مزنه في وگر الشيذمان

...50...

#مزنه_في_وگر_الشيذمان
بـقـلـم / شهد الحسناوي
البارت الخمسون

اضحك والعيون تسولف البيه
طحت يم ناس بيهم نقص حنية
المطر طايح صلح.. الكاع ما تهواه
الجدم ترخص معزته اليمر يوميه
اندل الفتك واسكت عزيز الثوب
اضوكن مر واقنّع روحي برحية
من طش الجهل ظل ساكت التمثال
وين الكه النبي اليعرف شكو شبيه
مثل فيّ النخل مكروه تالي الليل
ومن تطلع شمس تنباس رجليه
بدوي وكمت اشوف الربع بس عاكول
وادري الصحره تكره حجي الجورية

مزن

تفاجئت من كلامها بس ما ابديت اي ردة فعل ع الموضوع
دخل وراهم فيصل
باوع عليه و غمزلي

ابتسمت و رقه كالت
- اخوي لا تغمز مريتك وحلالك چدامكك تربع بسدهـاا

ضحك هو واني كمت نطيته كلاص مي وكتله
- الله يساعدك

سحبني عليه كدامهن وكال
- الله يديملي هالملگه الحلوو ابوويه

- اخوووووي تطكون بلكاع انتم لحظه ابخركم

ضحكت وكتلها
- البخور مالتج قووي رنس واني ياذيني

- لا لحظه اجيبلج من امي
راحت ركض و وناس تضحك عليها
راح فيصل يمهـا وكال
- شلونها الحلوه بدراستها

- الحمدلله ما مواجهه صعوبه

تقرب عليها شاورهـا جفلت و حجت بحماس
- احلف فيصل احلف

- وناس العليه كتلج بكيفج بعد

مدت ايدها ورجعت ظهرها عليه وضحكت
- راح يغمى عَلي كضني

باوعت عليهم رقه وكالت
- شصايرررر شتخططون من وراي

نظرتلها وناس
- انه واخوووي معليكم

- علينه ونص

- حيري بفروخج انتِ

ضلن يتناكرن تالي صاح بيهن فيصل
- اهجعن شمالجن

ندارت عليه وناس
- فيصل بداعتي عليك صدك ؟!

ضحك وكلها
- شمالج ملهوفه وما تصدكين

- موش اعرف امي اذا درت چتلتي عَمل شعبي تصيرر

- لا انه احجي وياها

ظلو يحجون سوه بيناتهم احب تفهم فيصل وعلاقته بخواته
يسندهن ويوكف وياهن بكل الحالات
بنص تعبه وبنص اذيته هنه بباله
يجي من الدوام ما يرتاح اذا ما يشوفهن محتاجات شي
واذا محتاجات يجيبلهن يلا يجيني ويرتاح
حتى لـ رقه رغم متزوجه بس يكول اخيتي
حالها حال هالاثنين

هنه هـم يلتجئن اله بكل شي وما يضمن عليه ابد
بحيث وناس من تجي من الجامعه و ترتاح
بعدهـا تشوف فيصل تكعد تحجيله كلشي وتفاصيل يومها
واذا ما موجود تخابـره تحجي ويـا ما تضم كلشي عليه
اذا حجه وياها زَميل الها علمود ملزمه تجي تكله هيج وهيج سويت اليوم و طلبو مني ونطيتهم