Telling Ghost Stories At My Ex-boyfriend's Wedding [去前男友婚礼上讲鬼故事]

11

[Unicode]

Flower Pig [ပန်းဝက်]

134.

အဘိုးအိုလီက ဒီနှစ် အသက်ကိုးဆယ်အတွင်းသို့ ရောက်ခဲ့ပြီ။

သားစဉ်မြေးဆက်များနှင့် သူ့မိန်းမ သူ့နံဘေးနား အဖော်ပြုရှိနေစဉ်အတွင်းမှာပဲ နောက်ဆုံးဝင်သက်ကို ရှုရှိုက်သွားခဲ့သည်။ သူ့ဝဉာဉ်က ခန္ဓာကိုယ်အတွင်းမှ ထွက်ခွါသွားသည်နှင့် တံခါးရှေ့တွင် လက်ဆွဲအိတ်ကို ဂျိုင်းကြား ညှပ်ထားရင်း အပြုံးပန်းဆင် မတ်တပ်ရပ်နေသည့် လူလတ်ပိုင်း ကောင်လေးတစ်ယောက်ကို တွေ့လိုက်ရသည်။ အဘိုးအိုလီ သူ့မိသားစုကို နောက်ဆုံးတစ်ကြိမ် ပြန်လှည့်ကြည့်ပြီးနောက် ထိုလူလတ်ပိုင်း အမျိုးသားနှင့်အတူ ထွက်ခွါသွားတော့သည်။

ငရဲပြည်သို့ သွားရာလမ်းက ရှည်လျားပြီး လေထန်သည်။ အဘိုးအိုလီက ကုန်းကွကွနှင့် ခြေတစ်လှမ်း လှမ်းလိုက် ဟောဟဲဖြစ်လိုက်ဖြင့် ခရုတစ်ကောင်သဖွယ် ဖြည်းဖြည်းချင်း သွားနေသည်။ လူလတ်ပိုင်း အမျိုးသားလေးက သတိပေးလိုက်သည်။

"ဦးလေး၊ ဒီဝိဉာဉ်က သက်ရှိခန္ဓာကိုယ်ထဲက ထွက်လာပြီးပါပြီ။ ဦးလေး ပြန်သွားချင်တဲ့ ဘယ်အသက်အရွယ်ကိုမဆို ပြန်သွားလို့ ရပါတယ်။ ဦးလေး သေဆုံးခဲ့တုန်းက အရွယ်အတိုင်း ဆက်နေစရာ မလိုတော့ပါဘူး။"

အဘိုးအိုလီက နားမကောင်းသလို မျက်စိလည်း မှုန်နေသူဖြစ်သည်။ သူ နားစွင့်သလို လုပ်ပြပြီး မေးလိုက်သည်။ "ကောင်ကလေး၊ ဘာတွေ ပြောနေတာလဲ။ ကျယ်ကျယ်ပြော!"

လူလတ်ပိုင်း အမျိုးသားက အသံမြှင့်ပြီး ထပ်ပြောလိုက်သည်။ "ကျွန်တော် လိုက်ပို့ပေးရတဲ့ ဝိဉာဉ်တွေထဲက အချို့ဆို သူတို့ရဲ့ ကျောင်းတုန်းက အချိန်တွေကို ပြန်သွားကြတယ်။ တစ်ယောက်ဆို အရှေ့တန်းကနေ သူ့ကို လှည့် လှည့်ကြည့်တဲ့ ဆံပင်စည်းထားတဲ့ ကောင်မလေးကို မလိုက်ခဲ့ရတာ နောင်တအရဆုံးပဲတဲ့။ အချို့ကလည်း သူတို့ လက်ထပ်ပွဲမှာ 'သဘောတူပါတယ်'လို့ ကတိသဝတ် မပြုခင် အချိန်ကို ပြန်သွားကြတယ်။ သူတို့တွေ ပြောတာတော့ တစ်ယောက်တည်း(ဆင်ဂယ်) ဘဝကို ဖြတ်သန်းရတာ အကောင်းဆုံးပဲတဲ့။ အချို့က တက္ကသိုလ် ဝင်ခွင့်လက်မှတ်မရခင်အချိန်ကို ပြန်သွားကြပြီး အချို့ကလည်း New York Stock Exchange မှာ ခေါင်းလောင်းတီးခဲ့တဲ့ အရွယ်ကို ပြန်သွားတယ် .. အတိုချုပ်ပြောရရင်၊ တော်တော်များများက သူတို့ဘဝရဲ့ အချိန်နေရာတစ်ခုဆီကို ပြန်သွားတတ်ကြတယ်။"