ယဥ်ယဥ်ထွေး ဝေဖန်သုံးသပ်မှုအတွေးတို့ကို
ရပ်လိုက်၍ ခြံပြင်ဘက်ကြည်လိုက်လျှင် ကိုကြီးဒေါင်းမာန်အားထပ်တွေ့ရပြန်၍ သော်လင်းကို
လာရှာပုံပင်။" ဗျို့... ကိုကြီးဒေါင်းမာန် ဘာရှာတုန်း "
ဒေါင်းမာန်စကားပြန်ပြောရန် ပါးစပ်ပြင်တုန်းရှိသေးချိန်၌ ဖုတ်လူးတစ်ယောက် ရွာလမ်းရှိဖုန်များထအောင်ပြေးလာနေသည်ကို တွေ့လိုက်ရသည်။
" ကိုကြီးဒေါင်းမာန် ဘယ်လဲ "
" ဒီကို "
ဖုတ်လူးသည် ဒေါင်းမာန်၏စကားကိုပင် ဆုံးအောင်နားမထောင်တော့ဘဲ ယဥ်ယဥ်တို့ခြံဝိုင်းထဲ သို့ အမြန်ပြေးဝင်သွားခဲ့၏။
" ဘာဖြစ်လာတာလဲ "
" ဒေါ်လေး ဒေါ်လေး မြို့သားအကို ဟောဟဲ ကိုကြီးသော်လင်းလေ ဟောဟဲ..."
" အေးအေး ငါသိတယ် ငါသိတယ်၊ ဘာဖြစ်လို့လဲ ဘာလို့လဲ "
ဒေါင်းမာန် ဖုတ်လူးစကားကြား၍ ကလေးပေါက် စအား စိတ်ပူမှုသည် ငယ်ထိပ်ရောက်ရသည်။ ဘာဖြစ်လို့များလဲ။
" ဖုတ်လူး ဆက်ပြောလေ "
" အေးလေ ဆက်ပြော၊ သော်လင်းဘာဖြစ်တာလဲ "
" ကိုကြီးသော်လင်း ပျားတုတ်ခံထိလို့ "
" ဘာ ! "
" ဘာလို့ ! "
ကိုကြီးဒေါင်းမာန်နှင့် ဒေါ်လေးတို့၏ ပြိုင်တူထွက်လာသော အသံကြောင့် ဖုတ်လူးခေါင်းကိုသာ အ ဆက်မပြတ်ညိတ်လျက် ထောက်ခံလိုက်သည်။
ယဥ်ယဥ်ထွေး ခြံဝိုင်းကိုအမြန်ပိတ်၍ ဖုတ်လူးနောက် အမြန်လိုက်ခဲ့သည်။ ရွာဆေးပေးခန်း၏ ကုတင်ထက်ရှိနေသော သူငယ်ချင်းဖြစ်သူကို
တွေ့လိုက်ရချိန် သနားလည်း သနားမိသည်။
ရယ်(ရီ)လည်း ရယ်(ရီ)ချင်မိသည်။ ကုတင်ဘေးမှာတော့ မြဒင်ကို မတ်တပ်ရပ်လေး တွေ့ရသည်။" ဘာလို့ဖြစ်တာလဲ "
" ပျားဖွတ်ခေါ်သွားတာ အစက အကောင်း၊ ကိုကြီးသော်လင်းစကားပြောလိုက်လို့ အတုတ်ခံလိုက်ရတာ "
" ဘာပြောလိုက်လို့လဲ "
" ကိုကြီးသော်လင်းက ဝါး...မိုက်လိုက်တာ၊ ပျားကမကိုက်ဘူးလားဆိုပြီး ပါးစပ်ဆော့မိသွားလို့ "
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
အပိုင်း ၆
Start from the beginning