#ياجبل_مايهزك _ريح
#بقلم_جولي اقارصؤ
حلقة (24 )
حمزة/منور حطو بدالي اصيل يبركوله هههه
الكاسر/لا هو لعب ادور وفات اتاعب اهو ههه هي سلام
حمزة/سلامات...وصكر وحدف تلفون ع سرير هبه وزد قرب مرام منه ..تعلي جاي مستحشك تي هلبا لين دايخ هههه
مرام/فرحانه ...حبيبي الحلو ....وبسته من لحيته
حمزة/يمسد ع شعرها... تعرفي متحمل بسيف توا ههههه
مرام/ههههههه غمضة عيونها شن بندرلك
حمزة/خليك جنبي منبي شي تهوني ع الخاطر شويا ع الاقل هههه
مرام/واني ديما جنبك ياعمري
حمزة/ع طول يارب بس حبيبي بنقلك حاجة
مرام/تشبح لي عيونه.... قول حبيبي
حمزة/يلعب بي شعرها ويشبح لي عيونها.... العررس مش توا راه بعد اشهور ع الاقل
مرام/عادي حبيبي امتا متبي انت
حمزة/مدابيه توا اني ههههه بس اني منبي توا عرس مش في باله الحق ياعمري وصاحبي كيف متوفي ومهند محبوس والله منقدر قلبي مش قادر يديرها منرضهاش الحق زي روحي هدو خوتي
مرام/عارفه ياعمري وفهما عليك وصح عندك الحق مش حلوة القطه وعادي بعد وقت توا نديرو عرس المهم توا مكتوب ليا اني هههه
حمزة/تي ليك ديما اني واااه منك.... وقاعد يبوس فيه
مرام/ههه حبيبي بس كيف صار وقريت الفاتحه
حمزة/هههه توا نحكلك هدا واني .....
...............................................................
نرجعو شويا لي الفاتحه.....
في الجامع....
كلهم موجدين في الجامع ومالي العروسه مقعمزين يستنو في العريس وين طلع معاش جي واحسين يحرق اعصابه ع خاطر حمزة
احسين/مقعمز جنب مسعود ...مش عارفه وين مشي الولد اهو حشمنا مع التاس
مسعود/توا نكلم خالد يشوفا ياخالد ياخالد
خالد/كان واقف مع صغار عمه يسمع في بوه مشاله ...ها يبوي انعم
مسعود/تي وين حمزة حتا اشيخ بيروح راه عنده فاتحه تانية
خالد/اهو جاي هو وصحابه في الطريق غير زحمه
مسعود /باهي به ....وخالد مشي يا احسين
احسين/تلفة حسين ليه ....انعم يامسعود
مسعود/اهو قريب يوصل هو وصحابه
احسين/غير شن رفعه معهم توا بس
...............................................................
في السياره .......
اصيل ايسوق وجنبه الكاسر ومن الخلف حمزة في الوسط وجاسر جنبه ومن جنب تاني قيس
الكاسر/متلفة الخلف ....تي خيرك يارجل منكد هكي
حمزة/مطبس راسه ومشبك صوبعا في بعض وشبحلهم ....تصدقو مش رضي عليها الفاتحه وربي مارضي عليها
اصيل/شبحله في المرايه... بطل عادي خير ماتقراء فاتحه وتندم
الكاسر/راد بالك ديرها وتقراها وانت متبيها راه حتندم يا حمزة
قيس/حط يده ع كتف حمزة... دير الي يريحك ياصاحبي العمر مره وحده راه مضيعش حياتك
جاسر/مضيعش عمرك مديرش زيني اني ضيعة 10سنين ونادم عليهم لي توا والحمدالله انه رجعها ربي ليا
حمزة/منبيش نحشم بوي تي عيب في حق بوي وعمامي مشحطهم وجيبهم ونقلهم مصارش
الكاسر/عادي خير ماتقعد بعدين في المحكم
حمزة/قاعد يفكر... تي غير نصلو يصير خير
...............................................................
في الجامع......
