ياجبل مايهزك ريح 🇱🇾

الحلقة{20}

#ياجبل_مايهزك _ريح
#بقلم_جولي اقارصؤ
حلقة (20)
اصيل/انحبك... وبسها مع خدها ويشبح لي عيونها
هبه/بسته وغمزتله
اصيل/حي ع الغمزة هههههه.... وحضنها.... وااك عليا دبت اني هههه
هبه/😍😁
اصيل/حط ايديه ع خدودها ويمس في شعرها ....ياحليلي من اشعرات الحلوة هدو
هبه/تاشر ليه انه شعرها كان طويل وقصاته
اصيل/فهم علاها ...علاش قصيتي حبيبي ويشبح لي عيونها
هبه/هزة بي كتافه بي معنا هكي
اصيل/ع الموضة وله... وغمزله
هبه/هزة بي راسه وبتسمت
اصيل/حلاته الي تلبس وتتشيك ع الموضه... وبسها مع راسها.... خلاص حبيبي متفقين
هبه/هزة بي راسه اي
اصيل/خلاص الخميس اجاي نروح بيك
هبه/تفجات بي يده لالا
اصيل/ههه خيرك خفتي
هبه/تحشمت هههه
اصيل/تي نبصر عليك يا هبلة... وحط يدا في جيبه طلع بكو دبلة وفتحا ويشبحلها
هبه/مصدومة
اصيل/طلع دبلة من البكو وشد يدها اليمين ويشبحلها ومبتسم لبسله دبلة وباس يدها.... محلاها عليك ياعمري
هبه/بتسمت وقاعدة تشوف في دبلة مزبوطة علها شبحت ليه ومشت خدت تلفوان وتكتبله... كيف عرفة مقاسي ...وعطتا تلفون
اصيل/يقراء وشبحلها.... ياعيني لما في اجبل في سيارة سلبتي الخاتم متعك تمسحي في يديك قاعد في سيارة وخديت المقاس عليه ....وبتسم
هبه/ههه كتب ليه.. وي منك انت
اصيل/يقراء... ههه باش تعرفي الي يبي يدير الحاجة ميصعب عليه شي ياقلبي انتي .... وحضنها ... اه منك والله مستحشتك الله ...وبسها مع خده
هبه/تشر ع روحه بي معنا حتا اني
اصيل/صار حتا انتي ههه
هبه/هزة راسه اي ههه
اصيل/رن تلفونه قرصها من خدها ...اه منك انتي لحضه حبيبي..... وطلع تلفون من جيبه لقه مهند رد عليه ...ايوه
هبه/تشوف في دبلة
اصيل/يشبحلها وحضنه
مهند/تي وينك نقعدو كل يوم ندورو فيك
اصيل/عند انسباتي
مهند/نسبات شني
اصيل/مالي مرتي شويا ونجيكم
مهند/شنووووو
اصيل/توا اني مع المراه ...ويشبح لي هبه وغمزلها ...شويا ونجيكم
مهند/مصدوم غير تعللي بسرعه فهمني مراة من الي معاك
اصيل/مراة حسين شن مراة من مرتي ياراجل غير زيد غادي توا بعدين نتفهمو... وصكر الخط في وجه ويشبح لي هبه ...هي حبيبي توا خلاص تفهمنا وبعدين نهدرزو باهي
هبه/هزة بي راسها به
اصيل/خلاص دير بالك ع روحك كويس حبيبي تخلهم يتعبو اميرتي وربي مايحرمني منك ياعمري وخليها ديما في بالك انه نحبك ونموت فيك وديما في بالي كل دقيقه باهي... وبسها مع خده
هبه/تاشرلع بي معنا حتا اني وبستا مع خده
اصيل/فرحان ...واني بعدين نجبلك تلفون باهي حبيبي
هبه/هزة راسه بي معنا به
اصيل سلم ع هبة وطلع وطلعة امه وهو فرحان قريب يطير مروح بي امه واختا كلاكسات ودنيا قلبه اما هبه خشت لي خواته فرحانه بطير وهما فرحنين معه ومن الفرحة طلعو يلفو بي سيارة هما وامهم اما اصيل مشي يوصل في ماليه لي الحوش وماشي لي صحابه
.................................................................
عند اشباب.....
مهند /يجري اوقف في معرض الكاسر خاش داهش
الكاسر/يشبح فيه نخلع اوقف... خيرك خيرك
مهند/قعمز ع االصالون...كنة نكلم في اصيل قلي عند انسباتي
الكاسر/انسبات شنو... ولف من الطاولة قعمز ع الصالون جنبه
مهند/مه هدا الي نبي نفهما اني انسبات شنو وقلي مع مراتي اهيا الي ضربة عقلي جيبتني من اخر دنيا جري لي عندك شنو منو ياطيب
الكاسر/منعرفش علمي علمك سالته اصبح قلي... ويشبح في حمزة خش هو جاسر ....اهلا
مهند/تلفة ليهم.... جيتو مفرخ اربي
حمزة/جينا ياعيل وين اصيل... وقعمز ع الصالون
جاسر/خش طول لي جهة الحمام
الكاسر/وين
جاسر/عندي جلسة مغلقا وصكر الحمام
الكاسر/ههه
مهند/قلي جاي
حمزة/حتا اني قلي جاي سنو الموضوع
مهند/في حاجة مش مفهومه مديره الفرخ اهو
حمزة/مش عر...قطع عليهم قيس وامجد خشين
امجد/اس طب اس اسلامو عليكم... ويغني وخش يسلم عليهم واوقف ع الطاولة..اهلا وسهلن بيكم اعزي المشاهدين ارحب بيكم في لمة اصيل... ويصفق بي يديه.... شن قصة النسابة الي طلعلي بيه قبل اشويا ....ونزال من الطاولة نبلط ع الصالون
الكاسر/خير جدك الصالون بدقدك امه
امجد/ناض اوقف ونبلط بقوه ع الصالون ودار رجل ع رجل شن القصة قلتو
الكاسر/يشبحله ....نبي نعرف شن قصتك انت مع الصالون
