At sa pakikipag isa ng mga ito sa mga Prinsipe ng impyerno na magpapakita sa kanila ng eksaktong alas dose ng haying gabi kung saan ganap ng pula ang buwam at napakalaki na iyon
Nasa malawak na bulwagan ang sampung malalaking kulungan kung saan naroroon ang kanilang mga pagkain at ang alay sa mga Prinsipe ng Impyerno
Nakahanda na ang lahat dahil nasasabik na sila makita ang pag babagong anyo ni Apollo sa tulong ng mga iyon
Lalo na si Serafino, nasasabik na masakop ang mundo ng mga mortal at ang kanilang kinalakihan
Hindi din nagpahuli si Greg, nandoon din siya para makita ang mga pagbabago sa mag ama
Hindi na nito isinama ang pamilya para walang sagabal kung mag kakagulo ang mga aswang at bampira sa oras na magbagong anyo si Apollo
Nandoon siya para kunwari ay suportahan ang mag ama pero kukuha lang siya ng ideya para paghandaan ang paglusob at pagsakop ng mga ito sa kanilang kaharian at kalupaan
Maging sa mundo ng mga mortal, engkanto at sa lahat ng mga elementong nabubuhay ay gusto ng mga itong masakop
Iyon ang ikinababahala nilang lahat dahil alam nila kung gaano kalupit ang mag ama
Kaya kailangan nila iyong paghandaan, dahil alam nila na ang lahat na masasamang elemento ay agad na sasanib sa mag ama maliban sa mga mabubuti at puting elemento na kalaban ng mag ama
**********
Mabilis na naglalakad ang magkakaibigan papunta sa bukana ng Baryo Argua na ng mga sandaling iyon ay nagtitipon na ang lahat ng klase ng mga aswang
Nakapaikot sila sa isang malaking apoy kung saan nagliliyab iyon ng napakalaki na nagsisilbing ilawan ng mga aswang na nakapaikot doon at tila gumagawa ng ritwal
Napapaantada sila ng krus at ang ilan ay nagdarasal dahil sa takot na nararamdaman
"Napakarami nila," anas ni Kevin, nakadapa sila sa mga damuhan na nagtatago habang nakasilip sa mga bato na nasa unahan nila
"Ibat ibang uri ng mga aswang," ani ni Khael,"Halos nandito na ang lahat ng mga ito,"
"Dito na ba tayo mamamatay?," biglang tanong naman ni Aira na ng mga sandaling iyon ay nakaramdam ng takot
"Baka maging hapunan na tayo dito," napayakap naman si Trina kay Aira habang nakasilip sila sa mga aswang na nag iingay o nagdarasal
Tahimik lang na nakatingin at nakatitig si Yuri sa mga aswang na nagsasagawa ng ritwal
Nakabuo na siya ng plano kung paano nila sila makakaligtas sa sangkatutak na mga aswang
Kung paano nila makukuha ang mutya at kung paano nila malalabanan ang mga iyon
"Handa na ba kayo?," tanong niya,"May kalahating oras pa tayo para takbuhin ang puno," sabay turo sa puno na nasa di kalayuan sa mga aswang
Nagliliwanag iyon at nakikita nila ang puti at mabangong bulaklak nito na noon ay unti unti ng bumubuka
"Eksakting alas dose," ani niya,"Lalabas ang mutya at kailangang nandoon kana Khael," dagdag pa niya,"Saluin mo sapamamagitan ng iyong bibig ang mutya,"paalala niya
Nagkatinginan sila sa sinabi niya
"Kailangan sa bibig mo mismo iyon mahuhulog," sabi niya,"Ikaw lang ang nakakalapit sa puno, kami na ang bahala sa mga aswang, basta siguraduhin mo lang na makukuha mo iyon bago pa kami maging hapunan ng mga aswang," sabay tayo niya ay inihanda ang mga gamit
"Magdasal muna tayo," ani ni Sister Janelle, kaya naghawak kamay sila at pumikit ng sabay sabay habang nagdarasal para sa kanilang kaligatasan
"Handa na ba kayo?," tanong niya, niyakap nila ang isat isa na tila binibigyan ng lakas ng loob ang bawat isa sa mga kaibigan niya