واحسين خلاص بيتفجر ويشبح في حمزة خش وخشو صحابه وهداكه وين ستريح عمك احسين
خالد/واقف ع حمزة.... تي وينك من بكري بوك متعصب ويسال اعليك ونسبتكم بكل ياراجل
حمزة/نسبات منو
خالد/تي شنو نسبات من تي امالي مراتك
حمزة/خبط ضهر خالد.... انت الي نسبوك ياولد عمي ...وغمزاله وخش
خالد/مستغرب... خيره اهو شارب ولا شنو... وخش وراء
حمزة/خش واقف في نص صالة الجامع ....سمحوني ع تخير بس في هتخيرة فكرة كويس اني راه حسيت روحي ماني قد مسوالية ازواج ومنبي نضلم بنتكم من الاول نقله ليكم وسمحوني ودنيا نصيب
ناضو راجاله مالي العروسه طلعو كلهم
واحسين/تقول من صب عليه اميه سخونا... يامسعود هدا حلم ولا علم
مسعود/والله نصيب يا احسين ولدك قلها من الاول خير مايتزوج ويطلقه
حمزة/جي قدام بوه وقعمز.... يابوي سامحني اني والله لما نقراء فاتحه اليوم لكن بنقراها ع بنت عمي مرام ...وشبح لي عمه مسعود.... ياعمي راني طالب يد بنتك ع سنة الله ورسواله وان شاءالله متردني واني راني نبيها من قبل وجيت بنطلبه طلبوها قبلي
احسين/رد فيه اروح ولده وحط يده ع ضهر خوه ...والله مانلقاء احسن اوخيي وبنت اوخيي ولكن اري رايك وشور شورك
مسعود/نحط في مواقف قدام الناس وخوه وحمزة كويس حط يده ع كتف حمزة ...واني اعطيتك ياولد خوي وربك يكتبلك فيها الخير
حمزة/فرح قريب طار وبدي يسلم ع عمه وباس راس بوه وقعمز جنب بوه
وصحابه مصدومين وفرحنين وخالد هدا وين زبط انه يحب مرام من قبل
مسعود/يا خالد جيب كتيب العيله من السياره
خالد/هيا هي .... وطلع يجري يجيب في الكتيب
وقرو الفاتحه وحمزة مبتسم طول الفاتحه وصحابه يضحكو عليه
كملة مراسم الفاتحه وسلم عليهم باركوله وجي طالع من الجامع
الكاسر/شده... تي وين وين هارب ههه
حمزة/هههه بنمشي لي مرام خلي نجلطه وتوا نتلقوا بعدين غطو عليا
الكاسر/وشعب هدا الي معزوم لي من بيبركو
حمزة/فتح بابا السياره...تي حطو اصيل بدالي حشيشتا جو العريس هههه ....وركب سياره ومشي
اما ادخل كلهم يدورو في العريس واصيل يسلم عليهم وعايش ادور وهما يضحكو عليه
خالد/اوقف ع اصيل... الف مبروك ياعريسنه هههه ان شاءالله بي ادرية الصالحة
اصيل/ههههه يبارك فيك والف ليك هههه... ويسلم عليه
مسعود /يسلم ع اصيل بيديه ازوز ...تي بنباركولك توا وبعدين مش هلبا عليك ياولدي ههههه
اصيل/تي عادي ياعمي بلك ميلحقوش بعدين يباركولي من زحمه خلي يباركو توا ههههه
مسعود/ههههههه ان شاءالله ربي يتمملك ع خير حتا انت
اصيل/ان شاءالله يارب
وباركو وروحو
...............................................................
في حوش احسين .....
المسوين معبين الحوش يستنو في الرجاله امتا يروحو
اوصل احسين لي الحوش وخش لي سقيفا وكان باب الصالة مرجع
احسين/يا صباح ياصباح
صباح/هيا هي جايه ...وناضة و مشتله طلعة لي سقيفا..... انعم شن صار معكم
احسين/قرينا الفاتحه
صباح/رورورووري مبارك ع ولدي ربي يتمملا ع خير وينا هو
وبدو المسوين يزغريط الدخل
احسين/حتا اني نبي نعرف وين انتلف متع العميل اسوده اهو ههه
صباح/علاش شن دار
احسين/تي مصرش من الي خطبتيه قرينا الفاتحه ع مرام بنت خوي
صباح/شنووو علاش
احسين/والله ولدك هكي يبي قال نبي مرام وطلع ميت فيها واني تبي الحق فرحت خويا خير من الغريب
صباح/ههه والله حتا اني مرام عاجبتني من قبل وسبحان الله نصيب جي فيها
احسين/اي كل شي نصيب هي متبي شي اني طالع
صباح/لا سلامتك
احسين/هي سلام وطلع لي الرجاله برا
صباح/خشت دنيا قلبته بي زغريط وقفة في نص الصالة وقعدو يباركولها ...حتا غاليه باركولها
غاليه/ههه علاش يحنه خالد مخطبتش ليه قاعده ههه
صباح/ههه لا مش ع خالد راه حمزة قري الفاتحه ع مرام يا غالية
هند/كانت واقفا في باب المطبخ مصدومه
غالية/شنو تقولي ياصباح شن ع مرام
صباح/والله هدا الي صار كنتي مرام اني نصيب ياغالية
غالية/فرحة هههه والله الا نصيب الف مبروك لي ولدك وبنيتي... وبدو يباركو لي بعض
هند/قاعده مصدومه
اسوة/حي عليا هههههه ...بدت تزغرط
ريما/تنقز وتعيط.... هههههه مروما لما تهبل اليوم
رانيا/حطا يدها ع وجها.... ههههههه حي... ومش حضنة ريما ويضحكو وفرحنين
هند/تلفتت لي البنات ...شن شن شن قري عليها الفاتحه حقا
رانيا/شبحتله... لا يبصرو عليك
هند/من صدمه دخت طحت
رانيا/هههههههههه ماتت
ريما/حطت يدها ع وجها... حي هههههه
اسوة/نهار احرف نجلطت هههه
وجو المسوين يقيمو فيها طلعوها يصبو عليها في الميه وهيا سيخه
ريما/توا تشفو كان مطلعتش هيا وراء قصة مرام
اسوة/عارفته اني هيا بس ضروري منلقو الولد قبل
نبيله/خشت تجري من باب الحوش بي جلبيتها لي المطبخ ...جديات مرام خدها حمزة ههههه
اسوة/اي ههه
نبيله/اشي الحيوان هدا والحقير حظها وداره في الاخير... هوخبطت ع فخطها ..ههههه
اسوة/هههه غير سلمي انتي قبل بعدين سبي حتا اسبان ههههه
نبيله/من فرحتي نسيت هههه ....وبدت تسلم عليهم
ريما/تسلم ع نبيله... هههه غير يروح بس نهاره احرف اليوم مني هههه
...............................................................
