#سلالة العنفوان...ذنب عينيك

البارت 45

البارت 45
رواية..ذنب عينيك...سلالة العنفوان
بقلمي ...نور سمو العراق

💔💔💔💔💔💔💔💔💔💔💔💔💔💔

چانت اكبر امنياتي
لمن ازعل..
تعتنيلي بأسف وردلي ودخيلك..

وانت تدري ..
تدري بأول چلمة اردلك!
لااا ...گبل ما تحچي بس انوي بدليلك..

(چنت اقدسك)
حتى من تجرحني ارد ليك اشتكيلك ..

......................

وئام....

خفت چثير من شفت سيف دخل عليه اني،ما اخاف منو او اهابو بس انه الي خوفني اكثر هو عمر اخاف عمر يجي،ويسويلي،مصيبه اعرفو شكاك وما يقبل

واني يا دوب كدرت اخذ منو استجابه واهاجس صار زين مو مال يجي،يخرب علينه سيف اني،بعد تزوجت عليش،اجه ؟

من حجه هاجست نيتو ما تبشر بالخير الله يستر حاولت اثبت موقفي ونفسي،كتلو بقلق مصحوب بقوه ...سيف اعتقد هل بيت الو حرمتو وانت عيب عليك تدخل بيت محد موجود بس واهلو مو هينا

سحب الكرسي وكعد عليه كال بغرور ...ول شدعوه عليج هيج تستقبلين ابن عمج وعم ابنج لا مع كل الاسف عليج ما جنت رايدها منج

تنهدت بخوف وسحب نفس...يله اهلا وسهلا بيك وهساع كول شعندك جاي هينا احجي بسرعه اني ما اكدر اضل وياك اكثر من هيج واني لوحدي بالبيت

ضحك وطلع باكيت الجكاير يدخن كال...ههههههههههه شبيج مرعوبه وترجفين اول مره تشوفيني ترا مو غريب اني لو انتي خايفه من عمر لا يذبحج مثل سهام

بلعت ريكي برعب...انت شتحجي لا ما اخاف منو عمر زوجي ويحبني ومستحيل يسوي هيج وبعدين شنو ذبح مرتو انت اشنو تحجي

كمل بضحكه مستفزة...ليش الاخ ما كالج ان هو مريض نفسي،وشكاك وچتل مرتو ولحد هساع هو يركض علئ زوج عليا يريد يچتلو...

مسحت وجهي بتوتر اهاجس العرك غسل وجهي غسل وارجف...حتئ اذا كال هذا الشئ مو شغلك واعتقد احنه عائلة والبيوت اسرار اذا جان كايلي او لا مو من حقك تتدخل تمام ؟

وكف وكصب دكمة من دكم قميصه كال...اها كلتيلي عايلة بيت مو ؟ تمام المهم يا ام محمد تتهنين برجلج المجرم بس اني بصراحه ما اكدر اخلي،محمد هينا اكثر من هيج عجل غير ابن اخوي،واخاف علية لا رجلج المريض يچتلو

صكيت علئ اسناني حييل .غمضت عيوني...سيف لا تدك الناقصه وياي اني ما اتحمل تفاهتك واسلوب الفض هذا لا تكعد تحجي وتهدد وتلغي چثير محمد اذا مديت ايدك عليه ما تلوم اله نفسك

واذا عندك شئ وحاب تفرض عضلاتك فلا تفرضهن عليه شكوئ،مني وحده اخليك تنام بالسجن هاي اولا لان اني ام و الية الحضانه ومحمد ابني،مو ابنك اعتقد صح يتيم بس اني،ما مقصرة وياه وحتئ عمر