"ဪ ဟုတ်သား ပြောဖို့မေ့နေတာ စိမ်းလန်းခြံကို ကားတစ်စီးလွှတ်လိုက်ပြီးပြီ နင်တို့ကို ကိတ်အလှဆင်ဖို့ စတော်ဘယ်ရီသီး ကိုယ်တိုင်ခူးဖို့လွှတ်လိုက်တာ "
"ရှင်...ဘာကို "
"စတော်ဘယ်ရီ ကြီးကြီးလှလှလေးတွေ နင်တို့ကိုယ်တိုင်ဝင်ခူးခဲ့ သူဌေးကို ဖုန်းပေးလိုက် "
ရာရာစိတ်တိုပြီး ဘာမှမပြောနိုင်တော့။ ကစ်ကစ်ကဆောင့်အောင့်ပြီး သူဌေးကိုဖုန်းပေးသည်။
ခဏပြောပြီးတော့ ဖုန်းပြန်ပေးသည်။"ဆာကူရာ သေချာကောက်ခဲ့ ဒါက အပြစ်ပဲ ငါ့ကို မျက်စိဆံပင်မွှေးအောင်လုပ်တဲ့အတွက် အပြစ်ပဲ "
သစ်သစ်လွင် ခပ်ရွဲ့ရွဲ့ရယ်ကာ ဖုန်းချသွားသည်။
"ဒေါ်သစ်သစ်လွင်ကဘာလဲ ရာရာ ဒါကတမင်နင့်ကို အာဏာပြတာပဲ "
"ကစ်ကစ် "
"ဟင် "
"ငါတို့ မြန်မြန်ကောက်ပြီး ပြန်ရအောင် ငါအရမ်းကိုရန်ဖြစ်ချင်နေပြီ "
"စိတ်ထိန်းမမ ဒေါသကြီးတာ မကောင်းဘူး "
အရေးထဲ မင်းမင်းက တရားလာချနေ၍ ကစ်ကစ်မျက်စောင်းက မင်းမင်းဆီဒိုင်းခနဲပင်။
~❣️~❣️~❣️~❣️~❣️~❣️~❣️~❣️~❣️~❣️~❣️~❣️~
"မမ မမရဲ့ယောကျာ်းကိုတိုင်လိုက်လေ ဝန်ထမ်းကနှိပ်စက်နေတာကို "
စတော်ဘယ်ရီကောက်နေစဉ် ကစ်ကစ်အလစ်မှာ မင်းမင်းကစကားလာပြောသည်။
"ငါ့ရဲ့ယောက်ျားမှမဟုတ်တော့တာ ငါ့ဘက်ဘယ်ပါမှာလဲ "
"ဒါကတော့ မမက ရူးပြီးကွာရှင်းတာကို ခံပေါ့ "
"ကောင်စုတ် "
မင်းမင်းက စပြီးထွက်ပြေးလျှင် ရာရာကလိုက်ရိုက်သည်။ ပြေးရင်း လိုက်ရင်းနဲ့ ကစ်ကစ်ဆီဦးတည်သွားကြသည်။ မင်းမင်းက ကစ်ကစ်ကို ဝင်တိုက်မိ၍ မင်းမင်းရော ကစ်ကစ်ပါ မြေကြီးပေါ်လဲကျသည်။ နှစ်ယောက်လုံး မြေကြီးတွေပေကုန်သည်။
တိုက်တဲ့သူက ဘာမှမဖြစ်ပေမဲ့ တိုက်ခံရသည့် ကစ်ကစ်မှာ ရင်ခုန်ပြီး ဘာစကားမှမပြောနိုင်တော့ဘဲ ကြောင်နေသည်။
YOU ARE READING
ဦးဖန်တီးသောအချစ်သင်္ကေတ/ဦးဖန္တီးေသာအခ်စ္သေကၤတ (Season 2)[Completed]
Romance(၅)နှစ်ကြာပြီးနောက်ပိုင်း သူနဲ့ရာရာတို့ကြား အနှောင့်အယှက်တွေပေါ်လာခဲ့ပါတယ်။ "ကိုယ်မင်းကို ခဏခဏပြောဖူးတယ် ကိုယ့်ကိုယုံကြည်ပေးပါလို့လေ ဒါပေမဲ့ မင်းအမြဲတမ်းလုပ်ချင်ရာလုပ်တယ် နောက်တစ်ခါ ထပ်ပြောပါရစေ ကိုယ့်ကိုယုံပါ တခြားဘယ်သူ့ကိုမှ မကြည့်ဘဲ ကိုယ့်ကိုကြည...
Part(7)
Start from the beginning