في حوش الحجاري .....
حمزة في سقيفا واقف ع مرام بيطلع
حمزة/حط يديه ع خدودها ....خلاص حبيبي توا بنمشي لي الشباب وبعدين نهدرزو باهي
مرام/لفا يديها وراء ضهراء حضناته وتشبحله... به حبيبي وراد بالك ع روحك
حمزة/حتا انتي ياعمري باهي... وبسه مع راسها
خشت اسوة تزغرط ودنيا قلبته ...
اسوة/ياقليل الادب شن تبوس فيها ياسخيف ههه
حمزة/حضن مرام ويشبح لي اسوة... هههه تي مراتي بري مالحي
اسوة/ا تل في مرام من يدها ...تي ياهبله متسمحيشي طول ديرله شوية دارما مسيبك وتوا كيف تفكر يامهبوله
حمزة/يشبح لي اسوة... اشي تزيد تطرب في اليباري هههه... خبطها ع كتفه... تي بري خشي خير منقتلك
مرام/هههههه
اسوة/ضرابتا ع ضهراء... كسرة في يدك هههه... وخشت تجري
مرام/بعيد سو ع حمزوي ايوه كله لا حمزوي تدعيش عليه احسلك
حمزة/يشبح لي مرام ...سلمها الي ادفع عليا يارب ههههه
اسوة/تسلب في وشحها..... ياكلبه توا حمزوي وبعتني توا ينفعك اجلف هدا
حمزة/قام كندرته لوحه ع اسوة... جلف صار ياسوده ههه
مرام/ههه تعدلش علها
حمزة/رن تلفون ... اهو بدو في زنان... طلع تلفون ورد ...ايوه جاي وحق ربي طالع من الحوش باهي
اصيل/يا..........مخلي جد اصلي نسلم ع طرابلس كله وانت مدلي وجهك مع ست الهانم جدري يمحمطك يافسد
حمزة/ههههههه باهي اهو جايك
اصيل/بنعد لي 10منلقكش مزروع قدام وجهي لما نخليك توقف في نص طريق تسلم ع السيارات مشيين والي جيين توا نوريك ياكلب
حمزة/تي باهي قطعتني زيد غادي... وصكر عليه... هيا حبيبي ...سلم علها بوستين ..الشباب ولعين ...ويلبس في فردة كندرته
مرام/مشت تجري خشت جبتله الكندره من فسط الحوش ...هاك ههه
حمزة/لبس الفرده تانية وسوا فرمله متع ...متبي شي حبيبي ...يشبح لي مرام
مرام/شداته مع فرمله متعه وتشبح لي عيونه... سلامتك بس ياعمرري
حمزة/حط يديه وراء راسها وبسه من فمها... سلام مراتي... وغمزاله وفتح الباب
مرام/سلام راجلي ههه
حمزة/طلع ركب في سيارة ...صكري وخشي بسرعه
مرام/حاضر ...وصكرة الحوش وخشت
وحمزة مشي
مرام/خشت لي دارهم جري وتنقز وتعيط.... هههههههه راجلي واله وووووه .....وترقص يمين ويسار ومشت تجري لي اسوة حضنته
اسوة/غير خيرك راجل شنو
مرام/ههههه تي حمزة راجلي
اسوة/تي شنو هبلتي انتي مرام خيره عقلك بيطير انتي راجل شنو خلاص الولد سيبك انسيه فوتيه توا يجيك راجل خير منه... وقعمزة ع حشيت سريرها
مرام/هههههه خيرك انتي تتسهوكي واني فرحانه
هبخ/تتفرج ع اسوة وخلاص
اسوة/شن نتسهوك نكلم فيك جديات
خشت غاليه وزغريط تخبط فتتها مرام وطلعة تجري هيا هبه مرام حضنة امها وغاليه فرحان ودنيا قلبته
اسوة/طلعة من دارة تضحك هههه رتي منا هلحمزوي هدا وله
مرام/شبحت لي اسوة ...مش كنتي قبل شويا تقليلي فوتيه ويجيك خير منه
اسوة/اشرة ع روحها...اني امتا ههه
مرام/توا... شبحت لي هبه... تي مش كانت تقول توا هبه
هبه/هزة بي راسها
اسوة/والله العضيم مقلته الله الكلام هدا
مرام/شهقت ...هيي
هبه/حطت يديها ع خدودها
غاليه/تي خيركم
رنده/طقطق ع الباب قريب اتقلعه تعيط من الشارع ....اافتحولي افتحولي ياعيله
غاليه/تي اجري افتحيله بتقلع الباب
اسوة/طلعة تجري فتحت الباب
رنده/دفت الباب ع رجل اسوة وخشت
اسوة/تي خيرك قريب قلعتي الباب
رنده/سامحني اوخيتي طربتك ع رجلك
اسوة/ههه لالا طربتنيش غير معاش طقي هكي يامصيبه
