وردتى الجميله

الفصل الثالث عشر

بدايه يوم جديد و اشراقه جديده

مازن : يا نوجااا ، فين الفطار

نجوى : يا بنى الناس الطبيعيه تقول صباح الخير ، مش فين الفطار

مازن : الناس الطبيعيه بقي

نجوى : طب بطل صيااح و روح صحى ادم

مازن بصدمه : صياااح ، انتى قعدتك ع الفيس يا نوجا فسدت اخلاقك

نجوى : اه صحيح ، خالتك ام على اللى فوقينا كانت عندى امبارح ، وكانت بتقولى ان ابنها على عمالها بتاع كده بتزل عليه صور

مازن باستغراب : صور ، ده اسمه ايه كده

نوال وهى تقلب البطاطس الفطار : انا عارفه بقى ، قالت كده اسمه حاجه كده فيها غراب

مازن : غرااب ، غراب ايه اللى بتنزل عليه الصور

نجوى : انا عارفه بقي ، هو بتاع كده شبه كاميرا بتاعت الاستديو

مازن بصدمه : انستجراااام ، ام على عندها انستجرااام ،

نجوى بفرحه: اصماله عليك يا ابن بطنى ، هو اللى اسمه غراب ده ، ابقي اعملى واحد بقي عليه

اسامه : انا لما اشوف اللى اسمه على ، بيضحك على امه علشان تخليه ينزل يلعب كورة فى الشارع

نجوى : والنبى شكلك ما بتفهم فيه اصله ، يلا انا خلصت الفطار اهو ، روح نادى ادم بقي

مازن وهو يضع فى فهم بضع الطماطم المقطعه: سبيه نايم ، ده فضل سهران فى المستشفى

نوال بحنيه: تعرف يا واد يا مازن ، لما جيه امبارح وحكالى عن ورد دى و انها الحمد الله فاقت ، فرحت من قلبي ، و حسيت بالفرحه جوا عين ادم

مازن : اكيد ياامى لازم يكون فرحان ، الكل كان معتمد عليه ، والحمد الله ثقه اهلها مرحتيش ع الفاضى وعمل اللى عليه اهو

نجوى وهى تقوم بوضع الاطباق ع السفر : الحمد الله، بس برضو حاسه انى الموضوع ده فى ان كده ، وان ادم وراه حاجه بسبب الفرحه دى

مازن: حاجه ايه بس يا عم كرومبو بس

ادم وهو يضرب مازن ع مؤخرة راسه : بتغلس ع نوجا ليه ياض ع الصبح

مازن: يخربيت ايدك يا شيخ ، ايه مرزبه

ادم بضحك: صباح الخير يا نوجا

نجوى : صباح الورد يا حبيبى

مازن : هو انتى يا ست لقيتنى قدام باب جامع و انا معرفش ، عماله تدلعى فيه فى الراحه والجايه

ادم : ياساتر ع الحقد والغيره

نجوى : بس بس منك ليه ، كل واحد يخلص فطار علشان يتكل ع شغله ، وانت يبتاع الجامعه انت ، عملت ايه مع قليله الربايه دى