#ياجبل_مايهزك _ريح
#بقلم_جولي اقارصؤ
الحلقه (7)
رانيا/تعرفي هيا توا في مصر مسافرة خايفه علها
اسوة/شبحتلها ...علاش خايفة علها ... وتشرب
رانيا/ياخوفي يريح منه في مصر ههه
اسوة/يا حيوانه ههههههههههههههه
ريما/ياسركم قرمه في الناس البرنيا خليكم في العيله
اسوة/ومن بنقرمو في العيله يعني... وتشرب في المسكفي
رانيا/منو بنقرمو ياحليلي خلي نفكر ههه
ريما/هند
اسوة/اعدو بالله منها علاش تسديلي في نفسي توا خيرك ياريما
رانيا/شبحة لي اخته.... شن جبدك فها توا
ريما/حطت المق... غير اسمعو تعرفو الي يخداته طبعن عيله فلوس هما
اسوة/عرفينهم غيره
ريما/طبعن الولد نيضام ماما كل شي ماما عرفتو اما نيضام
اسوة/رن تلفونه قاعدة تشوف من... قصدك امي تما امي
ريما/ياعطيك صحه
اسوة/يمشي معها تنجرة ولقة مغطها اسكتو امي ..ردة ..ايوه يمه
غالية/وينكم لي توا شن بتباتو غادي هيا والله الحوش كساد من غيركم
اسوة/باهي هي خلي انحوش اسعي الي جيبتا ونجو هي
ريما/ههههههه
رانيا/وووه عليا
غالية/ههه بسرعه ياعطيك ده في هلسان
اسوة/ههههه به تبي شي
غالية/نبي انسيب يرفعك من وجهي
اسوة/توا في الطريق كان لقتلك واحد توا نجيبه معيا ههههه
غالية/ههههه به ربي يحفظكم سلام
اسوة/هههه سلام ...صكرة الخط
ريما/خيرها ههه
اسوة/قلتلي نبي نسيب يرفعك من وجهي ههه
رانيا/جو علاها عمتي غالية هههه
اسوة/ياا هببببببه
هبه/في المطبخ واقفة مع صهيب ...انعم
صهيب/باهي توا تجيك
اسوة/تي هيا امك قلة روحو
هبه/باهي به لحضه
اسوة/توا هديكا الي فوق بتنسا روحها ...وتتصل بها متردش
ريما/شويا وينزالو اسوة في جرح جنب ودنك شبحتا من العيد خيرك
اسوة/ههه هدا خالد ضربني
ريما/هههه
...........................................................
فوق في دار حمزة....
حمزة/به اني انحبك
مرام/واني منحبكش
حمزة/شدها مع يدها ...ترا شوفي لي عيوني وقليلي منحبكش حنخليك تطلعي ومعاش نضيقك طول عمري
مرام/متاكد ..وتشبح لي عيونه
حمزة/يشبحلها ..وعد والله
مرام/تشبح لي عيونه ...اني
حمزة/يشبح لي عيونها مبتسم ..انتي شن ...وعض شاربه
مرام/تشبح لي عيونه ..منحبكش
حمزة/شبحلها وغمض عيونه وفتحهم سيب يدها.... به.. تلفة افتح باب ادار وقعد شاد الباب ويشبحله
مرام/جت بتطلع خطمت من جنب حمزة تلفتت ليه بسرعه ع جنب خدت بوسه من شفافه ..نحبك ههه ..وجت بتطلع تهرب بسرعه
حمزة/شدها مع تجكته جبده... تعالي جاي هههه ..وصكر الباب وحضنه
مرام/حضناته بقوة.. هههه
حمزة/يشبح لي وجها.. هكي حبيبي تقليلي نحبكش
مرام/اي لي انك زعلتني منك وانت تحبنيش بكل ..وعيونه دمعو
