رواية( ملح بطعم السكر ) للكاتبة / سلمي سمير

🌹الفصل العاشر🌹

تندفع ورد قائلة بتسرع"
يعني مش هطلقنا ، وهفضل مراتك 

ضحك رياض بمرح ونظر الي اخيه المتعجب من امر ورد لا يعلم هل هي تهاب رياض او تعشقه،هل تريد العيش معه ام الهروب منه ليقول لها رد علي سؤالها دون الرجوع لاخية"
لو رياض طلقك هتبقي عيبه في حقك وحق عمه، انت امانة وعرضك وشرفك هو ذاته واللي يعيب فيكي ، يبقي غلط في حقه ، انسي انك تطلقي يا ورد حتي لو كارهه او فيها موتك

تنفست ورد الصعداء وطالعتهم بابتسامة وقعت في قلب جاد وهزت كيانه وقالت بثقة"
اسفة يا رياض مش عايزة انزل مصر واسيب الصعيد،انا بعد امتحاناتي سعيت لنقلي في جامعة بالصعيد،لو بجد يهمك احقق حلمي ، اتصرف انت الكبير مش هتغلب

امتعض رياض من اخذها قرار  حيوي يخص حياته معه بدون الرجوع له يظهر علي ملامحه الضيق ويقول"
المطلوب مني اسيب اشغالي واملاك العيلة ، واروح اوديكي الكلية لاجل علامك، ليه يا ورد اتصرفتي  من غير ما ترجعيلي 
بمصر انت خابره حياتهم ومحدش هيعلج علي مرواحك لحالك لكن اهني مينفعش واصل 
من بكرة تلغي اوراج نجلك وتنزلي مع عمتي مصر تعيشي هناك لحد ما تخلصي ،ولجل اطمن عليكي ، اماي هتجي تعيش معاكم  كده تمام 

تتوتر ورد شاعرة بالخنقة كيف تبعد.عن رياض مصدر الامان
نبراسها في طريقة الطويل ودليلها الذي تسترشد به 
، هل تستحق شهادتها وامنية ابيها ان تضحي بما تشعر به نحوه ومستقبلها الذي تريد ان تحياه معه؟؟؟
هل تتخلي عن امالها في ان تكون زوجته ؟؟؟   
هل تعود الي مصر وتبعد عن حياتها التي احبتها من اجله؟؟
يصرخ قلبها رافضا ، ويصمت علقها المشتت من البعد عنه
لتنهار جالسة علي احد الارئك وتنهار عبراتها بلا توقف وتقول بصوت باكي حزين"
انت بتخيرني بين خيارين كل واحد اصعب من التاني، حياتي معاكي وحلمي وحلم بابا اللي عايشة علشان احققه
مستقبلي في اني اكمل مسيرتي وياكم، او اني اسير في المستقبل اللي رسمه ليا بابا واصبح طموحي
حرام عليك يارياض انا  محتجالك اكتر من الاول ليه مصر تتخلي عني وتحطني في مواجهه صعبه مع عقلي وقلبي

جلس رياض بجوارها ومسد علي طرحتها بحنان وجذبها لتريح راسها علي صدره "
غصب عني يا ورد ، لو ينفع مرة ولا مرتين بالسبوع انا موافج

ترتسم الابتسامة علي محياة بسخرية"
ياريت ينفع علي الاقل ٥ ايام بالاسبوع عدم حضوري لشهر كامل من  الترم الاول ضيع نسبتي في الغياب  
يزيد انتحابها ويحتار رياض في امرها لحسمها قائلا"
يبجي مفيش حل غير انك تنزلي مصر وتكملي علامك، وعاود في الاجازة ، انا مجدرش اتحمل خسارتك لحلمك