رنده/خشت تجري تلة مرام من يدها وبدت تخبط فيه وتقرص فيها... ياكلب متقلييش ياحيوانه
مرام/والله مندري زيكم الله ههههه
غاليه/تحز ع مرام ....ههه تي اختك بتقتلها صار فجاة هو
اسوة/خشت قعمزةع سريرها... هههه دار دار وخدي مرومه
غاليه/مقعمزة ع كرسي مقبل اسوة شبحت رجلها... هيي خيرها رجلك زرقه يابنتي
رنده/شبحت رجل اسوة حطت يدها ع خدها..... حي عليا والله مقصدي يااسوة انهار احرف
اسوة/شبحت رجلها... خيرها منين هدا العفوا
رنده/هدي لما خشيت ضربتك بي الباب سامحني يا اوخيتي
اسوة/امتا ضربتني
رنده/بكري لما خشيت خيرك
اسوة/مضربتنيش محسيتش انه نضربة
غاليه/كيف ماحسيتشي نهاري ورجلك حاله هكي كلمي راجلك يجي يرفعك
اسوة كلمة الكاسر وجي رفعه لي كرم
...............................................................
في المستشفه .......
اسوة مقعمزة ع سرير كرم يلفلها في رجله وكاسر واقف جنبه
كرم/كيف محسيتيش بي ضربه
اسوة/لا محسيتش بيها الحق
كرم/غريبه
الكاسر/كيف اسوة وضربه مش بسيطه لي متورما رجلك
اسوة/مش عارفه
كرم/عادي مرة تصير هكي المهم وحده وحده عليك ونعطيك مرهم ادهني بيه وان شاءالله لاباس عليك
كتبله اوصفا وعطها لي كاسر
الكاسر/خدي منا الورقة... مشكور هيا هي ..وقمه في غمره
اسوة/الكاسر عيب نزالني نمشي عليها
كرم/ههه شد الطريق هي.... ورجع قعمز ع مكتبه
الكاسر/نخليش ملكه تمشي وهيا رجلها توجع فيه حر فيك اني ..وطلعه في غمره حطا في السياره ومشي رحو لي حوشهم
...............................................................
عند هند ...
في دارها تبكي تبكي قريب تهبل مش مصدقه انه حمزة قري الفاتحه ع مرام
...............................................................
في حوش احسين ......
بعد ماضمو الحوسة ركبو البنات لي دارهم جو 12في لليل
رانيا/تكت في سريرها ااه نحس في عطامي يتستفو جنب بعض وااك عليا
ريما/فافاتحه الدولاب طلع في حويجه.... تي هدي فاتحه ومش كبيرة وهكي كان عرس كيف تي وين اشحن تلفوني بيفصل
رانيا/خده صهيب نسا في سيارة صاحبه بري اشحني بي شحن حمزة في داره
ريما/به... وخدت حويجه وتلفونها وخشت لي دار حمزة بتخد اشحن ...تي علاش نخد فيه نحطا اهني وخلاص شن بيروح بيه توا... ورشقة تلفونها وخشت لي دوش
حمزة/روح وخش لي دار متع بيحط تلفونه في اشحن لقي تلفون ريما مش مشحون فاتا سلب ازبون ولبس شورط وخدي منشف وطلع من دار ماشي لي الحمام يسمع في صوت حد يدوش وال لي دار وقعمز ع سرير جنب الكمدينو وكيف بيقيم تلفون متعه من الكمدينو رن تلفون ريما جت عينا عليه اشبح الاسم مكتوب يسرا ورقم الاخير رقم تلفونه ادكر كانه رقم مار عليه شد تلفون ريما ركز في رقم رقم قيس وكذب روحه فتح الخط حط تلفون ع ودنه
قيس/الو حبيبتي
حمزة/سمع صوت قيس نجلط... انعم يا حبيبي
قيس/قلبه وقف... تعاله نتفهمو قبل بالله عليك متمد يدك علها وغلومة المرحوم امجد
حمزة/جايك هي
قيس/نستنا فيك في الاسترحة
ريما/واقفا في فم باب دار وتشبحله كيف شاظ تلفون وقلبه اوقف
حمزة/يشبح لي ريما ويتكلم ...تمام ....وصكر الخط واوقف حدف تلفون ع الحط
ريما/هربت لي دارهم وصكرة الباب
حمزة/قام تلفون ومفتيح سيارته وتل تشرت من الدولاب وطلع نزال يجري ولبس تشرة في الدروج لبس شبشب ولع لي السيارة وطلع يجري