حمزة/حط يديه ع وجها... ياروحي شن منحبكش اهيا بتهبلني انتي تي نحبك ونموت فيك ياقلبي انتي والله العظيم نحبك ..وبسها مع راسه وحضنها
مرام/تنقز ...اااااه نموت فيك نموت فيك حبيبي الحلو
حمزة/ههه مجنونتي وحق ربي عسل انتي.. ويشبحلها
مرام/العسل تبي بوسه ...واشرت ع خدها اليسار ...اهني.. وغمضة عيونها
حمزة/حط يدي وراء راسها وقربها منه وبسها من شفافه وشبحلها مبتسم
مرام/فتحت عيونها وبتسمت عضت شربه وطبست راسه... هههه
حمزة/حبيبي ههه اشبحلي
مرام/قامة راسه ..ها.. وبتسمت ههه ميلة راسها وحطت يدها ع عيونها ...هههه حليلي منك
حمزة/حولها يدها... اشبحيلي حبيبتي
مرام/شبحتله... ها نشفلك ههه
حمزة/بسها ع خشمه... ايوه ههه حبيبي معاد تخلي حد يفرقنا مهما كان
مرام/حاضر حلوشي
حمزة/ههههه صار حلوشي به ياحلوشي انتي لازم في ثيقه بينا لو مافي ثيقه مافي حب وانتي واثقه فيا
مرام/واثقه فيك
حمزة/شد مرام من يدها وقعمزها ع سرير وقعمز جنبه ...مرام حبيبتي اسمعني
مرام/انعم حبيبي
حمزة/شوفي اني صح حبيت هند وتمنيت تكون حبيبتي طول العمر
مرام/تل في يدها ...به فهمت خلاص ...جت بتنوض
حمزة/شدها.... قعمزي اسمعني افهمني قبل معاش تنفعلي طول
مرام/شن تبني نسمع قصة حبك انت وهند واني قلبي ينقهر عادي طبعن عندك... ورن تلفونه.. بعد يدك ..واقفة
حمزة/حمزة جبده ليه وحطها في زوية دار وحط يده ع الحيط ويد تانية شد بها مرام ...مرام متخلنيش نعصب خلي نكمل كلامي احسن بي الهدوء
مرام/حرة اني منبيش نسمعك منحبكش اني اصلا نكرهك نكرهك حوووول.... ودف فيه.. بنطلع
حمزة/يشبحله وسكة
مرام/بعععععد
.................................................................
لوطه في المطبخ....
صهيب/خلاص هكي
هبه/درله في اتمر ع البسيسة... خلاص ها كملة
صهيب/يسلم يدياتك ياربي احسن وحده
هبه/تصكر في الحفضه... بالله لي من رفعها ههه
صهيب/شن دخلك انتي خلاص درتها مش لازم تقصقصي محرفكم من بعض انتي وخواتي
هبه/ريما مكرة فيك ههه
صهيب/تي تتزعبن تقلي لي من بترفعه ولا مندرلكش وامي مقدرتش نقله ههه ورانيا متنفع في شي كان حاديدة الحويج مزيها حد ....ويحط في الحفضه في كيسا
هبه/تغسل في يدها ...زي مرام بزبط ديما هيا منعرفش
هبه / صوت عياط فوق
مصعب /شبح لي هبه... هههههه مش عارف
هبه/هههه ...تحشمت... طلعة مشة لي دار... اسمعو مرام تعيط فوق
اسوة/شنو ...سمعت صوت... حييي... وناضت تجري
طلعو يتجارو فوق
..........................................................
فوق عند حمزة.....
