" နင့်ရွာအကြောင်း နင်တောင်မသိမှတော့ ငါလည်းဘယ်သိမလဲ၊ ယဥ်ယဥ် "
" ပြောလေ သော်လင်း "
" ကိုကြီးဒေါင်းမာန်က ဘယ်အပိုင်းမှာနေတာလဲ "
" ရွာနောက်ပိုင်းမှာလေ၊ ဘာလို့လဲ "
" ဒီတိုင်းပဲ သိချင်လာလို့၊ ခုသွားမှာ ဘယ်ဘက်အပိုင်းလဲ "
" မြောက်ပိုင်း၊ ရွာလယ်မှာ ဆုတောင်းပြည့်စေတီရှိတယ်၊ ခုငါတို့တောင်ပိုင်းကနေ မြောက်ပိုင်းသွားဖို့ အနောက်ဘက်ကပတ်သွားရမှာ၊ ဟော...
ရှေ့ကမန်ကျည်းပင်ကြီးနှစ်ပင်ကို တွေ့လား။ အဲဒါ ရွာသူကြီးခြံဝင်းပဲ "
" ယဥ်ယဥ်တို့ ဘယ်သွားကြမို့လဲ "
ယဥ်ယဥ်ထွေးနှင့် စွယ်သော်လင်းတို့နှစ်ယောက် သူကြီးခြံဝိုင်းအရှေ့ဖြတ်လျှောက်ချိန် ခြံအတွင်းပိုင်းမှ အမျိုးသမီးတစ်ဦးအသံကို ကြားလိုက်ရသည်။
" ကြာကန်ဘက် သွားမလို့ဗျို့၊ သူငယ်ချင်းကိုလိုက်ပြဖို့ "
" အေးအေး၊ မောင်ဒေါင်းလည်း ရွာဦးကျောင်းအတွက် ကြာသွားခူးတယ် "
" ဒါဆိုကိုကြီးဒေါင်းမာန်ကိုမှီအောင် မြန်မြန်သွားလိုက်မယ် "
" မှီမယ် မှိီမယ်၊ သွားတာဖြင့် မကြာသေးဘူး "
ကြာကန်အနားမရောက်မှီ ခပ်လှမ်းလှမ်းမှ လှမ်းကြည်လိုက်လျှင်ဖြင့် တွေ့ပါပြီး။ ကြာဖူးများ၊ ကြာရွက်များကြားရှိနေသည့် ကိုကြီးဒေါင်းမာန်။
" ဗျို့...ကိုကြီးဒေါင်းမာန် "
လက်ကိုဝေ့၍အသံပြဲကြီးဖြင့် ယဥ်ယဥ်တစ်ယောက် အနားမရောက်ခင်တည်းက အော်ခေါ်တော့သည်။ ပြီးလျှင် သော်လင်းလက်ကိုဆွဲလျက် ကန်ဘေးပြေးပြန်သည်။
" ယဥ်ယဥ်၊ ကလေးလေး "
" ကလေးမဟုတ်ဘူး၊ အသက်ပြည့်ပြီးပြီး "
" ဟုတ်လို့လားဗျာ "
" ဟုတ်တယ်၊ ကလေးမဟုတ်ဘူး၊ ကျွန်တော်မှာ
နာမည်ရှိတယ် စွယ်သော်လင်းတဲ့။ သိပြီးလား "
" ကိုကြီးနဲ့ယှဥ်ရင်တော့ သေးသေးကွေးကွေး ကလေးလေးပဲလေ "
" တော်ပါတော့။ ကိုကြီးဒေါင်းမာန်ကလည်း ယဥ်ယဥ်သူငယ်ချင်းကို အရမ်းမစပါနဲ့၊ တစ်လက်စတည်း ယဥ်ယဥ်ကို ကြာကြီးကြီးတစ်ပွင့်လောက်ခူးပေးပါအုန်း "
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
အပိုင်း ၂
Start from the beginning
