#سلالة العنفوان...ذنب عينيك

الذنب الخامس ج 2

الذنب الخامس ج 2
رواية...ذنب عينيك...سلالة العنفوان
بقلمي...نور سمو العراق

💔💔💔💔💔💔💔💔

قولي برب الكَون من قد أوجَعك
بثي إليّ همومكِ فانا مَعك
و إذا ذرفتي دمعة سأضمّها
لا تحزني فالقلب جاءَ ليسمعك.

..............،...................

تحت تأثير حلم مرعب بزون اسود طفلي علاوي الشامخ العمه اولاد العم ولحلم كان باشراف العم فياض

صرت اباوع المسرح الأقدار اشوف روحي مربوطه بسلاسل من حديد

وابتسامات غدر واشباح تحوم عليه...

روحي ذابت كد ما تكرر المشهد عليه وتعالت الضحكات اكثر...

جان عقلي طاير ما اريد افكر بأي شئ...

همست من بين اسناني...روحي تريد انتقم منكم متشوقه اذبحكم. اخلص منكك مراح يمنعني عن انتقامي منكم بس الموت والقبر

فتحت عيوني واهدابي مبلله بالدموع رفعت عيوني لفوك مسحت بقايا دموعي ..

من كل الموجودين بالحلم محد اثار قلقي وخوفي وانهياري غير عمي فياض...

وجوده بالحلم سبب عندي حالة من الهلع والرعب وهو الي جان واكف بالنص وباعدني عن ذياب

درت وجهي بالمكان شفت ذياب كاعد علئ الكرسي ومرجع راسه ليوره ونايم ..

همست بصوت خافت...ذيبي ذياب ابو علي

باوعلي وكف اجه تقرب مني ولزم ايدي كال...هاا حبيبتي شلون صرتي اجيبلج شئ تردين شئ

حطيت ايدي علئ فراش السرير همست بحنان..تعال نام هنا انكسر ضهرك وانت نايم علئ الكرسي

ابتسم وكرص خدي...اريد راحتج انه اخاف انام حدرج وااذيج...

ابتسمت...لا متاذيني اصلا انت راحتي ..

تنهد وباس ايدي كال...شلون صرتي عليش،تخوفيني عليج ؟

حطيت ايدي على عمليتي...شويه احسن بس ذياب صدك عود اني عندي سكر وضغط وعجز بالقلب

رد عليه...لا تخافين ماكو شئ ان شاء اللة حتئ لو سكر وضغط هاي من الهبطه لان انهبطتي وخفتي ان شاء اللة مو مزمن ...

همست...الحمد لله زين علاوي شلونه

ضحك...زين وكح مبين يتحرك چثير

ضحكت...هههه هو ببطني وجان شابعني رفسات ودفرات ..

كال...اي مبين وكح خلي احسن هيج حتئ من يكبر يكون سند لامو

لزمت ايده حيل وعصرتها...ما اريد سند غيرك من بعد ربي يا ذياب انت سندي وانت كل اهلي وناسي