البارت العاشر
&
•
•
•
مشتولين
عاشرنه النده مفرعين
ولاگينا السموم ويبس عود التين
غدينه تراب ومتانين
#عبد_الكريم_القصاب
•
•
•
&
............
گاعدات هيه وامها وبيبيتها ووئام يسولفون ويشربون چاي بعد صلاة المغرب توهم مخلصين صلاة
ودخلو ابوها واخوانها راجعين من الجامع اخوانها مبتسمين وابوها شكله طبيعي لا مبتسم ولا مهتم
گعدو بعد السلام والدعاء بتقبل الصلاة وقدمت الهم وئام الچاي
هيه چانت تلعب لعبة ludo بتلفونها بس رفعت راسها بصدمه من كلام ابوها وحتى التلفون وگع من ايدها
ابو علي :- اليوم ابو رائد طلب ايد غدير لرائد واني گلتله اسألها .. رفعت راسها بصدمه وهيه تباوع ل ابوها .. ها بابا شگلتي ؟!
غدير :- العفو منك بابا بس اني مااريد اتزوج هسه !!.
علي :- ليش ماتردين تتزوجين شناقصچ !؟
غدير :- بس هيچ ماافكر بالزواج .
علي :- هو انتي حتى مااخذتي مجال يومين تفكرين شكو بسرعه تردين ثم رائد مناقصه شي مكمل دراسته ومتوظف احسن وظيفه .
غدير :- اي الله يوفقه بحياته ويلگه اللي يستاهلها اني مااريد اتزوج اريد اكمل دراستي ثم نور بعده مطالعه اربعينها شكو هسه نحچي بهيچ امور ؟!
علي بعصبيه :- وانتي شعليچ بنور ماتت وراحت لدار حقها يعني لازم نوقف حياتنه ثم منو مانعچ تكملين دراسه هاي وئام تدرس ومتزوجه وعدها طفل .
غدير علت نبرة صوتها مثله :- علي رجاءاً كل انسان حر بحياته اذا زوجتك گدرت تساوي حياتها وتوفق بين دراستها وشغلها فهيه انسانه شاطره واوك اني مو مثلها اني اريد اهتم بدراستي وبس ومحد اله حق يتدخل بحياتي من غير امي وابويه طبعاً مثل ماانت براحتك درست وتزوجت اني هم براحتي اقرر .
علي على صوته اكثر :- لا والله واني هنا حايط گدامج مو اخوچ الچبير اشو غصباً ما على راسچ توافقين على رائد والا والله واللي خلقچ حتى دراستچ احرمچ منها .
ام علي :- يمه شبيكم اعوذ بالله صلو ع النبي !!.
ابو علي بعد ماچان صافن على مسرحيتهم صاح بعصبيه :- بببببس ولك انت ماتعرف تحترم اني شنو هنا ماالي وجود ماالي كلمه وانت منو حتى تقرر وتغصبها ولك شنو موتتني وتريد تسويلك كلمه هي زعطوط من تالي وكت جاي تفرض شخصيتك بوجودي ؟!
علي بـ ارتباك :- لا بويه اسف مو هيچ قصدي بس هيه استفزتني .
ابو علي بنفس عصبيته :- اني بناتي محد يغصبهن بناتي ملكات هنه يختارن اللي يريدنه وبكيفهن مادام اني عدل محد يذلهن اذبحه والله اللي يفكر يلمس شعره منهن اذبحه لا رائد ولا ابو ولا عشيرته ولا انتو يا اخوانها محد يحاچي غدير مادام گالت مااريده عود من اموت شتسوون سوو بس ماابريكم الذمه اذا تأذوها .
الكل صار يردد :- بعد عمر طويل .. اسم الله عليك .. ليش تحجي هيج اسم الله .
ام حسين :- كافي يمه غديتلك فدوه لا تحچي هيج الله يخليك خيمه علينه وتدلل بنيتك وترفع راسها حتى موزين عليك هيج تسوي بنفسك وتعصب .
ابو علي اللي چان صابر وقوي اول مره يشوفو هيچ يبچي :- يمه خليها تدلل بجالي مادام اني موجود مااريد تتأذه مثل اختها مااريد وگام يبچي بصوت .
أنت تقرأ
آسميتها جارية
Romanceروايتي الاولى _ تحكي قصة فتاة تضحي بحريتها من اجل ان تكسر قيود اخيها فتعاني الم الغربه وفراق الاهل تحت مسمى جارية وليس فصلية فـ ماذا سوف تفعل وكيف سوف تقضي حياتها وماهو مصيرها ؟!
