သော်တာယံက သေချာရှင်းပြလာတော့
"ဒါဆို ဘာလို့ ငါ့ကိုလူဇော် ဖြစ်ချင်နေတာလားလို့ ပြောတာလဲ ။ငါကလည်း သူ့သိက္ခါ အတွက်လုပ်လိုက်မိတာလေ။ ဘာလို့ ငါ့ကိုအပြစ်တင်ရတာလဲ"
ကျွန်တော်လည်း မွန်းကြပ်စွာ သိမ်းဆည်းထားရတဲ့ စကားလုံးတွေကို ဖွင့်ထုတ်အော်ကြွေးလိုက်မိတယ်။
မင်းဆက်က ကျွန်တော့်ပုခုံးတစ်ဖက်ကို ဖိကိုင်လာရင်း"မင်းလည်း ဒီခေတ်အကြောင်းသိတာပဲကွာ
သူကလူတွေကို ဂရုမစိုက်သလိုနေပြတတ်တာက သူ့
အကျင့်ပဲလေ။ သူ့ရင်ထဲမှာ မင်းကိုစိုးရိမ်နေတယ်။
ဒါပေမယ့် သူ့စိုးရိတ်စိတ်ကို အခြားသူကို ဘယ်လိုချပြရမှန်းသူမသိတော့ စကားတွေက နားလည်မှုလွဲစရာဖြစ်ကုန်တာပေါ့"ဒါဆို ဒီခေတ်က ဟိုတစ်ယောက်ကိုကြိုက်လို့ မဟုတ်ဘဲ ကျွန်တော့်ကို စိတ်ပူပေးခဲ့တာပေါ့။
ခေတ်ရယ် ငါမင်းကို နားလည်နိုင်ဖို့ ကြိုးစားရအုံးမှာပဲ။ ငါမင်းစိတ်ကို နားမလည်ဘဲ မင်းကို ဒေါသထွက်မိတာ တောင်းပန်ပါတယ်။
ခဏက ဒီခေတ် ဘာလို့ စိတ်တိုသွားတယ် ဆိုတာကို နားလည်သွားတာမို့ ဒီခေတ်နောက်လိုက်ကာ ရှင်းပြဖို့
အပြေးသွားလိုက်တော့သည်။
နောက်ကနေ သော်တာယံနဲ့ မင်းဆက် လှမ်းအော်နေတာတွေလည်း မကြားတော့ပေ။ကိုးတန်းဆောင်ရှိရာဆီအလျင်မြန်ပြေးသွားပြီး
ဒုတိယထပ်က ကျွန်တော့်တို့အခန်းရှိရာဆီ လှေကားထစ်တွေကျော်တက်ကာ တစ်ယောက်သောသူကိုရှာဖွေနေမိတယ်။ အခန်းထဲ ကြည့်တော့လည်းမတွေ့တာမို့ ကော်ရစ်တာတစ်လျှောက်ပြေးလွှားနေမိတယ်။
အခြားသူတွေ၀င်တိုက်မိတာလည်းsorryလို့သာ ပြန်အော်ထားနိုင်ခဲ့တယ်။
နောက်ဆုံးတော့ တွေ့ပါပြီ အဆောင်နှစ်ခုကူးတဲ့ လမ်း
စင်္ကြာန်က ခုံလေးမှာ လမ်းဘက်ကိုနောက်ကျောပေးထိုင်ကာ ပုံဆွဲနေတဲ့ သူရဲ့ ချစ်ရသူလေး။သူ့ဆီမသွားသေးဘဲ နောက်နားမှားရပ်ပြီး အမောဖြေပြီးမှ သူ့ဘေး၀င်ထိုင်လိုက်တယ်။
တစ်ချက်လှည့်ကြည့်လာပြီးမှ ကျွန်တော်မှန်းသိတော့
ဆွဲလက်စ စာအုပ်ကို ပိတ်ကာ ထွက်သွားဖို့လုပ်တာမို့
လက်ကောက်၀တ်လေးတစ်ဖက်ကို ခပ်တင်းတင်းလေးလှမ်းဆွဲလိုက်ရတယ်။
ကျွန်တော့်ကို စိတ်ဆိုးနေတုန်းထင်ပါတယ် မျက်နှာလေးက နီရဲနေကာ ကျွန်တော့်ကိုလည်း မကြည့် ခေါင်းငုံ့ကာ ကြမ်းပြင်သာ စိုက်ကြည့်နေတယ်။
![](https://img.wattpad.com/cover/239679462-288-k844795.jpg)
YOU ARE READING
ချည်မိနှောင်ကြိုး တည်တံ့စေ(ခ်ည္မိေႏွာင္ကျိဳးတည္တံ့ေစ)
Romanceစစ်မှန်တဲ့ ချစ်ခြင်းတွေဟာ ကမ္ဘာခြားနေတဲ့ သူနှစ်ဦးကိုတောင် ဆုံစည်းစေနိုင်တယ် ကိုယ်တို့ရဲ့ချစ်ခြင်းတရားတွေသာ စစ်မှန်မှုရှိခဲ့ရင်.... စစ္မွန္တဲ့ ခ်စ္ျခင္းေတြဟာ ကမၻာျခားေနတဲ့ သူႏွစ္ဦးကိုေတာင္ ဆုံစည္းေစနိုင္တယ္ ကိုယ္တို႔ရဲ့ခ်စ္ျခင္းတရားေတြသာ ...
Epi-20
Start from the beginning