حمزة/زيدي عليه صوتك لمي الجيران
مرام/بدات عيط بصوت عالي...... بعدددد بعددد ....وتخبط فيه
حمزة/ههههه اسكتي فضحتينه اووووس حبيبي
مرام/بعد ولا نقتلك راه
حمزة/حبيبي
مرام/شبحت ليه... اني مرام مش هند باش تقولي حبيبتي
حمزة/تكنطه.... خيررررك انتي شديتها هند هند باش بتفهمي انتي قلتلك خلاص خلاص هند معاش تعنيلي شي منحبهاش انحبك انتي انتي... يخض فيها.... فهمتي انتي حبيبتي انتي الي نحبك متجنيننيش افهمي افهميييي
اسوة/اطق ع الباب ...حمزة حمزة خيرك مع مرام افتح الباب .... ودف في الباب
ريما/حمزة... اطق... حمزة افتح الباب
هبه/افتحو الباب
حمزة/اقلبو اوجهكم مافي شي
اسوة/حمزة افتح الباب احسن
حمزة/تبي تسمعني او لا
مرام/لفت وجه جهة اليسار ....لا
حمزة/وخر من علها... تمام بري تقدري تطلعي وتفتحلهم الباب
مرام/منيش فاتحة الباب ومنيش طالعة
حمزة/معنها تبي تسمعيني
مرام/شبحتله ...لا منيش سمعتك
حمزة/يمسح ع وجه بي يده و يعيط... شن تبي انتي فهميني كيف تبني نتصرف معاك
مرام/متعيطش علياااااا
اسوة/اطق... افتحو الباب يااااهووووو
حمزة/امشي افتح الباب وشد الباب.... شن تبي انتي ويها
اسوة/شبحت ليه... لا شي والله جيبلكم افطور بس
رانيا/هههههه ...حط يدها ع وجه
حمزة/هههه
اسوة/شبحت لي مرا....م تعلي هيا بنروحو وخيرك تعيطي دنيا قلبته
مرام/مافي شي ومنيش مروحة
حمزة/تلفة لي مرام ههه
اسوة/حقك طبعن راجلك هو مه... جت بتخشله شدها حمزة
حمزة/وين قلنا بري توكلي انزالي نتفهمو وتنزال
اسوة/5دقايق بنلبس وشحي نلقه نزاله قلتلك ها
حمزة/به غير اقلبي وجهك توا
اسوة/قلبته... ولفة لي الخلف... هيا يا ماما انتي ويها انزالي قدامي شفتو العريس خلاص ههههه
حمزة/ههههه ...وقربع الباب صكره وتلفة لي مرام ...عجبك الي صار توا فضيح
مرام/حطا يدها في النص ...اي عاجبني هكي
حمزة/حبيبتي
مرام/مش حبيبتتتتتتتك اني
حمزة/به مرام اسمعني اني والله انحبك
مرام/منيش سمعتك وتحبنيش انت معاش تكدب
حمزة/مرااااام... وبدي يكح يكح ....ااااه احم
مرام/قربة منه حطت يديها ع وجه ....حبيبي خيرك قاعد مريض
حمزة/يشبحلها قام حوجبه... هههه قبل شويا كنتي تكرهيني وتوا حبيبي بتفقدني عقلي انتي
مرام/بعدة عليه... اي نسيت نكرهك
حمزة/به خلاص بري انزالي اختك تستنا فيك
مرام/منبيش
حمزة/بتسمعيني
مرام/الا الا منيش سمعتك ومنبكش ونكرهك ومنيش نزاله
حمزة/شد راسه... صبرك ياربي ..وحط يده في النص ويد تانية خلف رقبته ويشبح لها
مرام/حطا يدها في نص وتشبح فوق وتنفخ.... اوووف وشبحت ليه ....خيرك تشبحلي
حمزة/معجب بيك شن رايك
مرام/لي الاسف مرتبطه
حمزة/حط يده تانيه ع نصا... وبي من مرتبطة
مرام/مدخلكش ومخصكش باهي
حمزة/قرب من مرام... انعم عودي شن قلتي
مرام/ مدخلكش ومخصكش سمعت توا
