مزنه في وگر الشيذمان

...10...

#مزنه_في_وگر_الشيذمان
بـقـلـم / شهد الحسناوي
البارت العاشر

بچيت وما دريت ألمن
‏شمع محد قرة عيوني
‏وهويت ‏و ما دريت شگد
‏ولا چني غريب وعاشگ ضنوني
‏عود شگال گلبي
‏وكل سموم الله هدر لوني
‏و دريت
‏الـ ينشتل تچوه لـ تعب غيره
‏مثل دخانه سكته يطيح
‏مايلگه اليتچيله
‏ودريت ..
‏الينذر عيونه لـ ضباب الناس
‏سكتة يضيع مامش عين توميله

مزن

بلعت ريكي ورفعت راسي

التقت عيوني المصدومه بنظراته البارده
ولا كأنو يعرفني ولا مصدوم
ردة فعله بارده جداً
ما جنت متوقعه اللقاء هيج راح يصير ابد

جنت راسمه براسي غير شي اذا الله كتبلنه لقاء كلش بعيد عن هذا
ادركت انو اللي ارسمه براسي واللي اتخايله ما يصير
ادركت انو واقعي عكس تماماً

ما كلف نفسه ولو حتى يسلم عليه
جد كلش قهرني وحزت بكلبي

درت وجهي حتى ارجع لغرفتي

صوته بكل هدوء نطق ووكفني
- شجابج شني الردج يالمزن ؟

نداريت عليه وما اعرف شكله ظليت متصنمه
- موش حذرتج انه وكتلج تعاينين الجحيم بردتج بس ما اخذتي بچلمتي .... انتِ كد الراح تعيشي؟

- شنو يعني

- صفحتكَم مضت و نزال اثركم
تالي رديتي ولجمتي كِل الجروح اللي لساعهه ما طابت

حسيت بكلامه مغلفه الغموض وما فهمت شي منه
ضليت موجهه نظري اله وعيني بعينه
- شنو قصدك ؟؟ شبيه انـي وامي هلگد تكرهونه شمسويـن ما تفهمني؟

ما جاوب عافني وتابع طريقه
صارت ورا رأساً سمر ابتسمت باستفزاز
- قصده ما مُرحب بيج بهل بيت الافضل الج انو ترجعين منين ما اجيتي

ابتسمت
- محد طلب منج توضيح وتفسير لكلامه

حجيت هالكلام وعفتها ودخلت للغرفه كعدت بداخلي شعور ما اعرف بشنو اوصفه بس هو شعور جداً بشع و مو حلو

احس بروحي جاي انذل وانهان
جاي تنحط من كرامتي هنا بهذا البيت
هواي تاذيت منه هواي حزنت
الاشخاص اللي يكرهوني اكثر من اليحبوني
لكن بارادتي متغاضيه عنهم لجل كم شخص
واني جاي اسوي هيج واشوف تاليتها شلون راح تصير ؟؟؟

يسيئون الي بكلام وافعال ويعبرون عادي
ما يدرون هالشي اللي ولو هو مجرد كلمه صغيره
شكد اتحسس وانجرح منها شكد تأذيني وتهدم روحي
لكن مع كل هذا ابتسم بوجه الياذيني وما ابينله كسرتي واذيتي
هذا طبع بيه من صغري شكد جنت اتاذه بس ما ابين هالشي
اعاند روحي واعاند وجعي
اني يمكن اكثر شخص يعاند مشاعره ويظهر عكسها
عادي جداً داخلي مكسوره ومتاذيه وكلبي ديتكطع
واني بكل بساطه تلكاني اضحك بوجهه اللي يتلكاني