"ဟာ အစ်ကို ကျွန်တော်ပြောတာ ရိုးရိုးလေဗျာ"
ခြင်းမျက်နှာကြီးရှုံ့မဲ့ကာ ပြာပြာသလဲရှင်းပြရှာသည်။
သူ့ခေါင်းခါလိုက်ရင်း...
"သစ်သစ်လွင်ရဲ့ နောက်ကြောင်းက ရှုပ်တယ် LS groupရဲ့ရှယ်ယာရှင်တစ်ယောက်ရဲ့သမီးပဲ ဦးမင်းရဲခေါင်လို့ခေါ်တယ် ဒါပေမဲ့ အခုသေသွားပြီ ရှယ်ယာကလည်းတခြားသူဝယ်သွားပြီ သူ့နောက်ကြောင်းကိုစုံစမ်းမရဘူး ငါနောက်ကနေ ရှယ်ယာတောင်းဝယ်တာတောင် မရောင်းပေးဘူး
ပြီးတော့ သူ စားဖိုမှူးချုပ်ရာထူးနဲ့ ငွေအလွဲသုံးစားလုပ်ထားတာတွေလည်းရှိတယ် သစ်သစ်လွင် ဒီလောက်ထိလုပ်ရဲပုံထောက်ရင် သူ့နောက်မှာ နောက်ခံတစ်ခုခုရှိရမယ်""ကျွန်တော်ထပ်ပြီးစုံစမ်းလိုက်ပါမယ်"
သူ့ခေါင်းခါသည်။
"ထပ်ပြီး အရင်ကကိစ္စတွေအစမဖော်ချင်တော့ဘူး အလွဲသုံးစားလုပ်တာနဲ့တင် သစ်သစ်လွင်ကိုဖယ်ချလို့ရပြီ မင်းလည်းနားဦး ဝိုင်ကိုအချိန်ပေးဦး မိသားစုနဲ့ခရီးထွက်တာဖြစ်ဖြစ်အချိန်ပေးလိုက်ဦး မဟုတ်ရင် ဝိုင်ထပ်ပြီးထွက်ပြေးသွားလိမ့်မယ် "
"အဟွန်း "
ခြင်းရယ်သာရယ်နေသည်။ သူ့ပြောမယ်ဆိုလည်းပြောချင်စရာပင်။ ခြင်း ဝိုင်နဲ့သားကိုအချိန်မပေးတာ ကြာခဲ့ပြီမဟုတ်လား။ အချိန်မပေးခဲ့ပေမဲ့ ဝိုင်နဲ့သားကို အမြဲတမ်းစိတ်ထဲရှိပါတယ်။ မနက်စာကိုအတူတူစားပြီး ညစာကို အမှီပြန်စားပါသည်။ ဒါက မိသားစုမှာ နွေးထွေးတဲ့အပြုအမူတစ်ခုမဟုတ်လား။
"ဒါဆို ကျွန်တော့်ချစ်ဇနီးဆီပြေးလိုက်ဦးမယ်အစ်ကို"
ခြင်း ရယ်ရယ်မောမောနဲ့ထွက်သွားသည်။
သူ့လည်း ချစ်ရတဲ့ဇနီးနဲ့ ကလေးတွေဆီဦးတည်လိုက်သည်။~❣️~❣️~❣️~❣️~❣️~❣️~❣️~❣️~❣️~❣️~❣️~❣️~
သူ့အခန်းထဲဝင်လာတော့ ကလေးတွေနဲ့ ရာရာ ပီဇာစားနေကြသည်။ ဘေးနားမှာလည်း ဖျော်ရည်တွေရော တခြားမုန့်တွေရောစုံနေသည်။
သူ့အခန်းထဲဝင်လာတာမြင်တော့ သုံးယောက်သား သွားဖြီးပြီးရယ်ပြသည်။ သုံးယောက်လုံးရဲ့ပါးစပ်မှာ ပေပွနေသည်။
YOU ARE READING
ဦးဖန်တီးသောအချစ်သင်္ကေတ/ဦးဖန္တီးေသာအခ်စ္သေကၤတ (Season 2)[Completed]
Romance(၅)နှစ်ကြာပြီးနောက်ပိုင်း သူနဲ့ရာရာတို့ကြား အနှောင့်အယှက်တွေပေါ်လာခဲ့ပါတယ်။ "ကိုယ်မင်းကို ခဏခဏပြောဖူးတယ် ကိုယ့်ကိုယုံကြည်ပေးပါလို့လေ ဒါပေမဲ့ မင်းအမြဲတမ်းလုပ်ချင်ရာလုပ်တယ် နောက်တစ်ခါ ထပ်ပြောပါရစေ ကိုယ့်ကိုယုံပါ တခြားဘယ်သူ့ကိုမှ မကြည့်ဘဲ ကိုယ့်ကိုကြည...
Part(20)
Start from the beginning