ريما/ وتندب ..حي عليا حي حي عليا حي وتخبط ع وجها
رانيا/ناضة قعمزة... خيرك خيرك
ريما/ياحليلي خوك عرف نكلم في قيس ...وتخبط ع وجها
رانيا/واقفة... تصبري انتي حي ع جدك حي وشاد تلفون ترعش.... خلي نسمع بسرعه بسرعه هو ين يمدعيا
ريما/طلع غير اعطني تلفونك بسرعه
رانيا/شن بديري
ريما/بنكلم قيس بسرعه
رانيا/هكي ها
ريما/خدت تلفون وترعش مع بعضها تصالة بي قيس رد طول هو... قيس
قيس/ريما مدرلك شي
ريما/لالا حدف تلفون ع الحيط بس ياحليلي ياقيس شن بيصير فينا ...وتبكي
قيس/مش حيصير شي متخفيش توا نحلها اني ويه خلاص
ريما/به امسح الرقم بعد منصكر ومتتصالش بي رقم هدا نهائي
قيس/حاضر ردي بالك ع روحك ومتخفيش والله مانسيبك ولا حيمد يده عليك مدمني حي باهي حبيبي
ريما/تبكي ....به ربي يحميك
قيس/ويحميك خليه في بالك نحبك
ريما/تبكي... وحتا اني نحبك ...وصكرة وتبكي وترعش مع بعضها ...ياحليلي هييي
رانيا/قولي ياحلينا هيييي بيخد تلفون حتا مني اني ياهمي الاسود منك
ريما/اسكتي متزيدينيش
...............................................................
في حوش الكاسر.....
اسوة مقعمزة ع الصالون في صالة وتتفرج ع تلفزيون وحط رجرجلها ع الطاولة وتكل في اسبول والكاسر طلع من دار نوم واقف في الصالة
الكاسر/حبيبي وين الزرف الي عطيتهولك يومين الي فاتو دسهولي
اسوة/تتفرج... زرف شنو
الكاسر/زرف الي قلتلك اورقي المعرض
اسوة/شبحتله... اني عطني زرف امتا
الكاسر/عطتهلك زرف ابيض كبير وخديتي دسيتي انتي
اسوة/اني والله ماعطتني حاحة ندسهلك
الكاسر/حط صبع ع فمه... اس اس معاش تحلفي عطتهلك يابنتي بي الامرة في الحمام وانتي تجفيفي في شفشيفك
اسوة/امتا والله مصارة الله
الكاسر/شد راسه... تي حي ع الي تحلف حي ههه بتهبلني انتي تي عطتهلك وسالتني شن بتخد هدية لي حمزة وتنقشنا وبعدها ها ها احم احم شنو وين زرف فكني من زهيمر متعاك الايام هدي
اسوو/والله العظيم ماندكر انه خديت زرف منك ودسيتا غير راجع روحك انت اكيد دسيتا وبدفه في راسي اني توا
الكاسر/يشبحلها... لا اله لا الله تمام بنفوتا اني توا غدوا اخلقهلي مدخنيش فيك شنو الحمل بدي ياتر عليك ولا شنو
اسوة/هههه غير نحمل الاول بيش يا اتر عليا ...وتكل في السبول
الكاسر/شد راسه... حي عليا استغفر الله ياربي ... وخش لي دار
اسوة/يريح ورقيه ويحشيها في راسي اني تي برا فوتني ...وعلة في الصوت
الكاسر/يعيط من دار ...تي نقصي ياطرشة
اسوة/تعيط من الصالة.... منسمعش
الكاسر/طلع من ادر جه تل منه اريموت وقمز جنبه ...طبعن مش حتسمعي راسك ودر خلاص بعد مقلتلي خلي نحمل قبل... وشبحلها
اسوة/اني حمل حبيبي خيرك هههه
الكاسر/بالله الف مبروك هههه
اسوة/ههههه مهبول... وتكل في السبول
الكاسر/حط يده وراها وحضنها ويكل معها في السبول
اسوة/تتفرج وتفكرة بكري شن كانت تقول لي مرام وقلة في خاطرها... حي شنو قلة مقلتش ليه واني قلة قاعدة سرحانه
الكاسر/حبيبي... يشبحلهاظ.. حبيبي هي يحرك في يده قدامها
اسوة/فقة... انعم حبيبي
الكاسر/خيرك حبيبي سرحتي وين
اسوة/سرحت مع الفيلم شويا هههه
الكاسر/اها ...وبسه ع راسها ورجع يتفرج
اسوة/تتفرج وفي خاطرها لالا لازم نمشي نعين غدوا نشوف خيره الحمل ماتر عليا هكي وقعدة تتفرج
...............................................................
