البارت الثالث عشر
&
•
•
•
ردت اگلك
يم صور وجهك فحطنه
ونمنه فوگ اگزازهن نوم الهنه
فاطمة الصالحي
•
•
•
&
((بهذا البارت واللي بعده راح تكون الروايه من سود الابطال ))
.............
صارت الدنيا مغرب ونور مختفيه دخل يصلي ويدعي ربه يلگاها لأن مسح المزرعه مسح ومالگالها اثر ..
فجأه وهو گاعد يسبح اتذكر الكوخ مال عمال هو ابد مافتش بي كمل تسبيح ولم مصلايته
طلع بسرعه من البيت بدون مايرد ع احد
شافها جايه من بعيد تمشي وتتعثر ملابسها مليانه طين وراسها يجري دم وحاطه الشال ب اهمال على راسها
لما شافته قرب منها يركض بچت بقوه وحضنته
انصدم من حركتها بس حضنها يطمنها
علاء :- اشششش اني وياچ اني هنا بس باعيلي شو باعيلي (( حضن راسها ب ايده )) وين چنتي ليش هيچ حالچ .
نور ماجاوبته بس تهز راسها وتبچي مرعوبه .
علاء :- ملاك لتخوفيني گوليلي شبيچ وين چنتي ؟! احد وياچ مخوفچ مسوي بيچ شي لتخافين احچيلي ؟!
نور تحچي وهيه ترجف:- علاء رجعني لـ اهلي الله يخليك مااگدر هنا انت تريدني اموت جايبني اذا تريد اموت موتني خلي اموت قابله بس لاتبقيني هنا .
علاء سحبها لحضنه :- اششششش اسم الله عليچ تعاي ويايه للقصر لازم نعالج جروحچ وتحچيلي وين چنتي .
سحبها من ايدها للقصر وهيه تمشي بس بالها بعيد مو يمه ..
هو لازمها من ايدها وهيه متمسكه بيه برعب بـ اثنين ايدها وكل شويه تلتفت وراها
دخلها للقصر استقبلتها ايميليا وحضنتها
ايميليا :- اين كنتي ياعزيزتي لقد قلقنا جداً عليكِ!؟
نور ماردت ع ايميليا بس گالت برجفه :- اشعر بالبرد .
اخذها بسرعه بخوف وقلق عند المدفأه وسحب غطى قريب وحاول يدفيها اكثر وهيه ترجف
علاء گعد گدامها :- ملاك احچيلي وين چنتي ؟!
نور :- اذا گلت نور راح احچيلك .
علاء :- چنتي تردين تشردين ؟!
نور :- اتمنى بس مو بهاي الطريقه
علاء :- يا طريقه احچي !؟
نور :- چنت امشي استكشف المزرعه وفجأه شخص ضربني على راسي حسيت بحرارة الدم وفقدت صحيت ع مي يجري جوايه والمكان كله طين وبصعوبه گمت امشي من الم راسي .
علاء :- ماشفتي اللي ضربچ ؟!
نور ماردت گامت تفر بعيونها اذا تگوله او لا ماتريد تخسر ويليام متأكده ممكن يجي يوم ويساعدها بس ماتريد هسه ولا بهاي الطريقه .
علاء :- ملاك وين صفنتي ؟!
نور :- لا ماشفته گلتلك الضربه اجتني من وره وماشفت منو ضربني .
علاء بداخله شك من كلامها ...
..........
((نور))
ضحيت بدراستي وبفرحتي وبعمري علمود انقذ اخويه وتؤامي چنت مستعده اسوي اي شي بس حتى يرجع ..
حتى لو يموتوني مو ينطوني جاريه ..
أنت تقرأ
آسميتها جارية
Romanceروايتي الاولى _ تحكي قصة فتاة تضحي بحريتها من اجل ان تكسر قيود اخيها فتعاني الم الغربه وفراق الاهل تحت مسمى جارية وليس فصلية فـ ماذا سوف تفعل وكيف سوف تقضي حياتها وماهو مصيرها ؟!