امجد/يخبط في الصالون ....عاجبني مليح ...ويخبط في الصالون.... مريح مريح.... وينقز عليه
قيس/هههه اتسي اتسي ااه الحمد الله
مهند/ههه خلاص ياراجل عرفنا مريح
امجد/يخبط في الصالون.....بكم يخدا قلتلي مليح مليح
الكاسر/روح بيه المهم يسرك تخبيط وجعتلي راسي ...وتلفة لي قيس ...خيرك تعطس انت تاني العفوا
حمزة/لحق تلفون في الحوط اسباحة امس هههه
قيس/يشبحله.... هههه... في خاطره لحق اختك يابابا ...اي في جرة تلفون حصلة برده مش عادية
حاسر/طلع من الحمام قعمز ع الصالون يسوي في تجبوكي ...مراة شنو الي يحكي علها المتخخم هدا
اصيل/خش... السلامو عليكم
مهند/اوقف تلفتله.... وعليكم السلام تعاله تعاله اهني قعمز جنبي
اصيل/مشي جنب مهند وقعمز ودار رجل ع رجل وسند ضهراء ع الصالون ويتكلم بي شموخ... شنجو
مهند/جنبه... فوت شن جو كلهم كويسين خلينا فيك نسبات شن الي كنة عندهم
اصيل/شن اسبات شنو ياراجل انسباتي امالي مراتي
الكاسر/مرات منو ياهبل
مهند/شنووو
حمزة/متوخزوشي مصيف
امجد/اوقف تل الطولة معه وصلها قدام اصيل وقعمز مقبله ت....ي فوتهم اهم كلهم وغير خليك معيا اني وفهمني وحده وحده اصيل نسبات منو مرات منو
اصيل/نسباتي مراتي
مهند/تي امتا صار
امجد/حط صبع ع فما ويشبح لي مهند ...اوس اوس انت ...وشبح لي اصيل ...امتا صار هدا حلمة امس ولا كيف احكيلي اني خليك منهم اهما
اصيل/مشيت خطبته اليوم حبيبتي وتم
حمزة/هبه قصدك
اصيل/اااي
الكاسر/شنووو وخيرك مقتليش
مهند/شد اصيل من فنلية ....كيف تمشي متقولش علاش
اصيل/دفا... ع اساس انتو لما مشيتو قلتو ليا قداش يوم الي نكلمه بدرلي حل مش فاضيين وانت تسب يع عن ...... وفي الاخير جاي تقولي علاش مقلتش مصح وجهكم
وناضو فيه عراكووسبان وع ضرب دنيا قلبوها وجري في المعرض وعياط وضحك مرة سهراء حلوة عليهم
.................................................................
في حوش الحجاري....
هبه مقعمزة فرحانه ع سريرها وسرحانه
مرام/رن عليها حمزة ردت... ايوه حبيبي
حمزة/اني قدام الحوش افتحلي الباب تلقي قدامه تنين كيسا وحده ليك وحده عطه لي هبه من اصيل
مرام/حاضر حبيبي... وناضة تجري فتحت الباب خدت الكياس وتلفون ع ودنه وتشبح لي حمزة تبيبله ومبتسمه
حمزة/منزال المرش ويشبح ليه وغمزاله وحط تلفون ع ودنه ....خشي حبيبي هي ...ويشبحلها
مرام/تشبحله ...حاضر حبيبي انحبك
حمزة/نموت فيك تصبحي ع خير
مرام/وانت من اهلو ....بعتتله بوسه من بعيد... مواه
حمزة/بتسم ...ههه خشي خلاص
مرام/ههه... خشت وصكر الباب
حمزة/مشي ويكلم فها ....حبيبي خلاص نوصل الحوش نحكو باهي ياعمري
مرام/به راد بالك ع روحك حبيبي سلام
حمزة/سلام .... وصكر الخط وفتح اغاني يسمع فيه ويغني معها وفرحان
مرام/خشت تجري لي دار مدخلا الكياس وصكر دار
اسوة/في سريرها تهدرز هيا والكاسر في تلفون ...هدا شنو
مرام/هدي من حبيبي وهدي من اصيل لي هبوشة ...ومشة لي هبه مدتله الكيسة
هبه/فرحانه فتحت الكيسة لقته شكلاطه وتلفون ايفون فرحت طلعتا توري فيه فيهم
مرام/يهبل الف مبروك هبوشتي
هبه/حطت يدها ع صدره بي معنا تسلمي وقاعدة تفتح ع تلفون
اسوة/واني
الكاسر/خيرك
اسوة/جيبلهم كيسا كيسا صحابك واني مجبتلي
الكاسر/عطني 5دقيق يكنو بكوت فرغات قدام حشكم
اسوة/ههههه خزي باهي به
مرام/فتحت الكيسا بدات تعيط فرحانه هههه
اسوة/خيرك تعيطي يابلوة
مرام/طلعة شكليط بعدين طلعة اروب الي خاطره فيه ههههههه
اسوة/ هههه هدا الي شبحنا في المحل وله
مرام/اي ههههه حي عليا ...وناضة تقيس فيه وبتهبل
الكاسر/شن هو يابلوة انتي ردي
اسوة/اسكة انت تانية حاجة مش لي صغار هههه
الكاسر/هههههه لا مزال صغير صح
هبه/حطا يدها ع خدودها وتتفرج ع مرام
مرام/تنقز وتعيط قدام المراية ...حي عليا نهبل نهبل ...ومشت تجري خدت تلفونها وبدت تصور في روحه
اسوة/تهدرزز مع الكاسر ع العرس شن بدير وشن متبيش ادير وتفقو ع انهم يديرو عرس مشترك مع بعض اسوة رفضة بس الكاسر يقنع فه وتفقو وتم
هبه/ركبة شفرته في تلفون جديد وقاعدة تهدرز هيا واصيل وفرحنين بي بعض
مرام/تكلم في حمزة وتبعتله في صورها ع الفايبر وهو بيهبل علها
.................................................................
بعد اسبوع من الحضات الحلوة وجو جميل
حوش الحجاري ...
