Claim me Yours (Jikook)✅

Part-1

Inspired by...The Vampire Story by Soothing Pod

Hmanlai hian Korea rama khaw pakhat,Busan-ah hian tlangval pakhat,an khaw miten angel ang maia an sawi thin hi a awm a. A mit chu a mawiin a nuih zawngin a chhing vek zel a,a hmui chu a no-in a mawi tawk chiahin a lian a,a hmel chu naute ang maia tha a ni bawk.

A chezia engkim chuan mi a hip em em zel a,a hmei a pain ngaina lo an awmlo. A hming chu Park Jimin a ni a.

An khuaa library lian deuhah hian a thawk a,a nu leh pate ta anih vangin thil dang engmah tiloin a awm chawt thin.

An khua chu a mawiin pangpar leh thingkung hmuh tur a tam em em a,boruak a thiang bawk si. Engkim chu a fuh vel vek hi a ni mai.

Mi zawng zawng chu an inkawmngeih vek a,mahse mi pakhat a kim velo.

An khaw pelha tlang chhipah chuan lalin hlui lian tak hi a awm a. A kalkawngah chuan thingkung upa tak tak hi an ding thuau a,sava an tamin ramsa pawh an tam ngei mai. Minute sawmhnih vel zet kal hnuah lalin hlui chu alo ding ang a. A bangahte chuan hnim mawi tam tak zâmin a sir kil tinah chuan pangpar chi hrang hrang hmuhtur a awm a. Chung zawng zawng neitu chu a chhunga cheng,kum sang tam taka upa Vampire a ni.

Mihringten anlo inhrilh dan leh zirtir dan chuan vampire te chu an hlauhawmin an mi hmuh piang thisen dawt tum an ti a,an hmel a chhiain an ha ngho chu a lawr fur an ti thin. Mahse chu chu ngaihruatna mai a ni.

Jeongguk chu kum sang tam taka upa ni mahse a hmel mawina leh thatnate chu an chuai ve theilo a,tlangval la naupang tak ang chauh a ni. A hmelthain a sang hle a,a hmutu apiang tan chuan a zuna uailoh theihloh a ni.

Chung zingah chuan Busan khaw tlangval chhuanvawr Park Jimin pawh a tel a ni. Library a nghah thinah chuan Jeongguk chu a khat tawkin alo kal thin a,lehkhabu a hawh ve thin a.

Vampire a nih vangin mi zawng zawngin an hlau turah ilo ruat a nge,a nilo ania.

Jeongguk chu mihring pangngai ang chiah a ni a ,hlauh chhan tur a awmlo. Thawnthua anlo sawi thin angin mi thisen a dawt ngai heklo. Tlang chhipa a awmna lalinah chuan awm reng mah se khuaah kalin eitur te a la a,puih ngai an awmin a pui hreh ngai bawklo. Khuaa mi thenkhat chuan hriatchianloh vangin hlau mah se kum upa tawh leh hrechiangtu ho chuan hlauh enah an ngailo hrim hrim.

Let leh ta ila,Park Jimin pawh a zunah a uai ve kan tih tawh kha. Library-a Jeongguk alo kal tawh chuan a lungphu hi a rang thei em em a,a taksaah phurna nasa tak a pe thin. A hnathawh chu nuam a tih phah a,Jeongguk a hmuh tawh chuan awm ngaihna a hrelo a ni ber.

Mahse a mipatpui a ni a,mihring pangngai a ni bawk silo. A tan chuan thil hrehawm tak a ni. Chubakah alo kal ngun ngaihtuahin Jeongguk nen chuan vawikhatte mah anla inbelo a,biak ve a tum pawn a huaisenna in a tlin thlawtlo a ni ber. Mi rilru tihnat leh mi tihbuai a hlau em em a, chuvang chuan Jeongguk hmaah a che buai anga thil a ti chingpen vek ang tih a hlauh vangin chak viau mah se ngawi rengin ralkhat atang a thlir ringawt thin.
.
.
.
.
.

October thla tir a ni a,khua pawh a vawt tan der tawh. La hma mah se a bul vela dawr an inkhar sap sap tawh vangin Jimin pawh chuan a library chu khar ve mai a rilruk tawh a,mahse mi beisei ala nei deuh bawk si.

Darkar chanve vel a nghah leh hnu pawha Jeongguk hmel reng hmuh tur a awm taklohah chuan a kawrlum chu ha thain light a off thim a,pawnah chuan chhuakin a kawngkhar chu kalh a tum a. Chutihlai tak chuan a hnungah hian khuh ri kherh kherh thawm hi a rawn awm a,a inher chiang kher mai.

Nidanga thleng tur pawha alo rin ngailoh,ngaihtuah pawh a ngaihtuah ngam ngailoh a ni a,mahse tunah chuan,hnai set sawtah,a hma takah Jeongguk chu alo ding reng a,Jimin chu a hliah hneh kher mai.

Ka hau chunga Jeongguk a en chhoh reng lai chuan inngaihtuah harhin a hnunglamah a pen thut a,hmun awl awm heklo le,kawngkhar chu su chawrhin hmalamah a awn let hlauh a,zahna zawng zawng hian an bawm ni maiin a inhria.

Jeongguk awmah chuan ava bei thlawp a,tluk a hlauh luatah nghet lutuk tak mai hian ala kuah zui. Khaw vawt karah pawh a alh hluah hluah thei ang tihtur khawpin a sa chhuak chak.

Jeongguk rim,rimtui zet chu a hnar chuan a hailo nasa...a inrinlawk hma chuan a hip lut vang vang a,a mipa duh deuh a kuah tih reng a ngaihtuah tawhlo.

Mahse reivaklo hnua Jeongguk a rawn nuihchhuah hak takah chuan rang lutuk tak maiin a inlasawn nghal a. A hmai chu a sen nghal tawn tawn bawk a,Jeongguk en ngamlo chuan hmundang chu a melh kual nghek a,awmzia a awmlo kher mai. Tawng theilo emaw tih tura a ngawih reng vang chuan a  tawpah Jeongguk chu a rawn tawng chhuak a.

"I- Library hi i khar tawh dawn ami?"

"Maw?" Jimin chuan a ti let ha a,a awmdan hrilhhai lutuk a hmuh chuan Jeongguk chu a nui sek a,"I inkhar tawh dawn ami?"

"Uhm..ka hrelo...ala.hma.tho a-ehem...lo lut rawh,ala hma tho," tih pah chuan kawngkhar chu a hawng leh sawk sawk a,inchhuih nawk nawk paha hmanhmawh zeta a luh vang chuan a hnung lama ngaihsan hmel taka thlir zuitu chu a hmuhloh phah.