حمزة/حط يدي ع الحيط ومطبس راسا لي مرام.... صار مدخليش قلتلي
مرام/قامة راسه ليه تشبحله... اااااي
حمزة/حط يده خلف راسها وقرب راسها وبسه ع جبهتها ... ربي يسعدك
مرام/ويسعدك حول بننزال
اسوة/مرااااااااام هياااا
حمزة/بعد علها وقعمز ع الكمدينو
مرام/باااهي نلبس وننزال
اسوة/واقفا ع المرايه بتلبس وشحها ...شنو تقول هدي... وتلفتت لي البنات.... شنو تلبسي
ريما/هههههه
هبه/هههههه
رانيا/ههههه
مرام/شن نلبس يعني نلبس في ويشحي
حمزة/متكنطي ..ههههههه
مرام/واقفا ع المرايه تلبس في وشحها وتشوف في حمزة ...هههه... كملة وطلعة من غير متكلمه وصكرة الباب وفجاة رجعة فتحت الباب واقفة قدام حمزة وشداته من تشرته... متعي انت ليا اني وبس غصب عنك ...وطلقتا وهربة وصكرة الباب
حمزة/هههه وربي مهبولة
مرام/فتح الباب تاني دفاتا لين تقربع واقفه برا من الباب وحطت صبعه ع خدها... تعلا بوسني بسرعه
حمزة/بري انزالي
مرام/قربعة الباب بيدها بصوت عالي ....لما نقلك تعلا يعني تعلا كلمة هياااا
حمزة/ناض يجري
مرام/طلعة تجري نزالة مع دروج ...الحقوني ههههه
حمزة/بشويا بشويا هههه
مرام/نزاله تجري وااااك ههههه
البنات كانو واقفين ع الانتري ومقبل باب ادروج
اسوة/تلف في وشحها .... شنو جري هدا
ريما/مش عارفه
اسوة/دنيا قلبينه فوق شويا تانية بيطيح علينا الحوش هههه
ومرام تجري طحت عليهم
مرام/هههههه
هبه/ااااه يدي ياحماره هههه اه
اسوة/جنبي جنبي غادي... دفته
ريما/جت جنب الانتري... ههههه غير خيرك خيرك
رانيا/واقفا.. هههههه
حمزة/واقف في دروج ..ههههههه
صهيب/خش من الباب قلهم طيحين... ههههه خيركم
حمزة/هههه... جبد مرام من يدها نوضه... غير تعلي
مرام/ها هههه
حمزة/دخلها لي المربوعة شدها مع يدها ويرن تلفونه
اسوة/والله نروح ونخليك الله يا مرام
حمزة/طلع تلفون من جيبه ... بري روحي توا نوصله غير اسكتي شويا ..ورد ...الووو
اسوة/توصل عينك... رن تلفونها شبحت الاسم ..ههههههه ..شبحت لي هبه ...خالد
هبه/تندب في خدوها ...حي علينا ههههه
اسوة/ايوه خلودي
خالد/وربي لما نعدم جد اصلك اليوم
اسوة/جهزة لي اي هجما مرتدا هههه
خالد/ههه روحي روحي نستنا فيك
اسوة/شويا ونجي هي
خالد/توا ولا نجيك غادي
اسوة/لا ههه شن تجني اهني اهبلانا خلي في حوشنا بس ههههه جاية والله جاية... وصكرة ...يا مرام هيا خالد اتصل بسرعه
مرام/جاية هي حبيبي خلاص نحكو بعدين وبستا من خده
حمزة/يتكلم بي تلفون ...غير اسكة شويا..وشبح لي مرام... به ردي بالك ع روحك حبيبي
مرام/به... وطلعة هيا وخواته يركبو في السيارة
ريما/مطلعة راسها من الباب... اسمعي قليلي شن يصير معاكم
اسوة/باهي به هههه
صهيب/تي خشي دخل انتي ويه خلاص
ريما/باهي ياهمي وخشو
اسوة/مشت
..........................................................
في المربوعة.......
