#سلالة العنفوان...ذنب عينيك

الذنب 39

الذنب 39
رواية. ذنب عينيك سلالة العنفوان
بقلمي. نور سمو العراق

💔💔💔💔💔💔💔💔💔💔💔💔💔

سكته يطفه ،،

ويشتعل حزنه اوي صبحه

يثلم بروحه الگمر چي ماكو نجمه تدواي جرحه

.................................

فتحت الباب وانصدمت من الي شفته رمشت بعيوني اكثر من مره استوعب عيوني استوعب الي شفته

ابتسمت من بين حزني و اوجاعي همست. يوسف يوسف انت شحالك شصاير بيك وين جنت وشلون اندليت مكاني

ابتسم ونزل الشفقه من راسه كال. شنو ما ناويه تضيفيني لو ما يصير ادخل اله بعلم النقيب

من بين لهفتي عليه ضحكت. ههههه والله مشتاقتلك كومه ما تتصور شكد بجيت عليك وما تعرف شصار بيه من عفتني ورحت

باوع يمنئ،ويسرئ بعدها همس بعصبية...ولج دخليني لا يجي،وأحد ويفهم غلط

بلعت ريكي باحراج...هااا بس لحظه اكعد ذياب واخلي هو يدخلك لان هذا مو بيتي،ولا بيت اهلي هو بيت اخو زين منه وملفيني خلي اكعده وهو يدخلك

مشيت خطوات صاح عليه...لا لا لا عوفي نايم اني راح اكعد بالبستان وبس يكعد دزي عليه

حطيت ايدي علئ خدي...يا عزا شلون لا ميصير هيه اكعده وهو يدخلك يعني لازم نستاذن من اصحاب البيت يله ههههه وبعدين ذياب يلحك علئ النوم

خليت ودخلت وهو يصيح وراي ...ولج قربى عوفي الرجال نايم انه راح اروح

درت وجهي علية...لا النبي عليك لا تروح هسه اكعده هو بعد شبع نوم ...

دخلت لكيته نايم طابك المخده طبكتين ومغطي حتئ وجهه كعدت بهدوء يمه امي جانت دكول من تردين تكعدين واحد كعدي بهدوء حتئ ما يكعد مرعوب وينجلط واني ماشيه علئ خطى امي...

حطيت ايدي عليه همست...ذيب ذيبي يروحي اكعد شوف منو اجانه شخص تحبه يااااي كولة سوزان

فتح تك عين كال...مو كتلج خليني نايم شبيج يوول ماكو احساس

جاوبته بحيرة...لا اكوو بس انتم اهل الغربية ما ادري شبيكم اعصاب اكعد شنو ما شبعت نوم ...النوم مو الك يكولون نوم الظالم عباده وانت مو ظالم..

عدل كعدته وفرك عيونه وبعدها باوعلي ...هساع وكتها تكعديني اكصو الراسج

ضربته علئ كتفه...يول ابن عمي مات من الحر وانت تتدلل عليه وبعدين شلون تكص راسي،وابن عمي شيال همي هينا ههههه