ရှီရှန်း (႐ွီ႐ွန္း) Book 2 Arc 5 to Arc 10

YOU ARE READING

Teen Fiction

This is not my own story just for offline reading and Myanmar transalation . full crd to original uploder and english transatator.

#finalbossisnojoke #shisheng

Arc 10.22

Start from the beginning

by Hanpandora

ဒါပေမယ့် သူက အဲ့ဒါကို အပြင်မှာထုတ်ပြီးမပြောနေတော့ဘဲ ရှီရင်းကို သူ့ရဲ့အကြီးအကဲ နေရာမှာပေးထိုင်လိုက်တယ်

ခဲ့အာရဲ့ တရိုတသေ အပြုအမူကြောင့် လင်းရှန်းကပိုပြီး စိတ်လှုပ်ရှားလာတယ် 'ဒီလူရဲ့သရုပ်မှန်က တကယ်ပဲ ဘာလဲ..သူက ကျောင်းမှာ မီနိုင်းနဲ့ အတော်လေး နီးကပ်တဲ့သူပဲ ဒါပေမယ့် ဟိုတစ်လောက သူ ရုတ်တရပ်ကြီး ပျောက်သွားတယ်လေ..မီနိုင်းနဲ့ သူ့ကြားမှာ ဘာဖြစ်ခဲ့မှန်း ငါမသိဘူး..အခုချိန်မှာ ငါဘယ်လိုတုန့်ပြန်သင့်လဲ..'

အစတုန်းကတော့ လင်းရှန်းက ဒီတာဝန်ကို အတော်လေး ရိုးရှင်းတယ်လို့ ထင်ခဲ့ပေမယ့် သူအိမ်ပေါက်ကနေဝင်ဝင်ချင်း အခက်အခဲတွေ ဆက်တိုက်ရင်ဆိုင်ရတော့တာပဲ..

ရှီရင်းက သူမရဲ့ ကူကယ်ရာမဲ့ အပြုအမူကိုတစ်ချက်ကြည့်ပြီး ခပ်မဲ့မဲ့ပြုံးလိုက်တယ် "မီနိုင်း..မင်း ကိုယ့်ကို မမှတ်မိတော့တာများလား.."

လင်းရှန်းရဲ့ နောက်ကျောတစ်ခုလုံးက ချွေးအေးတွေနဲ့ စိုရွှဲနေတယ် 'သူ့အပြုံးကြီးက ကြောက်စရာကောင်းတယ်လို့ ငါဘာလို့ ခံစားနေရပါလိမ့်..အဲ့ဒီအကြည့်.. ငါ့ကိုထွင်းဖောက်ပြီး မြင်နေရသလိုမျိုးကြီး..မီနိုင်း သူ့ကို အပြစ်ပြုမိထားလို့များလား..'

ခဲ့အာက အခြေအနေကို ဘာဝင်ပြောရမှန်းမသိဘူးဖြစ်နေတယ် "အရှင်ရှီရင်း..အရှင် ကျွန်တော့်သမီးကိုသိတာလား.."

'ဟိုကောင်မစုတ်လေးက ငါ့ကို ဘာမှလည်းပြောမထားပါလား..'

"အိုး...သေသေချာချာကြီးကိုသိတာပေါ့.." ရှီရင်းက ခနဲ့တဲ့ တစ်ချက်ရီလိုက်ပြီး လင်းရှန်းကို အကြည့်တစ်ချက်ပေးလိုက်တယ် "ဒီကိုလာ.."

လင်းရှန်းက ခဲ့အာကို လှမ်းကြည့်လိုက်တယ်

ခဲ့အာကတော့ သူ့သမီးအစစ်မဟုတ်တဲ့အတွက် တုတ်တုတ်မှတောင် မလှုပ်လေဘူး သူ့အတွေးတွေအကုန်လုံးကို 'ကောင်မစုတ်လေးမီနိုင်းက အရှင်ရှီရင်းနဲ့ ဘယ်လိုသိနေတာလဲ'ဆိုတဲ့အကြောင်းအရာ အပေါ်လုံးဝ စုပုံထားတယ်

လင်းရှန်းက အံကြိတ်ပြီး ရှီရင်းဆီကို သွားလိုက်ရတယ် လင်းရှန်းက သူ့ဘေးကနေရာမှာဝင်ထိုင်ဖို့ပြင်လိုက်တာနဲ့ ရှီရင်းရဲ့ အကြည့်တွေက မှောင်မိုက်သွားပြီး လေသံမာမာနဲ့ အမိန့်ပေးလိုက်တယ်