يوم الجمعة العيله كله ملتمين في حوش جدهم والبنات مقعمزين يهدرزو
نبيله واسوة مع بعض وجنبهم هبه وهند ومرام وريما
نبيله/والله يا اسوة مش متقبلته بكل صح كويس معيا بس منحبشي منبيشي ياناس
اسوة/اسكتي توا بعدين تتعوضي عليه وتحبي مهند مفيش منه يا نبيله ننصحك تمسحي الافكار اشينه من دمغك وتحولي تقربي منه الولد راجل وكويس وانتي تعرفي
نبيله/عارفتا بس مش متقبلته مش طيقتا مش عارفه كيف بنخده ومتزوجه غير فتينا من سيرتا انتي شن صار فيك وفي عرسك شن وتيتي
اسوة/اهو قاعده نشري ونوتي والعرس مع بعضنا وانتي عرسك بعدي بي اسبوع وله
نبيله/اي اسكتي معاش تفكريني ....وقعدو يهدرزو ويتنقشو ع مهند
.................................................................
اما عند مرام........
مرام/شاده تلفونه..... هو غدوا عندي اني لكن مش عارغة نمشي او لا غير لحضه نحط تلفوني في اشحن في الصالة ونجيك
هند/لالا حطي في دار جدي خيرلك من صغار يكسروه
مرام/اي صح لحضه ونجيكم.... وناضة رشقة تلفواطن وصكرة دار وجت
هند/ستغلة الفرصة وناضة لي دار جدها خشت وصكرته تصالة بي اوس الو
اوس/ايوه
هند/اسمع افتح الفايبر زي ماتفقنا غير صورتك صورة بنت واسم بنت ديرا ملاك ع اساس وندردش اني وياك بي تلفون مرام ع اساس هيا وانت ونبعتلك صور تمام وع اساس انه متفق انت ويه غدوا بتجي تخطب اوس ضروري غدوا تمشي تخطب زي ماخططنا
اوس/تمام العيلة مكلمهم اني ولا يهمك نمشي غدوا غير بسرعة
هند/هيا هي..... وصكرة فتحت تلفون مرام حفظه رمزة لي انه كانت جنبه سجلة رقم اوس ع اساس بي اسم ملاك وبدت تكلم في اوس بي تلفون مرام ع اساس مرام تكلم في اوس بعتتله كلام حب ودردشة تنين يحبو بعض وصور مرام وكلام وخر صورة صورة مرام بي اروب اوس كتبله
اوس/حبيبي غدوا بنجيب ماليه باش يخطبوك
هند ع اساس مرام/الله فرحتني حبيبي نستنا فيك مرحبتين بيكم وكلام.... معسل ياكبدي وكلمة اوس بي تلفونها بي معنا خلاص وانا غدوا يمشي يخبط مرام وبعتت سمايل لي كل دردشة في الفايبر عند مرام باش تكون دردشة اوس مش دردشة الاولة باش متنتبهش مرام وتشوفه لي غدوا وصكرة تلفون ورداته في مكانه وطلعة قعمزة مع البنات وكانه مصار شي
.................................................................
اما عند حمزة......
ماشي تم في حوش وخده ودفع الفلوس وتم فيه وروح فرحان لي الحوش في الليل خش لي الصالة لقي امه
حمزة/مساءالخير يمه ...وقعمز جنبه
صباح/اهلين ولدي مرحبتين
حمزة/شن ديري
صباح/اهو مكسده قدام تلفزيون
حمزة/باهي كويس يمه بنقلك ع حاحة لكن خليه بينا لين تم ع خير
صباح/قول يا ولدي ان شاءالله خير
حمزة/خير خير اكيد ان شاءالله والله خديت حوش تميت فيه مزال بنشطبه بس
صباح/مشاءالله ياولدي ان شاءالله ربك يسخرلك الحال وتم ع خير يارب
حمزة/ان شاءالله يارب
صباح/حطت يدها ع رجل ولده.... به ياولدي امتا بتفرحني ونخطبلك
حمزة/ههه قريب ان شاءالله توا نقلك امتا تخطبلي
صباح/به ان شاءالله ع خير يارب تعيشة ولا نحطلك اعشي
حمزة/تعشية ميمتي صحيتي... واوقف... نستادن توا نحس في روحي تعبان بنرقد متبي شي
صباح/لا سلامتك ياولدي تصبح ع خير
حمزة/وانتي من اهل الخير.... وركب لي داره دوش وتكا ع سرير جتا رساله من رقم مجهول فتح رساله
....يا حمزة مرام تضحك عليك ماتحبكش هيا تحب واحد اسما اوس ويجيه في الجامعة ويكلم فيه وحتا بي الامارة غدوا ماشي بيخطبه ولو مش مصدقني شوف تلفونها وفتشا كويس لي انه تمسح في كل شي قبل متشوفك اني نشوف فيه بعيوني ... حمزة فات ارسالة وهدرز مع مرام لين رقد لكن قاعدة في باله ارساله
.................................................................
يوم جديد وهو يوم اسبت ....
عند اسوة.....
