مزنه في وگر الشيذمان

...42...

#مزنه_في_وگر_الشيذمان
بـقـلـم / شهد الحسناوي
البارت الثاني و الاربعون

أهلي ما وگفولي لا خل لا حبيب
مالگيت العني شمّر ساعده
ياعلي مروتك شحطلها وتطيب؟؟
الموت واگف ينتظرني بموعده
وين ماروح الدمع يفتر وراي
مثل ضلي يكبر شما باعده
عيني صارت من ورد وانه ابتليت
ع الوساده يطيح كل يوم النده

مـزن

تصنمت بمكاني يا الله راح يغمـى عليه
ضعفت اي ضعفت وانـي اشوف عيونها تصوبت عليه
بس رغـم كل هذا تماسكت و قَويت روحي
اخذت نفس من حسيت بـ ايد فيصل تشد على جتفي

هي وعمامي وجدي واكفين بلحديقه
تقربت عَليها بلعت ريكي وكتلهـا
- شتسوين جايه

- اجيت اخذج

باوعتلها وهي تنظرلي وتحجي بـ توسل
- بنتي يلا خلي نمشي مالنه مكان يمهم

ضحكت
- بنتي .....شكـد جنت اتمنى اسمعها منج بس اجت هسه بعد فوات الاوان بعد الوجع والحرمان اللي عانيته منج يا أُمي

امـا اذا ع الروحه اسفه بس ما اكدر اروح وياج واظن انو صـار عندج علم اني تزوجت وعنـدي زوج و عائله وما اكدر اعوفهم وارجع وياج لنقطة الصفر

- تتطلكين منه

وسعت عيوني واني اكلها
- مستحيل دا اكلج بيتي ما اهدمه زوجي احبه

سحبتني من ايدي بقوه وصاحت بوجهي
- شنو تحبي امشي وياي

- ما اروح وياج وما اعوف زوجي وبيتي

- ادري بيج مجبوره

ابتسمت
- لا مجبوره ولا شي فيصل حبيبي و زوجي وتزوجنه على حُب وماكو اي اجبار بلموضوع

انتِ صح امي بس انـي اعرف كلش زين ليش اجيتي هسه وتذكرتيني بعد كل هالشهور الغايبه بيها

- شتحجين انتِ

ابتعدت عنها وكتلها
- اي احجي الحق عندي علم بكلشي صـار گبل عنـدي علم بكلشي صـار لابويه وبگـل الم عانا منكم بكلشي اذى عنـدي علم باذيتج الي واله وكُرهج النه عندي علم بعدم اهتمامج
بـ گلشي سويتي عنـدي علم

ركزت على اخر كلامي وهي وسعت عينها
- بگل ذره وبكل شي يخص كبل صرت اعرفه بخصوصج انتِ وزوجج وبخصوص الاملاك وكلشي ببالج

ابتسمت بوجهها
- جنتي مستغلتني ما حاسبتني بنتج جنتي مسانده زوجج وتصغرين بعمري في سبيل يبقى تحت سيطرتكم وحتى من عفتج واجيت لهنـا اقسم ما اهتميتي الي

بس حـالياً يلا حسيتي بـ مزن ليش؟
لان نقطع عنج كلشي ،، لان فيصل رجعلي حقي و رجع كل الاملاك بـ أسمي وسحبهن منج

ومن خلصت فلوسج تذكرتي عندج بنيه اسمها مزن
واجيتي تردين ارجع وياج حتى تستغليني وتأذيني بعد
حتى تصكعين بيه وتكذبيني وتصدكين بزوجج
حتى تفضلين اولادج الباقين عليه
حتى من اكلج يمه صار وياي كذا وكذا تگذبيني وتضربيني وتگليلي ماكو هيج شي لا تتهمي