"ruang hi a chhe tawh tak zet!" Rimchhia tih hmel tak chuan chulai vel a awm ho chuan an hnar chu an hup a. Jungkook leh Yoongi chuan an han en kual vel a. Thah ngei ani tih a hriat.
"Postmortem tur in dah rawh u. Vawinah la la a result ka hre duh ania!" Jungkook chuan ati a. Yoongi chuan a lu chu bu zeuh in police dang hnenah chuan ruang chu motor a hlang tur in a ti a.
"Thah ani tih a chiang reng. Mithi chhungte hi kan chhui chhuah vat a ngai bawk ang!" Namjoon chuan jungkook hnung chu a zui a. Car ah lut in office lam an pan a.
Mithi thla an lak vel chu jungkook chuan a en chiang vel a. "Detective.Kim,a nghawng leh ban a thil rek hi i hmu em? Hrui a thah anih loh pawn rei tak hrui a thlun ani ngei ang!" A sana chu a en a. Zing Dar9 chiah2 ani. Office an thlen chuan mibo case chu jungkook chuan a hai leh chiam a. An zing a tel ve a ring tlat.
"A mithi hming hriat anilo a. A hmel hmuh tlak mumal a awm bawk hek lo. Tiang ringawt chuan hriat chhuah a har ang!" Namjoon bawk chuan ati a. Jungkook pawh chuan dik a ti anih hmel, a chair ngheng chuan a thu a.
"Mibo case pakhat tal chhui chhuah i nei tawh em?"
"Aih. Thli in a len bo ang vang2 an ni!" Hnuai lam chu a en a. In thiam loh hmel zet in jungkook chu a en leh zeuh a.
An ri deuh mur2 a. Phone call an dawng reng bawk a. Nu leh pa te chuan an fate chu kir leh tur in an duh a. Police te chuan enge mawni tal an hriat beisei in,beisei na thinlung nen Nitin phone call,zawh na ngai reng chu an dawng a.
Jungkook office kawngka an rawh kik a. Jungkook chuan lut tur in a ti a.
"Sir, postmortem report!" Jungkook dawhkan ah chuan dah in a chhuak leh nghal a.
Jungkook chuan file chu a han chhiar zung2 a. A rin ang ngei in hrui a reh hlum ani. A DNA an test a,tunge anih hmuh chhuah ani a. Pawngsual ani bawk a. Na tak a sawisak ani tih hmuh chhuah tel ani
"Jang Inha" a hriatphak lek chuan a ti a. Mibo ho file chu a en leh a. A hming chu a zawng a. A Hmu thuai. "Jang Inha,Kum18." Jungkook chuan Hoseok a ko a. Hoseok hnenah chuan an ruang hmuh chhungte Olshin hospital ah kal tur in a tih tir a.
Jungkook leh Hoseok chu car ah lut in Olshin hospital lam an pan a. Rei vak lo ah chuan an thleng a.
Mithi chhungte thu tam tak zawh fiah tur an nei a. Zawh hun ni in hrelo mahse hun hian a nghak lo a. Rang thei ang ber a an chet chhuah a ngai ani.
Hospital an thleng a. Postmorte tu Doctor Kim taehyung cabin lam an pan nghal a.
"In lo thleng chu a lawmawm e!" Taehyung te nen chuan kawng lakah an in tawk a. "Khawngaih in ka office lamah in lo kal thei a ngem?" Jungkook chuan a lu chu a bu a. "Helamah hian"
Office chhung an thlen chuan taehyung chu mi chimlim tak anilo tih an hrethei. A dawhkanah coffee cup pa3 ruak hmuh tur a awm a,chhang ei bang a awm deuh nuai bawk a.
Taehyung chu a khuh kherh2 a. Aa dawhkan bak chu bawlhhlawh bawmah a hui thla a. Zah hmel tak chuan a khap deuh fuk2 a.
"Ehem. Ka chet dan vang in in hriatthiam na ka dil e. Engpawh nise khawngaih in thu ru!" Thuthleng awm na lam an pan a. Hoseok thu chu rang zet in a zuang tho a.
"OH!" Taehyung a phu deuh zuk a. A dawhkan a a file dah chu la vat in Hoseok lam a pan a.
"Ka tih palh lutuk. Nichin lawk khan ka u fa alo kal a!" Car lem chu dahtha vat in Hoseok chu a en zeuh a. Za lo zet chuan a nui ner deuh nang a.
"A pawilo e!" Hoseok chuan a ti a. Jungkook bulah chuan a thu in a âw chu a thian deuh kharh a
Taehyung pawh an opposite ah chiah thu in file chu dawhkanah chuan a dah a.
"Ka file rawn thawn kha ka rawn thawn kim lo a. In hriatthiam na ka dil nghal e. Mithi kha thah anih hma khan Cocaine drugs a rui tih ka hmu chhuak leh a. A dna test a a lan dan chuan cocaine addict a ni ngei ang. A thisen zumzamah khan Cocaine a kal tawh ani!" Taehyung chuan a ti nghal zung2 a. Jungkook chuan uluk tak in file chu a en a.