وتات روحه ومشت العمل وصلت لي المكتب خشت لي باب المكتب حست المكتب هدؤ واسكرتيرة مهانش الباب المكتب مفتوح ع واسعه خشت تشوف بشويا اول مفتت شوي من باب المكتب اريسي تصكر باب المكتب بقوة تلفتت بسرعه
اسوة/نصدمة 😯
حيدر/نخلعتي غريبة... وقرب منه
اسوة/حطت يدها ع قلبها.... خلعتني ياعطيك السلامه
حيدر/سلامتك ...وخش لي مكتبها وقعمز ع الصالون
اسوة/لحقته وقعمزة ع مكتبها تشبحله ...شن جبك
حيدر/دير رجل ع رجل.... حسيت انك تبني جيتك ...وشبحلها
اسوة/هو صح نبيك كيف بنتصال بيك بس انك حسيت بيا هدي جديده ههه
حيدر/لا الي متعرفيشي انه نحس بي الحد يبني من غير ميقولي هههه تي جاي لي عزدين شفتك من اروشن قلة خلي نخلعوها ع صبح بالك تنشط خيرهم عيونك حمر
اسوة/لحضة وله منعرفش خيرهم
حيدر/بالك سهرانه مع الكبيده
اسوة/لا بس مش عارفه خيرهم ونحس في راسي ينمل ديما
حيدر/كم تاريخ اليوم
اسوة/مش عارفه ....شدة تلفون تشوف في تاريخ
حيدر/اليوم شنو
اسوة/لاحد
حيدر/اسبت يا انيسة
اسوة/ههه اي حي عليا نسية
حيدر/شن الموضوع الي تبني فيه
اسوة/اي الموضوع... ناضة قعمزة في الصالون الي جنبه ....شوف الموضوع حساس شويا
حيدر/الي هو
اسوة/الكاسر عنده مراة خوه حراري طبعن حطا عينه عليه
حيدر/شنو مراة خوه شنو هدا استغفر الله به
اسوة/اي المهم جيتك في دوه طبعن هيا يخده حراري باش توصل لي... وحكتله الموضوع كله
حيدر/تصدقي مرة عليا القصة هدي شبيه منه جو سحر لكن شن الي في راسك انتي
اسوة/نبي نبعده ونبي ندير حل لي روحي ولي الكاسر وحراري الي مخليتا زي المهبول بس معرفتش الحل بي ما انك فهم وزبط ونعرفك نبيك تساعدني
حيدر/شوفي بماني مرة عليا قصة زي هكي حنقلك هيا سحر الي مدايرتا ضروري كل فترة تمشي تجدد اسحر بس يقعد مفعوله ميبطل بي معنا انه حتمشي لي السحارة نفسه يعني لازم نرقبوها ونشفوها امتا بتمشي وين بزبط لما تكون في المكان السحارة نبلغو فيهم
اسوة/انت هكي رايك
حيدر/خلاص فوتي الموضوع وخلي الموضوع عليا توا نحلهلك الهلي توا في عرسك وقضية احلام
اسوة/حيدر ممكن سؤال
حيدر/اسالي عزدين جي
اسوة/علاش ديما تساعد فيا
حيدر/لي انه حتساعدني في يوم متخفيش حترديه هدا كله هههه ...وناض طلع
اسوة/واني نقول كله بي المقبل
حيدر/واقف قدام مكتب عزدين... ماله تحسبي بي البلاش
اسوة/ههه سلملي ع المدام
حيدر/هدا الي نحكي عليه اني هههههه
اسوة/ياويلك لو تسمع امك هههه
حيدر/اسكتي مش عارف كيف بنجبهله ...وخش لي عزدين يهدرز معه
.................................................................
مع العصر......
مرام راقدة وحمزة يتصال يتصال وتلفون صمت
اما في غرفة ضيوف ام اوس وخلاته وعمتا ازوز مقعمزين معهم ربيعة وغالية واسوة في المطبخ هيا وهبة جين بي صدفه مقللهمش واوس جيب بوه وهوا وخوه الكبير وعما وخاله في المربوعة وخالد وبوه مقعمزين معهم
وعليله كله متفجاة
اسوة/مشت تجري لي مرام تنوض فيه.... مرام مرام نوضي
مرام/ناضت خيرك
اسوة/جين ناس يخطبو فيك وجيبن حتا رجالة
مرام/شنووو ....ناضت تجري.... شن شن يخطبو فيا لالا منبيش اني منبيش
اسوة/اسكتي كما بوي ايوفق
مرام/شن ايوفق... وجت بتطلع من دار
اسوة/شدته من يدها ....تعالي جاي وين ماشية بلا هبال خليك توا نتفهمو بعد ميروحو
مرام/والله لو يقتلوني مانخده
اسوة/مش حتخدي اسكتي
.................................................................
في المربوعة.....
بو اوس/حني طلبين البنت لي ولدنا وراي رايكم وشور شوركم
خالد/يوشوش لي بوه.... خود رايها الاول يابوي
مسعود/اكيد ياولدي والله اني يشرفني وينسبني انكم تنسبوني لكن القرار الاول والاخير لي بنتي كان هيا قالة باهي اني موافق واما قالة لا الله غالب هدا نصيب
بو اوس/اكيد راي رايها لكن انت بوه وليك حق في تزويجه وراي صح انت تعرف مصلحته اكثر منه واني والله عاجبتني العيله ومنبي الا جواب يريضنا
مسعود/اكيد اني نعرف مصلحته بنتي لكن اني نحترم في قرار بناتي بنتي الي بتعيش مع ولدك مش اني يعني ليها الحق انه تخد قرار انه تقدر تعشر ولدك وتوافق عليه او لا هد زواج بتعيش مع طول عمره لزم هيا الي تفكر
بو ا وس/اكيد صح كلامك ع عيني وع راسي خود رايه وحني في انتضار ردكم
خالد/ان شاءالله
خالد مش عاجبه اوس بكل
روحو اناس خشت غاليه لي بنته هي وربيعة
غالية/علاش مطلعتيش لي الناس حشمتيني معهم
ربيعخ/شن الهبال الي درتي هدا
مرام/هبال شنو هدا مش هبال اني منبيش حرة شن بطلعوني بسيف منبيش نطلع منبيهمش الي جيين يخطبو
ربيعه/ميتين عليك هما تي وين تلقي زيهم ناس عز ومشاءالله عليهم
اسوة/هدا مفلحة فيه انتي ناس عز وتعفس ع سعادته وقلبه وتخد العز الي تحكي عليه
ربيعه/صكري فمك انتي منكلمش فيك مه هدا كله منك انتي كان هدا راه طلعة زي البنات وشفة نصيبه
غالية/خلاص اسكتي انتي ويها
اسوة/ههه نصيبه شن تشوفي فيه عنسة ولا اول واحد بيجي بتعطوها ليه بعدين خليك انتي مع مالي راجلك وجهلهم البنت طق 18تحدفوها لي اي راجل قدامك
وبدت العركة بينهم واسوة مسكتتش لي ربيعة ومرام عجبه كلام اسوة وقفا جنبه
مسعود/يسمع في دوش قاعد يندي .....يا مرام مرام
مرام/طلعة تجري لي بوها
ربيعة/تحشمي راكي تقليله لا
مرام/معدلتش علها مشت لي بوه
اسوة/اسكتي انتي شن دخلك فه هيا وبوه هيا الي بتعيش معه مش انتي تخدي قرار بداله ياسبحان الله ع العيلة هدي بيحكمو حتا في فرعينا نلبسهم ولا لا
هبه/هههههه
غالية/هههه سكري فمك تحشمي
اسوة/ههه جو انتو
حمزة/يتصال وتلفون مرام صامت
.................................................................
