Flying Gulls Never Land [ဘာသာပြန်]

YOU ARE READING

Romance

English Title - Flying Gulls Never Land Original Author: Hui Nan Que (回南雀) Eng Translator : Jiraiya Status : 82 chapters ( 73 chapters + 9 extras) Generes: Drama , Mature , Psycological , Angst Chinese novel: Completed Eng trans : Ongoing ✔️Permissi...

#angst #angstwithhappyending #bl #chinesenovel #feioubuxia #flyinggullsneverland #myanmartranslation #prison #psychological #suicide #tragedy #translation

40-EVEN IF EVERYONE DISAGRESS,I WILL STILL FORGE MY WAY

Start from the beginning

by noya_shimizu

တံခါးဘဲလ်မြည်လာခြင်းနှင့်အတူ ရိတကျွမ့်နှင့် လုဖုန်း တစ်ယောက်ကိုတစ်ယောက်ကြည့်လိုက်မိသည် ။ ထို့နောက် လုဖုန်းက အိပ်ခန်းဆီအလျင်အမြန်လျှောက်သွားလျက် ရိတကျွမ့်ကမူ 'လာပြီ ၊ လာပြီ'ဟုအော်ကာ တံခါးဆီဦးတည်လျက် ။

မိမိနောက်ပါးဆီမှတံခါးကို အသာအယာစေ့ပိတ်လိုက်ချိန်တွင် အိမ်အဝင်ဝဆီမှ ရိတကျွမ့်၏အသံကလည်း ထွက်ပေါ်လာခဲ့ပြီ ။

"မင်္ဂလာပါ ၊ မင်္ဂလာပါ ၊ ခင်ဗျားက အာမခံကုမ္ပဏီကလူပဲဖြစ်ရမယ် ၊ အထဲကိုကြွပါ "

လုဖုန်း ကုတင်ခြေရင်းတွင်ထိုင်ကာ နံရံထက် ကပ်ထားသောတီဗွီကိုကြည့်နေမိသည် ။ ၄၂လက်မရှိသောတီဗွီမျက်နှာပြင်ထက် အပိုင်းလေးပိုင်း,ပိုင်းခြားထားပြီး တစ်ပိုင်းစီတွင် သက်ဆိုင်ရာလျှို့ဝှက်ကင်မရာမှ ပုံရိပ်များကိုပြသထား၏ ။

အာမခံကုမ္ပဏီမှ ငယ်ငယ်ရွယ်ရွယ်ပုံစံရှိသော ထိုလူက ရိတကျွမ့်နှင့်အတူ စားပွဲခုံတွင်ဝင်ထိုင်လျက် အိတ်ထဲမှ ထူထဲသောစာရွက်စာတမ်းများကို ထုတ်ယူဖို့ရန်ပြင်နေ၏ ။

"ဒါက ကျွန်တော်တို့ဖုန်းနဲ့ပြောခဲ့တဲ့ စီးပွားရေးအာမခံစာချုပ်ပါ ၊ အဆင်မပြေတာရှိမရှိ တစ်ချက်လောက်ကြည့်ပေးပါ "

ထိုလူက ရိတကျွမ့်ဆီ စာရွက်စာတမ်းကို ကမ်းပေးကာ ဆက်ပြောလာခဲ့၏ ။

"စုစုပေါင်းဆိုရင်တော့..."

ထိုလူက ဂဏန်းပေါင်းစက်ထက်မှ နံပါတ်ပေါင်းများစွာနှိပ်ပြီးနောက် စုစုပေါင်းတန်ဖိုးကို ရိတကျွမ့်အားပြ၏ ။

ရိတကျွမ့်ကား စာချုပ်ကို အကြမ်းဖျင်းပုံစံကြည့်ဟန်ဆောင်ပြီးနောက် ရုတ်တရက် နှာတံရိုးကိုလက်ဖြင့်ညှစ်ကာ

"ဘုရားရေ ၊ ကြည့်ရုံနဲ့တင် ခေါင်းမူးလာသလိုပဲ ၊ စာလုံးတွေက အရမ်းသေးနေေတာ့ ကြည့်ရတာအဆင်မပြေဘူး ၊ ကျွန်တော် ခင်ဗျားတို့ကိုယုံပါတယ် ၊ ခင်ဗျားတို့လို ကုမ္ပဏီကြီးတွေက ကျွန်တော်တို့လို သာမန်ပြည်သူတွေကို လိမ်မှာမဟုတ်လောက်ပါဘူး ၊ ခင်ဗျားပြောထားတဲ့အတိုင်း ကျွန်တော်လက်မှတ်ထိုးမယ် "