"ဒေါက် ဒေါက် "
"ဥက္ကဌ မမလေးရောက်ပါပြီ "
"ဝင်ခဲ့ "
ဦးသူ့ရုံးခန်းကအရင်တိုင်းပဲဖြစ်သည်။ ရိုးရိုးရှင်းရှင်းလေးနဲ့ သပ်သပ်ရပ်ရပ်။
ရာရာ့ကို တစ်ချက်သာမော့ကြည့်ပြီး အလုပ်ဖိုင်တွဲကိုသာ ဆက်ကြည့်နေသည်။
"ဥက္ကဌ မမလေးကို ဘယ်လိုရာထူးနဲ့အလုပ်လုပ်ခိုင်းရမှာလဲ "
"စားဖိုဆောင်ကိုလိုက်ပို့လိုက်...အဲ့မှာ သစ်သစ်လွင်က ဘာလုပ်ရမလဲဆိုတာ ပြောပြပေးလိမ့်မယ် "
"ဟုတ်ကဲ့ "
"မမလေးသွားရအောင် "
"ခဏလေး..."
ဦးသူ့စကားကြောင့် သုံးယောက်သား သူ့ရှေ့ပြန်လှည့်ရပြန်သည်။
"နောက်တစ်ခါ ဒီမိန်းမကို မမလေးလို့ခေါ်သံကြားရင် အလုပ်ထုတ်ပြစ်မယ် ကြားလား..."
"ဟုတ် "
"ဟုတ်ကဲ့ "
ကောင်းနဲ့ရတီ တုန်တုန်ယင်ယင်နဲ့ကြောက်အားလန့်အား ဟုတ်ကဲ့ကြသည်။
"ကျေးဇူးပါဥက္ကဌ ကျွန်မလည်း အဲ့လိုအခေါ်မခံချင်ဘူး "
ရာရာ မျက်စောင်းပါထိုးပြီး အပြင်ကို အရင်ထွက်သွားသည်။ ရတီကချက်ချင်းလိုက်သွားပေမဲ့ ကောင်းက ပြုံးစေ့စေ့နဲ့ သူ့ကို ကြည့်နေသည်။
"ဘာကြည့်တာလဲ...သွားတော့ "
"ဟုတ်ကဲ့ ဥက္ကဌ.."
အားလုံးထွက်သွားမှ သူ့တစ်ယာက်တည်း ပြုံးလိုက်သည်။
"နောက်ဆုံးတော့ ကိုယ့်အမိန့်ကို မငြင်းနိုင်ပါဘူး ဘေဘီ..."
~❣️~❣️~❣️~❣️~❣️~❣️~❣️~❣️~❣️~❣️~❣️~❣️~
သစ်သစ်လွင်- LS groupရဲ့စားဖိုဆောင်မှာ စားဖိုမှူးချုပ်ဖြစ်ပြီး အလုပ်သမားတွေကို နေရာချစီမံပေးသူဖြစ်သည်။ အသက်(၃၀)အရွယ်ဖြစ်ပြီး အမိန့်ပေးတဲ့နေရာမှာ အရမ်းတော်သူဖြစ်သည်။
စားဖိုမှူးချုပ်ဖြစ်၍ ပွဲရှိသည့်အခါတိုင်း သူမတက်ရောက်ရသည်။ ထို့ကြောင့် ရာရာကို ဦးသူ့ဇနီးမှန်းသိထားသည်။
YOU ARE READING
ဦးဖန်တီးသောအချစ်သင်္ကေတ/ဦးဖန္တီးေသာအခ်စ္သေကၤတ (Season 2)[Completed]
Romance(၅)နှစ်ကြာပြီးနောက်ပိုင်း သူနဲ့ရာရာတို့ကြား အနှောင့်အယှက်တွေပေါ်လာခဲ့ပါတယ်။ "ကိုယ်မင်းကို ခဏခဏပြောဖူးတယ် ကိုယ့်ကိုယုံကြည်ပေးပါလို့လေ ဒါပေမဲ့ မင်းအမြဲတမ်းလုပ်ချင်ရာလုပ်တယ် နောက်တစ်ခါ ထပ်ပြောပါရစေ ကိုယ့်ကိုယုံပါ တခြားဘယ်သူ့ကိုမှ မကြည့်ဘဲ ကိုယ့်ကိုကြည...
Part(5)
Start from the beginning