Wicked Hearts

Chapter 21

Kinuha ko na ang cell phone ko na nakapatong sa nightstand. Nasulyapan kong may one text message na roon. Sigurado akong galing 'yon kay Ulrich.

"Sigurado ka? Baka naman ginugutom mo ang sarili mo—"

"Ateee. I'm fine." Sumimangot ako. "Ikaw nga diyan, eh. Mukhang puyat na puyat ka lagi sa trabaho."

Tumawa siya habang naiiling.

"It's nothing, Riza..."

I really hope it is...

Pagkalabas ni Ate Sarah ay binaba ko ang text message ni Ulrich. Naroon na raw siya sa coffee shop. Napag-usapan na rin namin kanina na hindi niya ako susunduin. Medyo malapit lang naman dito ang coffee shop. I just need to use my bike.

We need to keep this mission as secret as possible.

Nilabas ko mula sa garahe ang bike ko. It's still working fine kahit na matagaltagal na rin no'ng nilabas ko ito. I usually do this after school, noong mga nasa elementary pa ako.

I texted Ulrich. Sabi ko ay papunta na rin ako.

He replied immediately.

"TC."

Geez. Take care na lang hindi pa mabuo?

Nag-pedal ako sa gilid ng kalsada. Buti na lang may bike lanes dito kaya hindi delikado kahit na gabi. Though may mga naglalakad din pero tumatabi naman sila.

Nakangiti ako habang nagbibisikleta. Ginagamit ko rin ang bisikletang ito sa tuwing pinapagalitan ako ni Mama dati... kapag nagtatampo ako.

Oh... how I missed it.

Suminghap ako habang dinadama ang malamig na hangin na humahaplos sa aking pisngi. Bahagyang tinatangay ng hangin ang bagsak kong buhok.

After minutes of paddling, nakarating na ako sa coffee shop. Tinabi ko sa gilid ang bike ko. May lock naman ito sa gulong kaya hindi magagalaw.

Sinuklay ko ang buhok ko. I prepared to get in.

The warmth and coffee aroma welcomed me the moment I stepped my feet inside the coffee shop. The calm instrumental music complimented the serenity of the environment.

Hindi ako nahirapang hanapin si Ulrich. Nakaupo siya sa bandang dulo. Nakatalikod siya sa akin kaya hindi niya ako napansin.

I walked towards him. He was wearing a grey tank top and black shorts. Nakayuko siya sa lamesa at parang may pinaglalaruan sa kanyang kamay.

"Hala! Daga?" gulat kong sabi.

Umangat sa akin ang tingin niya.

"Hamster..." aniya.

Halos pumuso ang mga mata ko nang makita ang cute na hayop. Dali-dali akong umupo at nilapitan ng tingin ang kanyang daga na hawak. Pinakain niya 'yon ng kulay itim na buto.

"Naglakad ka lang?" tanong ni Ulrich.

"Nag-bike," sagot ko nang hindi inaalis ang tingin sa daga niya.

"Really? While wearing shorts?"

"Alangan mag panty lang ako?"

"Oh, wow..." Pilit na tumawa siya.

I looked up at him. "Can I touch him?"

"Her..."

"Sige na!" pagpupumilit ko.

He looked at me with full of scrutiny. Parang tinitimbang pa niya kung karapat-dapat ba akong humawak sa daga niya. Kahit naman hindi siya pumayag ay hahawakan ko 'yon.