي جزيرة هانا علمتك