عند قيس.....
قيس في الطريق ماشي الاسترحة تصال بي اصيل
قيس/ايوه اصيل
اصيل/مش عارفه علاش في وقت اجو الحلو يتصال واحد منكم هكي يخرب في امه شن تبي كنت جنبك
قيس/غير صكر فمك شويا اني ماشي الاسترحة الحقني حمزة عرف بي اخته وجيني توا
اصيل/تمام جاي هي... وصكر
وقيس/لف وخش من بوابة الاسترحة نزال مقعمز قدام الباب الدخل
...............................................................
في الاسترحة.....
حمزة اوصل خش نزال من سياره وخلها ولعة
قيس/كان واقف يستنا فيه برا... حمزة
حمزة/ضربا بونيه
قيس/لين تلفة وجها ع جنب شبحله... حمزة
حمزة/قعد يضرب فيه بنيات وطح فيه خبط... تستغفل فيا يا حيوان انت ويها تستغفل في صاحبك ياكلب يابهيم... ويضرب فيه بنيات ع تروات
قيس/سكة مدرش اي ردة فعل نهائي وهدي
حمزة/يضرب فيه... تكلم ياكلب طبعن مش حتتكلم ...ويضرب... مه مش قادر شي تقوله ياكلب اوثق فيك صاحبي تخوني.. ويضرب فيه ضرب ضرب لين دهش
قيس/فما دم وخشما ويده زرقا وعينا زرقه ....والله العظيم ياحمزة عارف روحي غلاط الله عارف غلاط بس يشهد عليا ربي انه مدرت معها شي غلاط وربي شاهد انه كلمته بس ونبيه نبيه بي الحلال والله نبيها الله العظيم وبنجي نخطبه
حمزة/يخبط فيه... تقلي فيه في عيني نبيه تي كان تبيه راك جيها مع الباب ياكلب.... ويخبط فيه
قيس/ورحمة امجد اله بنجي نخطبها نحبسنا وانت عارف معاش قدرة كيف نخطب بعدها طلعنا وشفة شن صار والله نحبه ونبيه بي الحلال والله مانستغفل فيك والله اختك في عيوني ومانضرها لو كان نموت لو تبي تقتلني اتقتلني لكن بالله عليك متمد يدك علها ورحمة امجد ماتضربه وربي العظيم مصار بينا شي غير مكلمة عاديه في تلفون كلمته نبي نعرف انه موافقه عليا او لا باش لما نجي نخطب منحطهاش في موقف وانت فهم عليا
حمزة/معصب قيس يحكي وهو يخبط فيه ضربه ضربه ضربه لين فشل خلاص وقعدو يتنقشو يتنشقو لين حمزة هدي وفهم قيس وحمزة عارف صاحبه كويس لكن وجعتا كيف يكلم في اختا من وره وفتح باب سياره... اركب في سيارتك وتعاله وراي خلي نمشو المستشفه بعدين روح
قيس/به... ومشي جهة سيارته
حمزة/يشبح لي قيس.... واختي انسها وانسا انك صاحبي نهائي
قيس/لما سمع الكلمه خدي السلاح من جنب كرسي السياره وسحبا وحطا ع راسها وشبح لي حمزة ...معنها الموت ارحملي ياصاحبي
حمزة/قيس 😯
قيس/يشبح لي حمزة وشبح واحد واقف في بوابة الاسترحة وشد السلاح موجه لي حمزة طلع يجري جهة حمزة
حمزة/مصدوم في قيس علااش يجري هجتا
اصيل/كيف اوصل لي الاسترحة قاعد في شارع برا يشبح في واحد واقف وموجه السلاح لي دخل الاسترحة واقف السياره بسرعه جبد السلاح من تحت الكرسي ونزال يجري لي جهة باب الاسترحة
قيس/حمززززززه ...ودف حمزة ع سيارة وجت فيه رصاصة هو طح
حمزة/شد قيس .....لااااااا قيس
الولد طلع يجري بيهرب
اصيل/اسمع ضربة قاعد يجري في جرته في الشارع ضربه في رجله طح مشاله يجري خدي منه السلاح وقاعد يخبط فيه ع وجه ويكر فيه من رقبت فنلية من تالي بدخله لي الاسترحة
حمزة/مقعمز ع الارض وقيش بين يديه ينزف مغما عليه ....قيس وراس صاحبي نوض قيس ولااااااا ياقيس لااااا ...ويبكي ويديه دميات وشاد راس قيس ويبكي معاش عارف شن يدير
اصيل/دخل الولد حدفه دخل في الاسترحه ومشي يجري لي حمزة قعمز ع ركبه يشبح في قيس يخبط في قيس ع وجه .....قيس قيس تسمع فيا قيس فيك