حمزة/يتكلم بي تلفون.... انتو وين قلتلي
اصيل/غير خليك من احني وين سلم ولدي شن صار معاك احكلي طمني عليك
حمزة/ع شنو
اصيل/شن كنة دير توا احكيلي شن صار معاك مع الكبيده
مهند/مقعمز قدام اصيل ركب فوق الطاولة وجي قدام اصيل حط ودنا ع تلفون اصيل
اصيل/دف مهند... غادي انت التاني اصغير قاعد ع الحاجة هدي اي شن صار احكيلي طمني عليك
حمزة/هههه شن طمني هيا شن بيصير يعني تفهمنا
اصيل/به كويس الف مبروك بس احكيلي يعني بتفصيل بالك في حاجة درتها غلاط نصلحلك اني بالك معرفتش حاجة ولا حاجة ولدي نعلمك اني
الكاسر/يدخن في رقيله ...ههههههههه شن هو عيل يعني
حمزة/شن دخلة هيا ياراجل خير جدك انت
اصيل/هههه قصدي مستحيل مشيتها تفهم بس اصحابي ونعرفكم في قلة الادب شي صافي جفاف لا ضروري من شويت مشقشقات
مهند/شن صار يارلجل
حمزة/ ههههههههه بلا تفكير خامر وين انتو مدهشنين راني داهش
اصيل/سمله عليك داهش من شنو داهش احكيلي هههههه
مهند/وواه داهش ازفت
الكاسر/خير جدك انت ويه داهش يجري يصلح منزال بضاعة خيرهم عقولكم
جاسر/لا ياشيخ واحد مع الكبيده وداهش ياحبيب قلبي ...انت وحط صبع ع راسه بي العقل هيا
قيس/ههههههههه
امجد/يدخن ...صح كلامك جاسر
حمزة/غير افتح المايك افتح
اصيل/افتح المايك هههه
حمزة/...................سبان
الكاسر/هههههههه تستهلو
جاسر/ههههه خلاص ياراجل
اصيل/سادك ياولدي ههههه
مهند/يشبح لي اصحابه ... هكي الولد زعلتو معقوله خزي عليكم
حمزة/انت يا مهند .........
مهند/شكرا شكرا هههههههههه
اصيل/صكر المايك باهي فمنا خلاص ههههه
حمزة/انتو وين ههه
اصيل/قهوة ارقيله
حمزة/جاي هي وصولي ع شيشا
اصيل/خلاص توصل واتيا... وصكر
الكاسر/اصلا انتو مافي حد يفهم عليكم غير حمزة
مهند/اني بنروح ههههه
امجد/معاك اني
قيس/بالله شن قصتهم الخوت اهما الي قدامنا ديما شدين تلفونات ويتعركو
الكاسر/هدو مدرهلي كبدي من اصبح هكي ع الببجي ....وفتح نت ملقش اسوة رده ع رساله متعه مشغول باله
..........................................................
اسوة في طريق.....
هبه/حي علينا حي والله لما يورينا
مرام/اني مدخليش هههه
اسوة/طبعن مدخلكش انتي تكلي بس ...ودرسة السياره قدام الحوش ....حيكون يوم تاريخي هههه انزالو
مرام/لالا شن رايك نهربو لي ربيعة
اسوة/تهربي عينك عمرك متهربي من شي واجهي كل شي في وقته
هبه/شبحت لها ... مه هدا الي مضيعنا في جرتك فلفستك زايده
اسوة/عينك انزالو ومايصير الا كل خير ههههه... ونزالو
واقفين قدام باب الحوش اسوة واقفا قدام الباب وهبه ومرام وراها
اسوة/بسم الله ...وجت بتفتح الباب
خالد/فتح الباب ...اهلا
مرام/ياماما... هربة
هبه/هربة وراها ....استنيني .....تجري
اسوة/قامة يدها .....هااي ههه
خالد/جبد اسوة من تجكته.... هيات
.................................................................
.................................................................
______________________________________
______________________________________
#Jule Akrsoa ℘₰ﮩ℘₰ﮩ℘₰ﮩ✍
أنت تقرأ
ياجبل مايهزك ريح 🇱🇾
General Fictionكل خيانة لم تكن صدفه بل تم التخطيط لها وبكل دقه !! #Jule Akrsoa ℘₰ﮩ℘₰ﮩ℘₰ﮩ✍