في المربوعةظظ..
مسعود/مقعمز .... تعالي بنتي قعمزي
مرام/قعمزة جنب بوها... نعم بابا
مسعود/يابنيتي زي ماتعرفي انه جوك ناس يخطبو فيك اليوم
مرام/لي بابا جو ومطلعتلهم
مسعود/علاش
مرام/اني منبيش يا بابا ...وبدت تبكي... منبيشي اني هدا نبيهمش وربيعة تعرك فيا من بكري تقولي علاش مطلعتيش انتو تبو تعطوني قلقتو مني يابابا معاش تبوني انتو... وتبكي
مسعود/حضن بنتا .....يا مهبولة شن معاش نبوك كله لا بنتي مرام منعطيه لي حد تقعد عندي بس بنيتي الحلوة
مرام/اي بابا نبيشي اني بعدين ناس برانية نبهمش اني نخدش وحد منعرفوشي
مسعود/يعني نرد ع الناس نقلهم مش موافقة
مرام/اي بابا مش موافقة
مسعود/به معاش تبكي ومفي حد حيغصبك لا انتي ولا خوتك ع شي متبوه وربيعة توا تنكلمه اني بري نديهلي
مرام/يخليك ليا يا حلو انت... وبستا ع راسه وطلعة تجري خشت دخل..... ربيعة يبيك بوي ... وخشت قعمزة في سريره
ربيعة/شن يبني
مرام/حرشتا فيك هههه
ربيعة/انهار احرف... تندب في خدوها متحشم من بوه
مسعود /ياااربيعة
ربيعة/حي عليا والله لما نوريك هيا هي جاية.... ومشت لي بوها
غالية/باهي يا مرام به ...وطلعة وصكرة دار
اسوة/احسن مدرتيلها فالحة غير فينا مع حمواته متنعجا
مرام/تمشي تملح وقامة تلفون لقة حمزة متصال... حي حمزة متصال بيا اسوة نحس في روحي مش حنقوله انه جو خطبوني اليوم
اسوة/علاش قليله عادي
مرام/لالا خيفا نقله يزعل ويقول غير تلمحلي انه تعاله اخطب راه الخطبا زي ارز عليا فكني والموضوع تم هو خلاص
اسوة/ديري رايك لكن من نصيحتي تقليله خير ميعرف بعدين ويلومك
مرام/لالا مش حنقوله منبي نزعل حبيب قلبي... ون تلفونها ....اووو عمره طويل حليلي منه.... وردت عليه ....الو حبيبي
حمزة/اهلين حبيبي وينك من بكري
مرام/كنة راقده ......وقعدو يهدرزو عادي
.................................................................
عند حمزة.....
حمزة/واقف ع محل دخان يخد في دخان... اعطني ولعة
خالد/درس سياره نزال بيخد دخان... او برو
حمزة/اووو اهلين... وسلم عليه... تي وين معاش امبين
خالد/اشغال واعمال
حمزة/يحط في الفلوس في جيبه... الي يسمعك يقول رجل اعمال ههه
خالد/والله كل شويا موضوع واليوم لي المغرب واني حاصل في الحوش
حمزة/علاش حاصل شن عندك غسيل بسطات ماله هههه
خالد/لا نمسح في تريات هههه جينا ناس يخبطو في مرام وقاعدة نسير في بوي مروحو لين طلعولي روحي معهم
حمزة/كانه جي كف اسخون ...منو منو في منو يخطبو
خالد/لا عطني وحد بس قلتلك مرام هشبر ونص
حمزة/قلبه بيوقف خلاص معاش عارف حتا شن بيقوله... به امتا
خالد/مع العصر
حمزة/سكة قاعد يشبحله وخلاص ولعة فيه نار من دخل... تبي شي
خالد/لالا
حمزة/سلام... وركب سيارة وطار
خالد/تفجاء بي لقطة حمزة ....خيره اهو
حمزة /في سيارة بيهبل يخبك في دومان
.....لالا اكيده نست مقلتليش لالا اكيده في حاجة تانية.....وتفكر رسالة.... لالا مرام مدرهش فيا نعرفه تحبني مدرهش ....وبيهبل ويجري بي سياره بيطير وقف سيارة تصال بي مرام
مرام/ايوه حبيبي
حمزة/قلبه يو٠ع فيه ....حبيبي ستحشتك
مرام/حتا اني حبيبي
حمزة/عيونه دموع... شن درتي اليوم وشن صار معاك احكيلي
مرام/شي كساد ونوم وملل حتا جامعة مامشيتش
حمزة/يدعي في خاطره لا مرام قليلي وراسك وقعد ماحمزة يقصقص شي مبتش تقوله هدرز معه وصكر
حمزة بيهبل بس قاعد مش مصدق حتا حاجة مش مصدق روح لي الحوش وقاعد يفكر وخلاص
.................................................................
اصبح....
اسوة في العمل
مرام في الجامعة
مراة حراري مشيت لي صحبته بيمشو لي السحارت
الكاسر مشي لي المعرض
اصيل مشي هو وجاسر لي قيس
مهند راقد
.................................................................
في المستشفة.......