حمزة/يبكي ...اني اسبب اني اسبب ...وحط يده تحت قيس ويد تانية وراء راسه
اصيل/تي نوض بسرعه نسعفو مش وقت البكي توا
.... وقاعد يقيم في قيس هو وحمزة وحمزة يبكي وحطو في السيارة متع حمزة من الخلف مع حمزة حط راس قيس ع رجليه وشده ويبكي
اصيل/فتح الكفني بسرعه قم الولد حدفا في الكفني وصكر عليه وركب في سيارة حمزة ويوخر بسرعه وطلع يجري
حمزة/يبكي وسلب تشرة متع حطا ع جرح قيس ....بسرعه ياصيل بسرعه
اصيل/يشبحله في المراية... اهو نجري ان شاءالله ميصيرله شي بس ....وخبط ادمان وعيط.... تي من هو اهو الي ضربه
حكزة/يبكي... منعرفش منوو ...ويشبح لي قيس.... وراس صاحبي مديرها فيا
اصيل/ويسوق بسرعه ....وين تلفونك انت وين
حمزة/جنب المارشة علاش
اصيل/ بنتصال بي البلقه يخد الحقير الي وراك
ولولد مغما عليه في الكفني من ضرب
اصيل/ايوه يابلقه
بلقه/ها منوومعيا
اصيل/اصيل
بلقه/وين حمزة
اصيل/مش وقة حمزة ابعتلي اجماعة لي المستشفه يخدو واحد ضرب قيس وبعدين توا نشرحلك
بلقه/تلقهم قبلك غادي تم
اصيل/تمام..... وصكر
...............................................................
اما عند ريما .....
وطلعة فيها النار ادور ادور في دار
رانيا/مقعمزة ع سرير ...خلاص قعمزي دوختني وان شاءالله خير
ريما/اسكتي مه انتي مش في عملتي السوده خيفا يتعركو في بعضهم ونكون اني اسبب هما عشرة عمر يارانيا
رانيا/لالا ان شاءالله خير
ريما/ان شاءالله يارب... قهمزة ع سرير وشده يدها في بعضهم وتهز في رجله وخيفا
...............................................................
في المستشفة .......
درس اصيل وسياره ولعة وفتح باب الخلفي قاعد ينزال في قيس قامه وطلع يجري لي جهة باب الاسعاف
وحمزة/يجري وراه
كرم/كيف بيطلع من باب الاسعاف مروح وشاد تلفونه يكلم في مراته ا.....هو كيف طالع تبي شي .... ويشبح في اصيل يجري وقيم حد وراه حمزة .... شويا ونكلمك صكري.... ومشي يجري جبد الابريله وطلع يجري بيها ....خيره
اصيل/حط قيس ع البريله ....نضرب بي رصاصة ...ويجري بي البريله
كرم/شد البريله ويدف.... نزف هلبا ....ودخله لي الاسعاف.... مها شفلي غرفة العملية بسرعه.... ويمزق في تشرة قيس
مها/حاضر... وطلعة تجري
حمزة/واقف وشاد راسه ويبكي وعريان من فوق في شورط بس
اصيل/حط يده في جنبه ويد وراء راسه ويشبح لي قيس عيونه مدمعات
كرم/يشبح في اجرح شبح لي ممرض معا ....جبلي قضن بسرعه ....وبدي يقسله في نبض ويشبحله في عيونه
مها/غرفة العملية جهزة
كرم/بسرعه نادي فادي لي تخدير ...وبدي يجري بي قيس ومع حمزة واصيل وردوهم مخلهم يخشو
وحمزة قريب يهبل
خشو تنين من الكتيبة وقفين في الاسعاف
اصيل/تفكر الولد طلع يجري شبحهم وجوه نزالو الولد من الكفني دخلوه عينو ورفعو لي البلقه
واصيل وحمزة يدرو في الممر ع نار
حمزة/كان تصيرله حاجة نموت ربي نموت ياصيل كله مني اني
اصيل/شد راس حمزة.... اسكة اسكة تفال خير حينضو قيس بينوض صكر فمك
حمزة/يبكي ويشبح لي اصيل..... منبيش نخسر حد جديد منبيش يا اصيل
اصيل/حضن حمزة وعيونه دموع ...خلاص وراس صاحبي حينوض بخير ادعيلا بس
ومرة وساعات وقيس قاعد في العملية
...............................................................
حوش الحجاري.....
جو 3الفجر .....
