آسميتها جارية

البارت السادس

البارت السادس
&
•
•
•
وأسمع حچي يسمّ البدن..
وأسكت وأگولن شحچي؟!

#مظفر_النواب
•
•
•
........
ماانطاها فرصه تحچي ويا حذر فرانك يساعدها عافها وراح وبقت حايره شنو تسوي ويه الخيل
فرانك :- امممم مارأيك ان اعرض عليكِ بعض المساعده ؟!
نور :- بهذا تكون انقذتني من اعظم مخاوفي .
فرانك :- لماذا تخافين الخيول فهي لطيفة ؟!
نور :- انا اخاف جميع الحيوان واتحسس منها !!
فرانك :- ماذا لديكِ تحسس اذن  لن اسمح لكي الاقتراب من الأسطبل !!
نور حست انها بالغت وكذبت ع فرانك
نور :- لا ليس لدي حساسيه قلت هكذا لكي لا اقترب منها.
فرانك :- ههههه انتي شقيه ايتها الصغيره يبدو انكِ تعلمتِ بسرعه من لورين !!
نور ابتسمت بهدوء و ماردت عليه
اتقربت بخوف من الاسطبل وكلما تحاول تلمس الحصان تصرخ وتبتعد وفرانك ميت ضحك عليها هو ولورين
مر الوقت وهيه موراضيه تقترب من الخيل وفرانك مايقبل يساعدها ب اوامر من علاء بس ينطيها تعليمات من بعيد ومستمر بالضحك ع تعليقاتها
اقتربت بهدوء من الفرس وهيه ماسكه الاسفنجه
نور:- شوفي يابنت الناس اني والله ماراح ائذيچ وراح انظفچ بهدوء بس انتي لا تأذيني مثل صاحبچ الأرعن .
فرانك صح مو فاهم شي من كلامها بس يضحك لأنها كل عقلها تريد تعقد هدنه ويه الفرس
ماحست بكومة الاعصار اللي اتقدمت ناحيتها
مسكها من حجابها والتم ب ايده شعرها سحلها من عند الفرس ودفعها ع الگاع بقوه چانت تصرخ ب ايده وتتوسله يعوفها وفرانك يحاول يخلصها من ايده
علاء بصوت مرتفع :- فرانك اذا تقربت خطوه واحده سوف اقضي عليك معها لا تتدخل بيننا واذهب من هنا
اضطر انو يعوفهم وحدهم رغم چان خايف ع البنيه لا تموت جوه ايده اخذ بنته وبعدها عن المنظر لأن طفله مومفروض تشوف هيچ اشياء
نور :- الله يخليك عوفني شسويت اني والله ماسويت شي
اتقرب وصار يدفرها بقوه ع خاصرتها وهو يسب بيها
علاء :- انتي ماسويتي شي اني گلتلچ ارجع الگه الأسطبل يلمع مايفيدچ شي من عنادچ گلتلچ لو ماگلت
نور :- والله اخاف من الخيل والله فدوه اروحلك عوفني ااااخ يمه لحگيني يممممه
علاء نزل لمستواها وسحبها من شعرها صار يضربها ع وجهها
علاء :- لا تگولين يمه انتي ماعندچ امم ماعندچ غيري صيحي علاء وبسس لا تذكرين احد
نور مااهتمت لكلامه وصارت تصيح ب اسماء اهلها كلهم ب السره وتترجاهم يخلصوها من ايده
علاء بصوت عالي :- گلتلچ نسوووچ انسيهم انتي هسه ملكي اني ماعندچ احد غيري
دفعها ع الگاع وحط رجله ع راسها
علاء :- اسكتي بسس اذا نطقتي حرف واحد انهيچ والله رفع رجله ورجع ضربها ع وجهها وجرح خدها
عافها نايمه بمكانها وطلع من الاسطبل بعد مانهاها من الضرب
هو بداخله يعرف سبب ضربه الها بس مايريد يعترف لنفسه وباقي كاتم عليه بداخله يحس اذا فكر بالموضوع يرجع يضربها واحتمال تموت جوه ايده
وصل للقصر شاف فرانك وايميليا واگفين ومرعوبين منه لأن اول مره يشوفو هيچ ماگدرو يحچون ويا وهو هم تجاهلهم ودخل للقصر اول مادخل راحت ايميليا تركض ب اتجاه نور .
.........
بقت نايمه بمكانها فقدت من الضرب وبالها وگلبها وروحها كلهن راحن لبغداد ل اهلها تشوف نفسها بينهم تلعب ويه عبد الله ابن علي اخوها وغدير منزعجه من صراخهم ماتگدر تركز بالكتاب اللي ب ايدها ومحمد وهادي يلعبون اكس بوكس ويصارخون بينهم ومتحمسين وامها تطبخ بالغده وابوها بالشغل وجدتها گاعده تصلي بغرفتها وكل شويه تصيح الله اكبر حتى يسكتون و وئام مرت علي گاعده وتضحك على خبالاتهم ماحست ب ايد ايميليا اللي تحاول تمسح الدم من على وجهها ولا ب ايد فرانك اللي شالها من گاع الاسطبل ولو چانت صاحيه چان ماسمحتله ابد يلمسها اخذها للملحق الخاص بيها مددها ع فراشها وطلع من الملحق حتى يروح يتوسل بعلاء يسمحله يجيب الها دكتور بقت ايميليا عدها تداوي جراحها وهيه تسمع ونينها وكلامها اللي مومفهوم الها ابد