Billionaire's Untainted Love

2. He's holding a nobody's hand.

"Ally, hindi ko makita 'yong Auditing Problems. Is it on loan?" tanong sa kanya ni Kattie.

Nagsasalansan siya ng mga libro sa library at nililinisan ang mga shelves nang lapitan siya ng kaklase.

Si Kattie - siya 'yong typical nerd na meron ang mga eskwelahan. Iyong genius na hindi lang ang grado sa paaralan ang mataas kundi maging ang grado ng mga mata nito. Siya iyong mukhang naglalakad na library sa dami ng kipkip na libro. Pero siya rin iyong matalik na kaibigang pinagkakatiwalaan ni Allison.

"Na kay Michael," inginuso niya ang male version ni Kattie, he's her friend as well. Nakap'westo ang lalaki sa pandalawahang mesa sa sulok ng library at super busy sa pagbabasa.

"Ah kaya naman pala," nagpaalam ito na pupuntahan nito si Michael.

Ally hoped she could join them. Kaso nasa library siya bilang Student Assistant at para magtrabaho. Nakakapagbasa lang siya doon kapag may absent silang instructor at doon nila palilipasin ang buong period.

She sighed as she absentmindedly touched her right arm. Nabugbog iyon nang husto sa pagkakabagsak niya kanina. Nangingitim na nga iyon. Mabuti at medyo natatakpan iyon ng suot niyang shirt dress.

Tinapos niya ang ginagawa dahil patapos na ang vacant period niya. Sasabay na siya kina Kattie at Michael.

"Ally, tapos mo na ba yung assignment natin?" Tanong ni Michael habang pababa sila ng hagdan. Nasa fourth floor kasi ang library.

"Oo. Tinapos ko na kagabi. Sana lang tama," she barely have one hour each night to work on her assignments. Mabuti at ni minsan hindi pa siya bumagsak dahil sa madalian laging paggawa niya sa mga iyon. Gusto na nga niyang maniwala na mas mahusay siya kapag may time limit at pressured siya.

"Kelan ka ba nagkamali, Ally? Ang galing galing mo nga eh kasi kahit di ka masyadong nakakapagbasa, nakakapasa ka pa rin," puri sa kanya ni Kattie.

"Naman, kung ganyang usapan na rin naman, ano naman ang panama ko sa inyong dalawa?" nakangiting sabi niya sa mga kaibigan. Nakatingin siya sa mga ito kaya nang mabangga siya nang nagmamadaling paakyat na dumaan sa tabi niya, napapihit siya at nawalan ng balanse.

They were still four stair steps away from the ground floor at hindi rin siya nahawakan ni Michael na siyang katabi niya. Ally braced herself for yet another hard fall that day.

'Please, not on my right!' pipi niyang hiling.

Parang slow motion yung pagbagsak niya. Napapikit siya nang finally ay maramdaman niyang bumagsak na siya - sa sahig?

"Ally!" narinig niya sina Kattie at Michael.

She didn't seem hurt at siguradong hindi siya sa sahig bumagsak. She was caught by someone by her waist!

"Ethan!" namilog ang mga mata niya nang makita niya kung sino ang sumalo sa kanya.

"It's you again!" He said, smiling down at her.

'Omg...'

Pakiramdam ni Ally kulay over ripe na makopa na siya. Ethan's face was so close and he's really got those gorgeous eyes staring back at her.

Napasipol naman si Leio na nasa kanan ni Ethan.

"And we met again," he remarked teasingly.

"Ally! Are you okay?" nag-aalalang lumapit si Kattie. "Thank you Ethan."

Saka lang siya naisipang itayo ng binata. But by doing so nahawakan nito ang kanang braso niya dahilan para mapangiwi siya sa sakit.

"Aray," mahina niyang daing.