مرام تتصال بي حمزة ميردش علها
مرام/شكله راقد المعفن هدا توا نوريك غدوا ياحمزة
هبه/شبحت لي مرام وتكب في تلفون ومدتاته
مرام/خدت تلفون تقراء.. ..اصيل حتا هو طلع قلي مشي لي قيس تصالة بيه ميردش شبحت لي هبه... حقا خلي نكلم ريما خلي نسالها ع حمزة ....وتصالة بي ريما مقفل .... حي مقفل هدي وتصالة بي رانيا ردة علها ... ايوه رانيا
رانيا/نعم خيرك متصالة توا ان شاءالله خير
مرام/لا خير غير بنسالك حمزة روح
رانيا/اسكتي روح وعرف بي ريما تكلم في قيس ومشي لي قيس ولي توا مروحش
مرام/الله حي ريما شن صار فيه
رانيا/كسر تلفون بس قاعد مجاش دورها
مرام/نتصال بيه ميردش عليا من بكري وحتا اصيل معهم راه قتلي هبه ماشي لي قيس
رانيا/ان شاءالله خير وخلاص
مرام/ان شاءالله يارب كان صار شي قليلي
رانيا/ان شاءالله سلام
هبه/تاشر لي اخته بي معنا شن فيه
مرام/حمزة عرف بي قيس ومشاله اشبح شن بيصير في ريما يناري
هبه/حطت يدها ع فمها خيفا ع ريما
مرام/غير كان يرد عليا بس نفما هلمنجوه
...............................................................
حوش احسين.....
ريما/خيرها مرام
رانيا/تسال ع حمزة وقلتله عليك قلتلي نتصال بيه ميردش واحتا اصيل غادي ميردش
ريما/قلبه يدق ولعة فيها النار ...ياحليلي زعما شن صاير يارانيا خيفا بنموت والله
...............................................................
في المستشفه .....
طلع كرم من العملية برا
اصيل/شن صار طمني
حمزة/قيس شن صار فيه
كرم/طلعنا رصاصة بس حالته خطيرة رصاصة جيا قريبه من القلب وصرله نزيف وقفنا وخش في غيبوبه حليا
حمزة/حط يديه ع وجه... حييي شن بيصير فيه يا كرم
اصيل/نصدم... يعني شنو
كرم/يعني حيقعد في العناية لين ربك يسخرله ويفيق
حمزة/بيهبل وشد راسه ويبكي منهار
اصيل/لي امتا يعني
كرم/حط يده ع كتف اصيل.... ربك عالم لي امتا يايفيق يا
حمزة/يا شنو
كرم/يايموت وان شاءالله لا
اصيل/ خبط يده في الحيط
حمزة/حي عليا حي... ويخبط في راسه حي عليا حي
كرم/مشي لي حمزة يشد في ايديه..... اهداء ياحمزة اهداء
حمزة/تي لااااا علاش هكي علاش ياربي علاش ...ويخبط ويعيط في الممر اصيل يشد فيه هو كرم واصيل حضنه متفله يديه ويديه من الخبط دم مدبرات
اصيل/يبكي ....خلاص حمزة وراسك خلاص ....ويبكو ازوز وكرم تاتر من الوقف عيونه دمعو
...............................................................
اصبح ....
الي هو يوم الاتنين
ناض واحد من جران جهة الاسترحة متع امالي قيس طالع بي سيارته يشبح في سيارة برا من الاسترحة ومفتوحه وخطم من قدام البوبه يشبح في سيارة قيس دخل ودنيا دميات ستغرب وتصال بي بوه قيس ع صبح ربي ورد عليه
جارهم /ايوه صباح الخير ياحكيم
حكيم/صباح النور
جارهم/بالله سامحني ع االاتصال ع اصبح بس والله واني طالع من الحوش نشبح في سيارة وطلع برا من الاسترحة متعكم ودخل فيه سيارة قيس ودنيا دميات نشغلة
حكيم/شن تقول خش شوف باهي واني جاي
جارهم/خشيت مهانك حد وسيارة قيس مدرسه وفم الباب دم وخدل دم مافهمت شي
حيكم/باهي به تونشف ونكلمك
جارهم/ تمام اهو اني قاعد مش مشي لي العمل بحده الاسترحة
حكيم /به ...وصكر ...ان شاءالله خير بس... ويتصال بي قيس ميردش نار ولعة فيه تصال بي حمزة ميردش تصال بي اصيل ميردش خلاص قلبه ...استغفر الله ياربي... معاش عرف شن يدير والباقي ميعرفش ارقمهم ومشي لي الاسترحة شبح دنيا دميات وعرف انه سيارة اصيل المولوعة وفيها تلفونه قاعد في سياره وسيارة ولده قاعد تلفون في سيارة وقاعد يدور يدور ومعاش افهم شي
أنت تقرأ
ياجبل مايهزك ريح 🇱🇾
General Fictionكل خيانة لم تكن صدفه بل تم التخطيط لها وبكل دقه !! #Jule Akrsoa ℘₰ﮩ℘₰ﮩ℘₰ﮩ✍
