#سلالة العنفوان...ذنب عينيك

مشهد مستقبلي

مشهد من مستقبل الرواية...

👇👇👇👇👇👇👇👇

طلعنه للحديقه جان الضوه خافت والاناره قليله

جنت لابسه ثوب كصير نيلي وبي ورد ابيض ناعم وشعري مفتوح ومخليه طباقه جامعه قسم منه

هو لزم ايدي واني باوعتله وابتسمت كال بهدوء...حدري تخليكي تدحكي للخيول العندي

كمزت بفرح...الله حشوف الحصن

خزرني بغضب اختفت ابتسامتي كال بقهر...شلون تكمزين عجل نسيتي ابني ببطنج

حطيت ايدي علئ بطني ببراءة...يا عزا والله نسيت العفو ماما مو قصدي كله بسبب ابوك وخيوله

هو ضحك كال...لا بويه جذابه لا تصدكها لهل مصكوعه

ضحكت وهو وكف مقابيل الاسطبل جان بيها تقريبا تلث خيول واحد جوزي و واحد ابيض و واحد اسود

هو حط ايده علئ الحصان الاسود ومسح عليه كال ..هذا حصان عربي اصيل

باوعتله وابتسمت...اممم بس محبيته اسود ومطنكر جنه عمي فياض ههههه

ابتسم ببتسامه جانبيه ورد عليه...لا بالعكس هذا الي جانوا يستخدمونه العرب بقديم الزمان بالمعارك الطاحنه وتعرفين ان هل خيل تتصرف بذكاء وتساعد الي يركبها علئ مراوغة العدو يعني تقاتل وياه بذكاء

رديت بدهشه...اممم حلووو عجبني

ضربه بخفه علئ ظهره ورد عليه ...عجل شلون ما يعجبج هذا الاسود

اشرت علئ الحصان الابيض بفرحه...هذا عجبني شسمه ؟

جر نفس وهو يبتسم...هاي فرس مو حصان..يعني انثئ الخيل...

جاوبته بتفكير...هااا وهي هماتين جانت تحارب بالمعارك يعني حزام بظهر زوجها...

ضحك...لا العرب مجانوا يحبون الفرس لان تخذلهم بالكر والفر لان للاسف الفرس جانت تشتهي الفحل يعني اذا شافت الخيل تخذلهم وتروح وراه هههه

تلون وجهي باحراج بس حبيت امازحه...ههههه شكد ادبسز انوب مفضوحه كلها تدري بيها تخذلهم عمود ذيج الشغله

اردفت بتفهم...بس ما بيها فايده اذا هيج ؟

رفع حواجبه وتنهد...لا بالعكس انه احب الفرس اكثر

جاوبته بتساؤل...يااا ليش؟

مسح علئ شعرها...لان اسرع من الخييل وكذلك عندها ميزه ما تصهل باليل يعني مو فضيحه وما تتوقف اثناء الجري بس عيبها خجوله تكون بالمعارك

هزيت ايدي...هستوك دكول هي منحرفه وحاطه عينها علئ الخيل بعد شلون صارت خجوله ؟

رد ببرود ...اي رومانسيه ما بيها شئ عجل قابل مثلج لا تصهلين ولا تترومسين

ضحكت...هههههههه شفت شلون وسفه والله

كرص خدي...احبج حتئ لو ما تصهلين

ابتسمت ونزلت راسي بعدها باوعتله...همم اتمنئ اركب علئ ظهر الخيل بس أخاف

حضني من وره وحرك خشمه علئ خدي كال...لو ما چنتي حامل جان ركبتج علئ ظهره

جاوبته بخوف...لا لا اخاف

باس خدي...انه اصعد وياج يول انه بظهرج لا تخافين

درت وجهي وابتسمت بحزن واني اباوع بعيونه...دامك بظهري يذيبي ما اخاف من اي شئ..

باس خدي وضمني اكثر الصدره بس جان يتنهد واني اعرف شنو القاهره لان زواجنه مستحيل يرضه بيه جده..

لزم ايدي ومشه بيه بمرح كال...حدري تا نشوف شبيهتج

تفاجئت ...شبيهتي؟

هز راسه بأي وخلينه ورحنه جان اكو مثل القفص حديد وبي غزاله بس تجنن وناعمه بهدوء وعاكفه اديها وراسها حاطته علئ اديها...

يا الله شكد بريئه وهي نايمه هل نومه باوعتلها...فدوووه عود صدك تشبهها بيه اشو هي تجنن؟

رد عليه بحب...هي مو بس تشبهج هي حتئ اسمها مثل اسمج

ابتسم...صدك شنو اسمها

لزم وجهي بكفوف اديه ورد عليه ...اسمها قربان

باوعت بعيونه واني اريد ابجي من فرحتي...ياااا منو سماها ؟

رد عليه بفخر...انه

حضنته بدون سابق انذار وبسته بصدره همست بحب...احبببك ذيب

حضني ومسح على شعري واحنه غير مدركين بالعيون الي تراقبنه..

حسيت بركضه والچلب ضل ينبح معلن عن وجود شخص همست بخوف...ذيب شكوو

باوع بإرجاء الحديقه بقلق لزمني من ايدي كال...ارجعي للبيت وانه رايح اشوف شصاير اهاجس
واحد من اهلي عرف بسرنه

لطمت خدي...عزا كتلك يا ذياب ما اجه هسه يعرفون وانوب جدك يشتكي عليك ويطلكني منك غصبا وانسجن

رد عليه بغضب. يخسا

رجعني للبيت وهو طلع واني احس روحي طلعت من جسمي خايفه عليه المواجهة صعبه وتازمت الأمور اكثر

.....

هذا مشهد حبيت انشره الكم عن مستقبل الروايه لان اليوم عندي امتحان ودوام وضربتني الشمس وهبط ضغطي ما كدرت اركز بالاحداث

بس محبيت اخليكم من دون قربى لذلك نشرت عنها مشهد بسيط
باجر ان شاء الله اعوضكم...

والله ولو اتمنئ اخلص الروايه قبل الإمتحانات بس لازم انطيها حقها واكشف كل الحقائق..

واتمنئ لو انشر كل يوم بارت بس والله وقتي ميسعفني...

كونوا انتم كونوا بخير...احبكم 💔

نور سمو العراق 😘