__❄عيون_الجليد❄__

07

الحلقة7:
الفيديو عاوداتو اكثر من 50 مرة..تشوف فيه و تعاود..قدرت تحفظ اهم مكونات السلاح لي راح تستعملو اكثر شئ..نقدرو نقولو حفظت طريقة الاستعمال..بصح الصح يبقى فالتطبيق..حطت البيسي من يدها..طلع عينيه ليها..
فيرا: عييت خلاص
هشام: حفظتيهم !؟
هزتلو براصها ايه..وقفت تكسل فعضامها..نزل بعينيه لشوميز لي طلعت كتر..فاقت على روحها..هبطتها بيديها..نفخ بالقاوي وقف حتى هو..
هشام: تبقاي هنا متتحركيش نروح و نولي
فيرا: ن نقعد و وحدي !!
هشام: مكاش لي يدنا لهنا متبدايش تقلقي ف### و احسنلك مديريش حاجة غبية
مردتلوش..بقات تبع فيه حتى خرج..شوية و سمع صوت الطوموبيل راحت..تنهدت بحزن..دارت للكوزينة..فتحت لفريجيدار..عوجت شفافها..مكاين والو..طاحت عينها عالطوماطيش..جبدتها قطعتها حطتها فالخبز..زادتلها الملح و راحت للبيت..تاكل و تستبن..قعدت مقابلة لمرايا..تاكل و تشوف فيها..حبست شوية..تحكي معا روحها..
فيرا: فيرا لي صرا صرا..حلك الوحيد دك انك تتقبلي كلش صار و تتعايشي معاه..منقذك الوحيد منو هو "هو و جماعتو"..
سكتت شوية..تحاول تتقبل الفكرة و انو باش تخلص روحها لازم تعرف تتعايش معاهم..للدك مزال كلام هشام فبالها..يمكن صح ياسين كانت عندو سبة..و الطريقة الوحيدة باش تعرف انو تتقرب لخدمتو كتر..كملت ماكلتها..تكات لتالي..بقات تتقلب فالفراش..مجاهاش نعاس..عينها متغمضتش..وقفت للبالكون..تشوف لبرا..مشي عارفة واش راهي تستنى بالضبط..يمكن تستنى فيه..شوية و دخلت طوموبيلتو لجنينة الدار..زربت رجعت لبلاصتها..غطات روحها و غمضت عينيها..سمعت صوت الباب لي تفتح..صوت خطواتو تاقبين الارض..ماشيين و يقربو كتر..كبست على يدها وقت تفتح باب البيت..
بقى يشوف معاها شوية..حط الاكياس عالارض..و خرج..
فتحت عينيها بلعقل..تقعدت..هبطت بالزربة راحت لاكياس هادوك كامل عليهم ماركة يا Gucci يا Zara فتحتهم..طلعت حواجبها وقت لقاتهم بزااف حوايج و سبابط..عقدت حواجبها
فيرا: يعني خرج علاجالي ؟..
عوجت فمها..رفدتهم حطتهم فوق البونك..تجبد بالحاجة و تطبق فالخزانة..اخر شي جبد شورت و ديباردور..بدلت الشوميز تاعو لبستهم..بقات شادتها شوية فيدها..قربت لنفيها..غمضت عينيها شمتها..ريحتو تقهر..رجعت نزلتها..حطتها فطرف السرير و رجعت دخلت تحت لغطى..
★★★