"Dr.Kim,mithi chhungte an lo thleng!" Nurse pakhat chuan a rawn ti a. An pathum chuan an chhuak nghal a.
Ruang an dah room ah chuan lut in mithi nu ni awm tak chu nasa tak in alo tap a. A pasal ni ngei a lang chuan nghet tak in alo kuah a. An bulah mipa rawlthar alo ding bawk a.
"Inha,ka fanu!" Tih in alo tap ruah2 a. Jungkook te pawh ngawi reng in an ding a.
Jungkook chuan chutiang a hmu chu hreawm a ti a. Mithi chhungten an hmangaih te an tah chu hmuh har ati tak zet.
"Min hrethiam ula Mr.Jang,a fal in ka be thei che ngem?" Mr.jang chuan a fapa hnenah chuan anu chu veng tur in a ti a. An pahnih chuan pawnlamah an chhuak a.
"A hun lo viau tih chu ka hria. Mahse in fanu chungchang hi tlem a zawng min hrilh thei angem?" Polite tak chuan a ti a. A hma ai chuan a âw pawh a nem zawk a. Mr.Jang chu chauh hmel tak in an bul a thut na awm ah chuan a thu a.
"Naupang fel leh hrisel tha tak ani a. Thian pawh a nei ve nual. An class ah pawh Class president ni thin ania. Lehkha pawh thiam thei tak ani. Amah ah khan ka in nghat a. Ka theih tawp chhuah in hna ka thawk a. Mahse hetiang hi kan tawk leh si a. A thiannu Han Lee nen April 18 Sunday khan in khawm tur in an kal a. Mahse washroom a a kal a rawn let leh tawh lo atia. Khami tang kha chuan engmah a chanchin hriat zui tur kan neilo. Mahse thla li zet a bo hnuah hetiang hian kan hmu leh si a!" A mittui chu a hru leh zeuh zel a.
"I fanu hian damdawi emaw,eng thil emaw tih thin a neih i hria em?"
"Aih. Beer tak ngial pawh a in ngailo. Engmah chutiang a tih awm kan hrelo!" Jungkook chuan a dinhmun en chuan han zawh leh zel chi ni in a hrelo.
"I hun hlu tak avang in ka lawm e! In chhungkua a thil thleng avang hian ka tawrh pui tak zet che u!" Mr.jang chuan jungkook bulah chuan duhsak na a hlan let a. An chung a thil ti tu an chhui chhuah vat theih nan duhsak a hlan mawlh2 bawk a.
"Ka hriatthiam theih loh chu tinge amah chauh kha a bo kher? A bulah a thiannu washroom bulah khan a awm ve reng awmsia. An hruai chhuak lai emaw ni tak a hmu ngei awm sia!" Hoseok chuan a ti deuh nuah2 a.
"A thiannu chu kan biak vat a ngai dawn anih chu!" Office lam an pan a. Khua a thim tawh.
Jungkook chu chau em2 in a apartment lam a pan a. Jimin chhuak tur nen an in tawk leh chiah. Mahse zandang ang a a uniform hak ang kha a ha tawh lo.
Jimin nen chuan an in hmachhawn deuh ran a. Jungkook chuan engvang a Jimin chu ngaihtuah em em a in hrelo.
Jungkook chu tawng mai tum in a han ang deuh zuau a.
"Ka hman e!" Jimin te apartment atang chuan a hma a hmeichhe hmuh tho kha hlim em em in a rawn chhuak a. Jungkook a hmuh chuan Haerin chuan chibai a buk a.
"Jiminie oppa hian nimin lamah i rawn in sawn lut tih min hrilh a. Thenawm ka nih dawn takah chuan ka hming Chu Park Haerin ania.!" Jimin ai chuan a nelawm zawk tih jungkook chuan a hrethiam nghal.
"Jungkook. Jeon jungkook" a ti dam thlap a.
"Hei hi Park jimin. Ka unaupa. In kawm zel chak awm viau mahse jiminie oppa nen hian night date nei tur in kan chhuak dawn a. Kan kal phawt ange!" Jungkook chuan Jimin chu a en a. Alo nui deuh sang a. A nau lo lan hma kha chuan a hmelma lian ber ang khan a en a.
"Awle. Nuam deuh in. Bye u!"
"Bye bye Jungkook oppa!"
"Hmelhriat loh be chiam zel suh!" Jimin chuan a ti ri a hre pha a. Jungkook chuan a lu chu a thing deuh nak2 a.
*******
Vhope hi couple tur😁lilbro hian in hmeh a ti tlat pek a. Ka story ah tel ve tur in min ti nasa a😆
Borahae 💜
Peaches 🍑
YOU ARE READING
Minnie-jagi {Jikook}☑️
FanfictionStripper Au~ "Kan khawvel a in ang lo tih i hria em?" P.Jimin "Khawvel pakhat ah kan cheng dun theilo tih na ani lo" j.jungkook Enge thleng ilo chhiar zel ang u🤞🏽