نبيله /في المستشفة وتشبح في اسعد من بعيد يدور فيها بس
وجدان /جت تجري... نبيله اسعد اهني
نبيله/ردي بالك تقليله اني اهني
وجدان/نقله قهرتا الحقير هدا
نبيله/وحيوان ...وبدات تبكي تفكرة انه كانت تحبه
وجدان/تبكي ع واحد حقير زي هدا
نبيله/حبيتا يا وجدان حبيته وقاعده نحبه ومعاش عارفة كيف نتخلص منه كيف نكره
وجدان/ردي بالك يحن قلبك وترجي تكلميه واحد حقير وقلتلك عليه من قبل وشفتي بروحك انتي مضيعيش مهند يا نبيله الولد يحبك مفيش ولد في دنيا راه يخطب ودره وعارف متحبشي لي انه يحبك خودي الي يحبك مش الي انتي تحبيه
نبيله/خلاص معاش تقلولي مهند مهند كرهتوني فيه اكثر ما اني كرهتا.... وخشت لي الحمام قاعدة تبكي وتتفكر في ايامه مع اسعد
.................................................................
اصيل وجاسر في سيارة.....
اصيل/يسوق تي خيره جوك هكي بارد الايام هدي شن فيه
جاسر/تصدق من يوم مشفت الي نحبه قبل جوي مش تمام
اصيل/علاش خيرك
جاسر/مش عارف هكي اخي جو اخي عليه دنيا جديات.... وحط مرفقه ع حشيت الروشن وكف يده ع خده وسرحان
اصيل/جاسر قصدك قاعد تحبه
جاسر/مش نحبه بس من لما شفته واني الماضي كله رجع تصدق لما شفته حسيت بي نفس احساس لما كنه نتلقوا كيف نفرح بيها.... حط يده ع عيونه مسح ع وجه.... مش مصدق مر العمر وهيا تزوجة الي كنة نحلم بيه مش عارف كيف اسهية عليها وربي ماني مصدق الي صار
اصيل/جوبني انت قاعد تحبه
جاسر/شن فيدت نحبه او لا هيا متزوجة وربي يسعده
اصيل/جوبني
جاسر/والله قاعد نحبه
اصيل/عندك علم انه المراة اطلقة يوم الي شبحته
جاسر/تلفة ليه ...شنو تقول انت بلا جو
اصيل/وربي العزة الا طلقة يوم الي شبحته
جاسر/علاش كيف علاش طلقة
اصيل/راجله واعر وع حسب علمي هيا عقيمة ومتجيبش في الصغار ودوة زي هكي المهم حلين خطيبة الكاسر شاده القضية
جاسر/لا حول الله ياربي
اصيل/من حضك هدا لو انت تبيه حق تخده توا
جاسر/لا شن نخده ياراجل
اصيل/وخيره عادي كان تحبه خوده ولا لي انه مطلق ومتجيبش في للصغار معاش تبيه
جاسر/لا مقلتش هكي اني غير فوت الموضوع توا ...وقاعد جاسر يفكر في احلام وايام احلام وحب الي بينهم سنين
.................................................................
عند مرام......
مرام كيف طلعة من المحاضرة هيا وريما
ريما/هيا نخدو كاكاو ونقعمزو في شرانا
مرام/به هي
ريما/جته رساله من حمزة ...انتو وين متقليش لي مرام اني بعتلك رساله اني مستحشه ونبي ندرلها مفجاة ...ريما ردة عليه احني في مكان الي ديما نقعمزو فيه شرانا
وخدو كاكاو ومشو قعمزو
حمزة/وصل درس سيارة ونزال ويدعي في خاطره انه كله كدب وقلبه يدق وعيونه حمر وبين عليه الزعل والوجع الي فيه واقف قدام مرام
مرام/تفجات بيه بتسمت.... حبيبي ههه
حمزة/صباح العسل ...وغمزاله
مرام/صباح الورد ياعمري احلا جيا ...وكانة فرحانه بي حمزة
حمزة/فرحان بيه ومن دخله نار تحرق فيه ... مرام اعطني تلفوانك شويا
مرام/مددتله تلفوان ...هاك ها.... ومبتسمه
حمزة/شده مع يدها.... تعالي معيا نبيك شويا
مرام/به ريما شتات بحداك
ريما/باهي به
حمزة/شد يد مرام ومشي هو ويها لي سيارته وضغط ع يده
مرام/فرحانه انه حبيبه جنبه ومبتسمه واول مره يشد يدها قدام الناس وتشبح لي حمزة ...ههه
حمزة/ههه خيرك تضحكي ....وفتح باب السياره ...اركبي هي
مرام/ركبة... فرحانه بس هههه
حمزة/دوم فرحانه يروحي... وصكر الباب
مرام/اجمعين يارب
حمزة/ركب جنبه في كرسي اسواق ويشبحلها.... مرام
مرام/تشبحله
حمزة/انتي تحبني... ويشبح لي عيونها
مرام/والله نحبك ونموت فيك ....ومبتسمة
حمزة/واني نموت فيك ياروحي .....وفتح تلفونها يفتش فيه
مرام/شن دير.... وتشبح لي حمزة
حمزة/فتش فتش ملقي شي فتح الفايبر يشوف في رسائل لقي ملاك فتح وبدي يمشي في رسائل ويقراء وقلبه بيوقف يشبح في صور ووالكلام ومش مصدق بيهبل ويقراء... مرام
مرام/نعم حبيبي
حمزة/شبحلها.... انتي في ناس امس جو يخطبو فيك
مرام/حبيبي هو في صح بس
حمزة/مداله تلفون وفتح ع دردشة.... ملاك هدا الي تخني فيه معيا هدا الي نتصال بيك ومترديش عليا لي انه انتي مع امس وجي يخطب فيك ...ويشبحلها
مرام/تشبح في رسايل ومش مصدقه وشبحت ليه ....لالا والله متفهم غلاط الله حبيبي حمزة والل ماني والله في في حاجة غلاط
حمزة/عيونه دموع تكا ع الكرسي..دظ قليلي شنو الغلاط كله واضح صورك كلامك انتي ويه الكدب الي كدبتي عليا امس نتصال بيك مترديش عليا ونقول علاش تزعلي بسرعه ومعاش تبي تكلمني تريتك عندك غيري يامرام... وشبحلها....عمري متخيلتك انتي تخنيني
مرام/بدات تبكي... لالا والله مخنتك والله فهم غلاط والله مانحب حد غيرك والله في غلاط والله ما اني الله وشدة يده.... حبيبي اني مندرهش انت تعرفني والله مقتلكش ع الخطبه لي انه نبيش نزعلك بس بس منعرفشي والله العظيم منعرفه
حمزة/فك يده من مرام يشبح لي المرش..... انزالي
مرام/حمزة وراسك اعطني فرصة نشرحلك والله ماخنتك والله نحبك انت الله مش اني الي ندير هكي حبيبي..... وتبكي
حمزة/يعيط علها.... انزالييييي قلتلك.... ميبيش يشبحلها
مرام/منيش ننزاله حبيبي وراسك اسمعني ...وتبكي
حمزة/يخبط في دومان ...اتزالي انزالي.... ودموع في عيونه
مرام/نزالة وتبكي وتترج فيه وهو صكر ارسه ميبي يسمعه صكرة باب سياره حمزة طلع يجري مرام مشت تجري لي ريما تبكي
ريما/خيرك خيرك
مرام/منهارة وتبكي.... خوك خوك يحسبني نخون فيه وعطته تلفون
ريما/حي هدا شنو
مرام/والله والله مانعرف الله منعرفش منو هدا منعرفشي وحق ربي
ريما/غير اهدي فهمني
مرام/تبكي وتحكي لي ريما شن صار
ريما/مصدومه وعارفه مرام مدرهش
مرام منهارة وتبكي وتتصال بي حمزة ميردش علها بتهبل وريما تهدي فيه
.................................................................
