__❄عيون_الجليد❄__

18

الحلقة18:
فيرا تحكي:
بقيت نشوف معاهم واحد واحد..قلبي يخبط فالالف نحسو راح يخرج مبلاصتو..خذيت نفس و زوج و ثلاثة..نحاول نتمالك اعصابي..تلفت شوية لهشام..متكي عالكرسي..الهدوء باين عليه..رجعت درت ليهم..منعرف كيفاه يقدر يحافظ على هدوؤو فهكا مواقف..شوية و حكى واحد منهم..
_اذا نتي هي فيرا قايد
عوجت فمي..غمضت عينيا بقوة و رجعت فتحتهم..تكيت لتالي..نحاول نكبس روحي قد ما نقدر..حطيت رجل فوق رجل..
انا: راك غالط..لي قدامك هي فيرا جبروت
_مممم..لمهم نظن هشام الراشدي فمهك طريقة خدمتنا..
هزيتلو براصي ايه..كمل يحكي..
_يعني نتي دك راح تكملي خدمة ياسين قايد
انا: عارفة
مهدي: و في رايك راح تكوني قدها ؟
تلف ليه نشوف شكون هدر..رجعت تفكرتو..هادا نفسو لي قال عليه هشام انو عدو فالجماعة..تبسمتلو على جنب..نحكي
انا: مدام عباد كيما نتا قدرو علاه انا منقدرش
وجهو تكبس..الصم عم لبلاصة..شفت فهشام بطرف العين..لقيتو متكي يدو عالكرسي و شاد ضحكتو..تفرهدت..منعرف علاه وقت شفت شبه الابتسامة هاديك حسيت بالراحة..التوتر لي كنت حاس بيه كامل راح..رجعت ضحكت و درت جيهتهم..حكى وحدوخر..
_اسمعيني دك..مدام راكي قاعدة فهاد الطابلة معانا..معنتها نتي راكي تبصمي على وثيقة كونك عيون الجليد
هزيتلو براصي ايه..كمل يحكي..
_فخدمتك هادي راح تنحي حاجة اسمها انسانية، رحمة، احساس، و خصوصا الحب من قاموسك..راح تعيشي للخدمة برك..
بلعت ريقي بالسيف..هزيتلو براصي ايه..
_البوس تاعك هو هشام الراشدي معنتها نتي تابعة ليه
تلفت لهشام..تبسملي..رديتلو التبسيمة و رجعت درت لهاداك..
انا: اوكي
_علاقتك بيه من الاحسن تكون علاقة بوس و واحد من جماعتو..لا اكثر لا اقل باش نحافظو على هيبتنا
كبست على يدي بكل قوتي..زميت شفافي..هادي لي كنت خايفتها..هوما دك حطو حدود بيناتنا..حطو قواعد لعبة بعيدة عليهم..قواعد حياتي..خذيت نفس طويل نهدي فروحي..شفت معا هشام..معمل حتى غياكسيون..رجعت شفت معاه..
انا: اوكي حتى انا منيش جاية نلعب هنا..
تلفت هاداك لي كان يحكي ليهم..
_اخر قرار..موافقين على خدمتها هنا ؟
سكتو شوية..بلعت ريقي نستتى فإجابتهم..شوية و بدا كل واحد يقول موافق..تنهدت..
_الاجتماع خلاص