Unicode
နှလုံးသားဖြင့် သီကုံးသော
"ဆရာမ ဂျုံဆောင်းဟီရဲ့ b, Book and Me ဘာသာပြန်စာအုပ် ရှိလားဟင်"
'ဟုတ်ကဲ့... ဘာသာပြန်စာအုပ်များဆိုတဲ့ စာအုပ်စင်မှာရှိပါတယ်'
"ကျေးဇူးပါ"
ကောင်တာက ကောင်မလေး လမ်းညွှန်တဲ့ စာအုပ်စင်ဆီ သွားလိုက်သည်။ b, Book and Me ရဲ့ ဘာသာပြန်ကို ဂျယ်မင်းဖတ်ချင်နေတာ နယ်သာလန်မှာကတည်းက ဖြစ်သည်။ ဒါပေမယ့် အခြေအနေမပေးတာကြောင့် မဖတ်ဖြစ်ခဲ့... အခုတော့ ဂျယ်ဟျွန်း ကိုရီးယားကို မရောက်ခင် ၂ရက်တာ အားလပ်ချိန်ရနေတာမို့ စာဖတ်ဖို့ကိုရွေးချယ်ပြီး စာအုပ်ဆိုင်ရောက်နေတာဖြစ်သည်။
ဘာသာပြန်စာအုပ်များဆိုတဲ့ စာအုပ်စင်မှာ လိုချင်တဲ့ စာအုပ်ကို လိုက်ရှာမိသည်။ အတော်ကြာရှာပြီးတဲ့နောက် တစ်အုပ်တည်းသော စာအုပ်လေးကို တွေ့သွားသည်။ ဝမ်းသာအားရနဲ့ ဂျယ်မင်း လှမ်းယူတော့ တခြားလူတစ်ယောက်ကလည်း အဲ့စာအုပ်ကို လှမ်းယူသည်။
"စိတ်မရှိပါနဲ့... ဒီစာအုပ်ကို ကျွန်တော် အရင်တွေ့တာပါ..."
"ဂျယ်မင်း?"
ရင်းနှီးနေတဲ့ ခေါ်သံကြောင့် ကြည့်မိတော့...
"အစ်ကို ထယ်ယုံး..."
သူ့ကို အံ့ဩစွာနဲ့ကြည့်နေတဲ့ ထယ်ယုံးကို မြင်လိုက်ရသည်။
"ဂျယ်မင်း... ဂျယ်မင်းမလား? ဟား... တကယ် ဂျယ်မင်းပဲ"
ဝမ်းသာစွာနဲ့ နှုတ်ဆက်တဲ့ ထယ်ယုံးကိုမြင်တော့ ဂျယ်မင်းလည်း ဝမ်းသာမိသည်။ သို့သော် ဝမ်းသာမှုထက် အံ့ဩမှုက ပိုသည်။
"အစ်ကို ထယ်ယုံး... မတွေ့ရတာကြာ..."
စကားမဆုံးသေးခင် ထယ်ယုံးက ဖက်လိုက်တာမို့ ဂျယ်မင်းစကားစပြတ်သွားသည်။
"ဒီလိုနေရာမျိုးမှာ မင်းကို ပြန်တွေ့ရမယ်လို့ မထင်ထားဘူး ဂျယ်မင်း..."
"ကျွန်တော်ရောပဲ... ကျွန်တော်တို့ တစ်နေရာ သွားပြီး စကားပြောရအောင်"
"အစ်ကို့ အိမ်ကို လိုက်ခဲ့ပါလား..."
ဂျယ်မင်းက ဆိုင်ထိုင်ဖို့ပြောပေမယ့် ထယ်ယုံးက သူ့အိမ်ကိုခေါ်တာမို့ ဂျယ်မင်းခေါင်းငြိမ့်လိုက်သည်။ တစ်ယောက်သောသူကို တွေ့ရမလားဆိုပြီးလည်း စိတ်လှုပ်ရှားမိသည်။
YOU ARE READING
Written By Heart [NoMin]
Fanfiction"စာအုပ်တွေက စကားပြောတတ်လား နိုနို?" "စာအုပ္ေတြက စကားေျပာတတ္လား ႏိုႏို?" NoMin 2nd Book (NoMin 2nd Myanmar Mini FanFic) Start Date - 31.7.2021 End Date - 6. 8. 2021 |Completed|