Wicked Hearts

Chapter 12

Chapter 12: Friday

My sister is dating Ulrich's father.

That makes sense though. Hindi kailanman naging masikreto sa akin si Ate Sarah. She used to tell me everything, like literally everything. Saksi ako sa kung paano siya magmahal, umasa, at masaktan.

Siya ang unang taong nagpakita sa akin kung gaano kasarap ang magmahal at mahalin pabalik.

"Drink?" Ulrich asked me.

After that scene, Ulrich brought me to the nearest cafeteria. Unlike in our department, hindi hamak na mas malaya siyang gumalaw rito. They have their own student government here. Though namumukhaan pa rin siya ng iba.

"Okay..." He stood up without hearing my response. Pumila siya sa counter.

Nilabas ko ang cell phone ko. I have one text message from Jessie.

"Dating na ba sina PJ at Cams?" he asked me.

Napailing na lang ako. Nahuhuli na siya. Sabagay, magkaklase kami ni Cams habang siya naman ay sa kabila pa. HUMSS ang strand ni Jessie na kasing grade lang din namin.

I drew a deep breath. I'm still processing everything.

Holy shit. My sister is dating Mr. Nicholas Delgado!

No. No. This feels so dreamy.

I bit my bottom lip. Yumuko ako sa table at pinikit ang mga mata ko. Hindi ko alam kung magandang alam ko ito o ano. Dapat ba hindi ko na lang pinairal ang pagiging chismosa ko?

But it was really suspicious. The secrecy of their relationship triggered my curiosity. Now that I found out the reason... what am I going to do with it?

No. Ayokong magbago ang tingin ko kay Ate Sarah.

"Let's have lunch first," I heard Ulrich.

Narinig ko ang pagtunog ng mga plato sa lamesa. Walang gana pa rin akong nakayuko sa mga braso. Hindi naman ako nagugutom. Nauuhaw lang.

"Riza. Kain muna tayo."

Umayos ako ng upo. Hinawi ko ang buhok ko. Pinagmasdan ko ang mga pagkain sa harapan ko. Ang dami na naman. Nakakagutom sana kung nagugutom lang ako.

I watched how Ulrich approached one of the crews to give them the food tray. Pagkatapos no'n ay hinila na niya ang upuan at umupo sa harapan ko.

Napakapa ako sa bulsa ko. "How much?"

Umangat ang tingin sa akin ni Ulrich.

"Did I ask you to pay?" Tila nainsulto pa siya.

I just nodded. Kaya ko namang magbayad. Malaki-laki rin ang pera ko na binigay ni Arthur kapalit nung laruan. Hindi ko nga alam paano 'yon gagastusin. I'm not used to having that huge amount of money.

Kumuha lang ako ng pasta at bread. May rice at chicken pero hindi ako kumuha. Napansin ko ang inumin namin na pareho – mango pineapple fruit shake.

Inikot ko sa pasta ang tinidor at sumubo. Habang kumakain ay tumingin ako kay Ulrich. Halatang gutom ito dahil hindi siya kumikibo.

"Kailan mo pa nalaman?" tanong ko.

Tumigil siya sandali para uminom ng tubig. Pinunasan niya ng tissue ang bibig. I watched how he gently wipe his wet lips with that tissue.

"Matagal na rin." He shrugged his shoulders. "Just eat first, Riza. We will talk about it later. Not here. Baka maabutan tayo rito ng ate mo."

Mahinang tumango ako. Pinilit kong ubusin kahit man lang 'yung pasta ko. Maganang kumain si Ulrich pero hindi niya naubos lahat ng binili niya. Hindi na rin niya ako pinilit na ubusin ang mga 'yon.