Yumakap naman ang sila sa bawat isa na tila din humuhugot ng lakas ng loob at pag asa sa bawat isa sapamamagitan ng yakap nila
Matapos iyon ay pinunasan nila ang iilang luha na unti unti ng namumuo sa mga mata nila bago ngumiti at nagtawanan
Inihanda na nila ang bawat sandata nila dahil malapit ng maging ganap na pula ang malaking buwan at malapit ng bumuka ng tuluyan ang bulaklak
"Tara na!," tumakbo na sila pababa sa mataas na kinalalagyan nila, mabilis ang bawat kilos nila at walang pag aalinlangan na puntahan ang pakay nila doon
Tumakbo sila ng tumakbo papunta sa malaking puno na nagliliwanag dahil sa malapit ng bumuka ang bulaklak nito
"Mauna kana, Khael sa puno," ani niya ng makababa na sila sa kanilang pinanggalingan,"Kami na ang bahala sa mga aswang,"
"Pero paano kayo?," may pag aalalang tanong naman ni Khael
"Mas mahalaga na makuha mo ang mutya!," inis na galit niyang sabi at taboy doon,"Bilisan mo at matatapos na ang ritwal nila,"
"Kami na ang bahala dito,"sabi naman ni Kevin,"Susunod nalang kami,"
"Sige mag iingat kayo," bilin ni Khael bago pumunta sa puno na nasa di kalayuan sa kanilng pwesto, nililingon pa niya ang mga aswang na malapit ng matapos ang ritwal na ginagawa
Pasalamat sila dahil walang aswang na nakabantay sa puno at sa daan nila dahil abala ang mga iyon sa ritwal
Lumingon lingon sila sa kapaligiran habang naghahanda sila sa pakikipaglaban
Nang natapos na ang ritwal ay nakita nila ang mga aswang na nag uumpisa ng kumain ng kanilang mga alay
Ang mga dugo ng mga taong pinapatay ng mga iyon ay ipibapaligo nila sa kanilang mga katawan tanda para sa kanilang kalakasan at kapangyarihan
Umuungol.ang mga aswang na naliligo sa sariwang dugo ng mga taong kanilang pinatay, habang nagiging ganap na ang pagpula ng buwan, kaya napatingala din sila sa kalangitan
Kulay dugo na ang buwan ng mga sandaling iyon, kinabahan na sioa dahil nagbago na ang mga anyo ng aswang na naging mabagsik at naging mas malaki sa kanila
Kumakain ang mga iyon na tila gutom na gutom at hayok na hayok sa laman ng tao, halos maubos na nila ang lahat ng laman ng tao bago nilubayan ang mga iyon
Tanging buto nalang ang makikita sa harapan ng mga iyon, habang nilalasap pa sa bawat daliri ang dugo na naiwan doon
Nang matapos na ang ritwal at pagkain ng mga iyon ay napalingon ang mga aswang sa kanila ng mapansin sila at maamoy
Lalo na ang isang lalaking tumatakbo papunta sa puno ng Arguas, kaya sumasingasing na sa galit ang isang matandang Manggar na binigyan ng hudyat para sumugod sa mga taong lumapastangan sa kanilang Baryo
Kaya napahanda na silang magkakaibigan, habang si Khael ay nakatingala sa mismong tapat ng bulaklak na namukadkad na at unti unti ng iniluluwa nito ang mutya mula sa loob
Ang ilang mga aswang ay lumipad papunta sa puno kung nasaan si Khael, para patayin iyon at kainin nila para hindi makuha ang mutya
**********oo**********
Read.Vote.Comment
Maraming Salamat Po!
Ayan na po mapapasabak na naman sila sa labanan👊👊👊👊
Kaya niyo yan, kakayanin ninyo alang alang kay Khael💪💪💪💪
YOU ARE READING
Khael Moon: Ang Prinsipe ng mga Aswang Season 02(COMPLETED)
HorrorHalina at samahan po natin ang buhay at pag ibig ng ating Mahal na Prinsipe na si Khael Moon Kaya abangan po natin ang kanilang pakikipaglaban sa kanyang mga kalahi Lalo na sa kanyang tiyuhin na si Haring Serafino at sa kanyang mga pinsan Abangan ku...
Chapter 51
Start from the beginning