အခုသူကပြန်စိတ်ကောက်နေတယ်ဆိုတော့ ကိုယ်က ဘာကိုချော့လို့ချော့ရမှန်းမသိပေ။ ကိုယ်စိတ်ဆိုးဖို့ ပြင်ထားတာတောင် ဘယ်ဆီလွင့်သွားမှန်းမသိတော့။
ကျွန်တော်လည်း သူနဲ့ အခုလို စကားမပြောဘဲနေရတာ အထီးကျန်ရတယ်။ သူပျော်မယ်ဆို ကျွန်တော်ဘာမဆို လိုက်လျောပေးမယ်လို့ တွေးလိုက်တာမို့
"ဒီခေတ် မနေ့က ငါမှားသွားတယ်
နောက်ဆို မင်းကိစ္စတွေကို ငါ့သဘောနဲ့ငါ ၀င်မစွက်ဖက်တော့ဘူးလို့ ကတိပေးတယ်။ မင်းဆီကို ဘာပဲပေးခိုင်းပေးခိုင်း ယူလာခဲ့ပေးမယ် ဟုတ်ပြီလား။
ဒါကြောင့် ငါ့ကို စိတ်ဆိုးမနေပါနဲ့တော့"မျက်နှာလွှဲထားတာမို့ ဘေးတစ်စောင်းလေးသာမြင်ရတဲ့ သူ့မျက်နှာ ဖွေးဖွေး လေးကို ကြည့်ပြီးပြောလိုက်တော့
"ဒါပေါ့ မင်းသေချာပေါက် ယူ ..လာ..ပေးသင့်တာ.."
ကျွန်တော့်မျက်၀န်းတွေကိုစိုက်ကြည့်ကာ ခပ်မဲ့မဲ့ မထီပြုံး တစ်ခုနဲ့ တစ်လုံးချင်း ပြောပြီး ထထွက်သွားသော
ကျောပြင်ငယ်လေးကို ငေးရင်း နားမလည်နိုင်စွာ ကျန်ခဲ့ရတာက ကျွန်တော်ပင်။"နှောင်းရိပ်ရယ် မင်းကို ပိန်းဥ လို့ပြောရင်လည်း ငါတို့အလွန်ဖြစ်အုံးမယ်"
ခေါင်းအသားရယ်ရင်း မင်းဆက်ကပြောတော့ သော်တာယံကပါ
"မင်းတို့နှစ်ယောက်နဲ့တော့ တကယ်ပဲကွာ တစ်ယောက်က တုံးပြီဆိုနှစ်ယောက်မရှိဘူး။ နောက်တစ်ယောက်ကလည်း စိတ်က လက်တဆစ် စကားပြောရင် ပြောချင်တာကတစ်မျိုး ပြောတာကတစ်မျိုး အချိုးမပြေ နဲ့ ။"
သူတို့ပြောတာကိုနားမလည်သလို ကြောင်တောင် ဖြစ်နေတဲ့ကျွန်တော့်ကို စိတ်မရှည်ဘူးဆိုတဲ့ ပုံစံနဲ့ သက်ပြင်းချကာ
" ဒီခေတ်က မနေ့က မင်းကိုပြောလိုက်တာက အဲ့စာကို လက်ခံထားလိုက်ရင် မင်းမထိခိုက်တော့ဘူးလေ။
သူ့ကြောင့်မင်းရုံးခန်းမှာခေါ်ဆူခံရတယ်ဆိုတော့ သူလည်း စိတ်မကောင်းဖြစ်နေတာ။ "
YOU ARE READING
ချည်မိနှောင်ကြိုး တည်တံ့စေ(ခ်ည္မိေႏွာင္ကျိဳးတည္တံ့ေစ)
Romanceစစ်မှန်တဲ့ ချစ်ခြင်းတွေဟာ ကမ္ဘာခြားနေတဲ့ သူနှစ်ဦးကိုတောင် ဆုံစည်းစေနိုင်တယ် ကိုယ်တို့ရဲ့ချစ်ခြင်းတရားတွေသာ စစ်မှန်မှုရှိခဲ့ရင်.... စစ္မွန္တဲ့ ခ်စ္ျခင္းေတြဟာ ကမၻာျခားေနတဲ့ သူႏွစ္ဦးကိုေတာင္ ဆုံစည္းေစနိုင္တယ္ ကိုယ္တို႔ရဲ့ခ်စ္ျခင္းတရားေတြသာ ...
Epi-20
Start from the beginning