အရီးက အရိပ်အပြောကြောင့်ရယ်လိုက်၍။
" ငါ့တို့ကိုတစ်ထောင်ဖိုးချိန်ပေး "
အရီးကငါးဝယ်ပြီးတော့ တခြားလိုအပ်တဲ့အသီးရွက်များဝယ်နေတော့ အရိပ်ဘေးကနေကူသယ်ပေးလိုက်သည်။
" အရိပ် ဟိုအထည်ဆိုင်မှာ အရိပ်တို့လိုအပ်သာသွားဝယ်ကြရအောင် "
" ဟုတ်ကဲ့ အရီး "
အထည်ဆိုင်ဆိုပေမဲ့ ကုန်ခြောက်ပစ္စည်းတွေနဲ့ပါရောတင်ရောင်းတဲ့အိမ်ဆိုင်လေးဖြစ်သည်။
" ဟေ့ ရွှေခင် ငါ့တို့ကိုယောကျ်ားလေးပုဆိုးနဲ့အင်္ကျီတွေပြစမ်းပါဦး "
" လာပြီ လာပြီ အရီးရေ ဆွမ်းတော်လေးကပ်နေလို့ "
အိမ်ထဲကနေပခုံးပေါ်မှာတဘက်အညိုလေးတင်၍ ထွက်လာတဲ့အန်တီကြီးတစ်ဦးကအရိပ်ကိုမြင်တော့ပြုံးပြလာသည်။
" အရီးတူလေးလား "
အရိပ် ပြုံးလိုက်၍။
" ဟုတ်ကဲ့ဗျာ "
ထိုအန်တီလည်းပြန်ပြုံးပြလာပြီး ဘာမှဆက်မမေးတော့ပဲ ဦးကျမ်းပုဆိုးနဲ့ယွန်းရွှေရည်ပုဆိုးနှစ်မျိုးကိုထုတ်ပြလာသည်။
" လောလောဆယ်တော့ ဒါပဲရှိထားသေးတယ် အကြမ်းထည့်ပုဆိုးဈေးပေါတာကကုန်နေသေးတယ် မြို့မသွားရသေးလို့ "
" ရတယ် ဒီထဲကပဲယူလိုက်မယ် "
အရိပ် ရိုးအတွက်နဲ့သူ့အတွက် ဦးကြမ်းပုဆိုးထဲကရောယွန်းရွှေရည်ပုဆိုးထဲကပါသုံးကွင်းစီအကွက်လေးတွေရွေးယူလိုက်ပြီး အင်္ကျီချည်သားလေးတွေပါအရောင်ကွဲဆင်တူလေးတွေဝယ်လိုက်သည်။ ရိုးအတွက်တော့ သူ့ထပ်ဆိုဒ်ကြီးကိုသေချာရွေးယူရသည်။
" ဘာလိုသေးလဲ "
အရီးအမေးကြောင့်။
" သွားတိုက်တံ ဆပ်ပြာ "
အရိပ်လိုအပ်သာတွေအကုန်ဝယ်ပြီး အိမ်ပြန်လာခဲ့ချိန် ရိုးကအိမ်ရှေ့မှာထိုင်နေကာအရိပ်အထုပ်တွေအပြည့်ဆွဲလာတာမြင်တော့ ထိုင်နေရာကထပြီးလာကြိုသည်။
" ဘာတွေဝယ်လာတာလဲ အများကြီးပဲ "
ရိုးအမေးကြောင့် အရိပ်ပြုံးလိုက်၍။
YOU ARE READING
( သူကြီးသမက် ) Completed
Non-Fiction( ရိုးမာန်ဂုဏ် ♡ နွေလရိပ် ) ♡ 28 . 8 . 2021>♡< 19 . 12 . 2021 ♡
အပိုင်း - ၁၀
Start from the beginning