လုဖုန်း ဝိုင်ခွက်ကိုမြှောက်ပြလိုက်ပြီး ကလပ်မှ အမျိုးသားငယ်၏နာမည်ကို မှတ်မိဖို့ရန် ကြိုးပမ်းနေရတော့သည် ။
"ဘယ်သူလဲ အဲ့ဒီ....'ဆရှား'ရောဘယ်လိုနေလဲ ? "
[ဆရှားဆိုတာ အစောပိုင်းမှာပါတဲ့ ပီဆပါ ၊ ရှောင်းမော့ယွီနဲ့ငြိတဲ့တစ်ယောက်လေ ၊ Eng Translator က သူ'ပီဆ'ဆိုပြီး နာမည်ပြောင်ကို မှားပြန်မိပါတယ်တဲ့ ၊ 'ဆရှား'လို့ထွက်တာက ပိုသင့်တော်ပါတယ်တဲ့ ]
ရှောင်းမော့ယွီ၏အသားအရောင်သွင်ပြင်လက္ခဏာကား တစ်မုဟုတ်ချင်းပင် ပြောင်းလဲသွားလေတော့၏ ။
"ဆရှားက ဘယ်သူလဲ ?"
ကျန်းမီမီက သိချင်စိတ်ဖြင့် မေးလာခဲ့၏ ။
"နှစ်ယောက်သားက အရင်ကတည်းက တွေ့ဖူးတာလား ?"
ရှောင်းမော့ယွီ၏ပုံစံကား တည်ငြိမ်နေဆဲဖြစ်ကာ တုန်လှုပ်ခြောက်ခြားခြင်းမရှိ ။
"ငါတို့နှစ်ယောက်က အရင်တုန်းက တစ်ခါတွေ့ဖူးတယ် ၊ ဒါပေမဲ့ နောက်တစ်ကြိမ်ပြန်ဆုံရမယ်လို့တော့ ငါမထင်ထားဘူး ၊ နင်တို့နှစ်ယောက်က...ချစ်သူတွေလား ?"
ကျန်းမီမီက လုဖုန်းလက်မောင်းအား လာရောက်တွယ်ချိတ်ပြီးနောက်ဝယ် မိန်းမသားနှစ်ဦးကြားမှာ ယှဥ်ပြိုင်မှုကား စတင်ချေပြီ ။
"ဟုတ်တယ် ၊ ညီမတို့နှစ်ယောက်က အားကစားကလပ်မှာတွေ့တာလေ ၊ သူက ညီမရဲ့ရှစ်တိ ၊ ညီမက သူ့ရဲ့ရှစ်ကျဲ ၊ အစ်မတစ်ချက်ကြည့်လိုက်စမ်းပါ ၊ ညီမတို့နှစ်ယောက် မလိုက်ဖက်ဘူးလား ?"
ထိုသို့ပြောပြီးနောက်ဝယ် ကျန်းမီမီက လုဖုန်း၏လက်မောင်းကို တင်းကျပ်စွာချိတ်လိုက်ကာ ၊ ဟန်လုပ်ထားမှန်း မရိုးသားမှန်းသိသာလှသော အပြုံးမျိုးဖြင့် ရှောင်းမော့ယွီအား ပြုံးပြတော့သည် ။
ရှောင်းမော့ယွီက လုဖုန်းအား အတန်ငယ်သတိထားနေခဲ့၏ ။ ကျန်းမီမီ၏စကားအပေါ် တုံ့ပြန်ချက်တစ်ခုအနေဖြင့် အင်တင်တင်ဖြင့်ပင် ခေါင်းညိတ်ပြကာ တူညီသောမရိုးသားမှုမျိုးဖြင့် ပြန်ပြောလာတော့သည် ။
"လိုက်တာပေါ့ ၊ နင်တို့နှစ်ယောက်လုံး အတော်လေးလိုက်ဖက်တယ် "
YOU ARE READING
Flying Gulls Never Land [ဘာသာပြန်]
RomanceEnglish Title - Flying Gulls Never Land Original Author: Hui Nan Que (回南雀) Eng Translator : Jiraiya Status : 82 chapters ( 73 chapters + 9 extras) Generes: Drama , Mature , Psycological , Angst Chinese novel: Completed Eng trans : Ongoing ✔️Permissi...
51 - TEN YEARS
Start from the beginning