عند حمزة......
حمزة/من صدمة المور تخلطة عنده معاش فهم روحه روح طول لي الحوش ....يمه يمه
صباح/طلعة من المطبخ ...انعم
حمزة/عيونه حمر.... نبيك تخطبلي خلال اسبوع هدا نبي كل شي يتم ونحدد العرس
صباح/علاش مستعجل
حمزة/اني نبي هكي
صباح/به ان شاءالله
حمزة/وركب لي غرفة رقد ع سريره ويشبح لي صقف ويتفكر في هند ومرام كيف خنو ازوز وخنقتا العبرة يبيش يبكي وشد راسه..... معقوله هكي يا مرام معقوله ياربي نحب تنين يخنوني علاش علاش هكي اني يصير معيا علاش الي يحب بي صدق يطلع مضحكه علاش اني معنديش حظ علاش كل شي نبيه ميصيرش علاش كل حب يجرحني علاش بس شن سبب شن الي درته شن الغلاط الي درته باش يزجوني هكي ....وبدو دموع ينزالو منهار ع الاخير وموقف وصور والكلام حط يد ع قلبه ويد ع عيونه .....اااه ياقلبي قدش مدمرتني
.................................................................
عند دكرة...........
مراة حراري ذكره مشيت هيا وصحباته في سيارة
ذكره/غريبه معهانش وين مشت
سوميا/والله قلتلي الي تخدم معها مسافرة لي المغرب بعد شهر بتروح
ذكره/حي هلبا واني نبيه توا
سوميا/والله هدا الي صار
ذكره/به شن المشكله حتا بعد شهر.... وفي خاطرها والله حظك يا اسوة وبعد شهر توا نوريك نخليك لالليلك لليل ولا نهارك انهار
.................................................................
عند اسوة ......
لهية في الخدمة تصالة ريما بيها
اسوة/ايوه ريما
ريما/اسوة اختك تبكي منهار تعالي توا ضروري
اسوة/واقفة... خيرها
ريما/مش عارفه هيا وحمزة موضوع كبير غير تعالي نفهموك
اسوة/جاية هي ...وخدت شنطته ومفتيح وطلعة تجري ركب سيارته ومشت لي الجامعة
.................................................................
في المول.......
اصيل وجاسر وصلو لي المول المشترك بينهم قيس وامجد موجدين خشو دارو دورة وقعمزو في المكتب الاربع
اصيل/وين مهند وحمزة
قيس/راقد هداكه توا نقله بعدين هو حمزة المهم البضاعة حتوصل في بداية اشهر الجديد
جاسر/كويس تمام
قيس/المرة هدي مفيش هروب ايدكم معيا مدخنيش فيكم حني بنجبوها من المينا
اصيل/تمام قلنا من يوم الي قبله وعادي
قيس/تمام ميه ميه
امجد/رن تلفون.... نستادن ...وطلع برا رد.... ايوه ياكريم
كريم/شنجو يا راس
امجد/ميه ميه شن جوك انت
كريم/مليح بنقلك فيه حرقا بعد اسبوعين شنو منو
امجد/لالا فوته متع اسبعين جاية نبي في بداية اشهر الجديد نبي نحضر عرس اشباب وبعدين زي ماقلتلك بنمشي من غير محد يعرف ومن غدي نكلمهم
كريم/تم توا نشفلك
امجد/بينا ياكريم نبيش الشباب يعرفو
كريم/عيب تم قلنا لكن اشرف الفنصة ضروري حيعرف لي انه حتا هو يبي في بديت شهر اجديد
امجد/لالا اشرف اموري معه تمام مدور شي
كريم/تمام هي سلامة توا
امجد/سلام ....وصكر ورجع مع الشباب ادخل
.................................................................
عند الكاسر.......
الكاسر/يتصال بي اسوة متردش عود مرة تانية
اسوة/كيف درسة سيارة في الجامعة ونزلة تجري تلفون في يدها يرن ردة.... الو
الكاسر/هلا حبيبتي خيرك مترديش
اسوة/اني في الجامعة شويا ونكلمك
الكاسر/علاش
اسوة/مرام مش عارفة خيره
الكاسر/شوفه وكلمني لو في شي نستنا فيك
اسوة/به سلام ....وصكرة تصالة بي ريما ...انتو وين
ريما/جهت الكفترية
اسوة/صكرة ومشت تجري ليهم وصلت فيهم.... خيرها خيرها
مرام/تبكي تبكي منهارة يا اسوة يحسابني نخون فيه نخون فيه والله مدرته ولا خنتا الله
اسوة/غير اهدي شويا وتعالي ... نوضته.. خلاص معاش تبكي... ورفعته لي سيارة
ريما/وراهم شاده شتات وشنطة مرام
اسوة ركبة مرام في سيارة وريما كربت من الخلف
اسوة/فهمني من غير دموع شن صار
مرام/تبكي... هو هو جي وقلي عطني تلفونك وفتحه وسالني جو خطابه قلتله اي فتح تلفون ولقي دردشة هدي ...وتبكي ...والله منعرفه والله ما اني الله
اسوة/وينه دردشة ورهلي
مرام/تبكي وفتحت تلفون ....هكي ها شفي
اسوة/خدت تلفون شبحت دردشة وشبحت لي مرام
مرام/تبكي... والله مااني يا اسوة والله مانخونه اني نحبه وانتي تعرفي
اسوة/اهدي عارفه مش انتي املاء متعك طالعة زرده وهدي ملاء مشاءالله متع وحده شاطرة في الملاء
ريما/هو اني ركزة في شي هدا بس كيف حمزة صدق مش عارفه
مرام/تبكي ...معقوله معقوله حمزة ميصدقنيش
اسوة/اهدي خلاص خليه توا توا يهداء ويكلمك
مرام/لالا نبي نفهما توا نبيشي يزعل مني اني نحبه نبيش يفهمني غلاط منبيشي يحس لو دقيقه انه اني خنتا اني مخنتشي مخنتشي ....وتبكي
اسوة/خلاص مرام سادك بكي والله حيعرف ويرجعلك ويفهمك لو يحبك حق حيصدقك ويكلمك خلاص ولعة سيارة
ريما/خلاص اهدي توا نروح نكلمه
وروحو
.................................................................
عند ريما.....
ريما روحت لي حوش
ريما/خشت لي المطبخ لي امها.....يمه حمزة وين
صباح/في داره
ريما/به ...وجت بتطلع
صباح/علاش
ريما/نبيه في موضوع بس متع القراية
صباح/به
ريما/ركبة تجري طق ع باب حمزة
حمزة/مخنوق ...شن تبي
ريما/نبي نكلمك انت فهم مرام غلاط والله مضلومة
حمزة/الموضوع متكلمنيش عليه خلاص موضوع وتسكر
ريما/غير خلني نفهمك بس
حمزة/عيط علها.... ريماااااا تم الموضوع قلنا ردي بالك توحلي تكلمني عليه
ريما/خفت منه... تمام به برحتك .... ومشت لي دارها قاعدة تفكر فيهم زوز
.................................................................
في حوش الحجاري ....
اسوة/في دارهم ...انتي تلفونك لي من تعطي فيه
مرام/تبكي في سريرها..ظ والله مايشد فيه واحد غيري اني وحمزة بس عمري ما عطيتا لي حد يشده حتا ريما منعطيش فها تشده
اسوة/به كيف هكي صار فيه حاجة دوخ وكيف عرف حمزة انه في حاجة في تلفونك غير اعطني الرقم
مرام/مدتله تلفون
اسوة /خدت رقم وكلمة حيدر وعرفة انه رقم نفسه الي جي خطب كيف صار هكي مفهموش
.................................................................
فات اليوم مرام ربك علم بي حالته تتصال بي حمزة حطها في الحضر بتهبل مر يوم وتنين و3 ونفس شي كل ميحولو يفتحو لي حمزة الموضوع خواته ينوض فيهم مرام كلمتا من جميع تلفونة العيله لما يسمع صواته يصكر وهيا بتهبل تبعتلا في رسائل مش معبرها خلاص كلمتا اسوة مباش يكلمه
حتا صحابه مش فهمين علاش سيب مرام وخطب غيرها لا الكاسر فهم علاش لكن مقال لي حد ودار فضانية
.................................................................
اما هند......
وهند تحسابه بيرجع لها هيا جت ع راسها
هند/كيف هكي ادنيا تلخبطة هكي لكن المهم متخدشي هيا وخربت بينهم
.................................................................
اما حمزة......
مفكرش نهائي يعطي فرصة لي مرام تشرحله او يسمعه نهائي من صدمه نهار بيصلح الغلاط بي غلاطة تانية معنا قلبه مع مرام بس شي الي صار خله يخد قرار انه زواج اتقليد خير وخطب ودار فاضنية ومش راضي ع نفسه نهائي لكن المهم عنده خطب محولش انه حتا يعرف من وراء رسالة هدي من لما شاف دردشة وصور خلاص معاش يبي يعرف شي
(هدو ناس الي تخد قرار من غير ماتفهم وتصلح في الغلط بي غلاطة جديده)
.................................................................
عند مرام.........
مرام /في دارهم تعيط وتريش في شعرها وتندب في خدودها..... حي عليا حي عليا خطب ودار فضانية ياحليلي ياحلي.... وتخبط ع وجها
اسوة/تشدلها في يديها.... خلاص اهدي مرام بالله عليك اهدي خلاص حبيبتي هو لو يبيك ويحبك مدار هكي
مرام/تخبط ع صدرها .ياحليلي ياحليلي نار والله نار محرها محرها يا اسوة... وطحت ع ركبها.... مباش يسمعني مباش يعطني فرصة نشرحله مباش يكلمني ياحليلي نحبه والله نحبه ....وتخبط ع وجها وع فخطهل.... ونبيشي لي غيري نتحملش نحملش والله منقدر نعيش منغيره يااسوة نقدرش حبيبي هدا متعي اني والله متعي اني.... وبتهبل
اسوة/تبكي معها.... خلاص وراسك خلاص مرام واللهي عارفه تحبيه بس هو مصكر راسه انه انتي خنتي.... وحضنته
مرام/في حضنهاوخلاش فشلة وتبكي..... ياربي ارفعني ومانشوفه مع غيري منبيش لحضه هدي قدام عيوني منبيش نشوفه يا اسوة منبيش😭
.................................................................
.................................................................
______________________________________

______________________________________

#Jule Akrsoa ℘₰ﮩ℘₰ﮩ℘₰ﮩ✍